انت تسأل وإستشاري منتدى متسوبيشي يجيب (2)

**mgk_tex** · 21-07-2009 10:19 PM

[frame="1 80"]صباح الفل [/frame]

**hisho1979** · 21-07-2009 10:57 PM

يابشمهندس طارق أنا وديت عربيتي بعد ماتخبطت لمركز مجدي شاهين في الأسكندرية وغيرت أكصدام ب 1600 جنيه وفانوس أمامي ب 1200 جنيه
بس سمعت ان مجدي شاهين بيركب قطع غيار مضروبة هل ممكن يكون عمل كدة معايا ؟
طب ازاى اعرف الأصلي من المضروب؟

**مصراوي جدا** · 24-07-2009 06:17 PM

المشاركة الأصلية كتبت بواسطة waleedlotfy

مهندس طارق
عندي لانسر 1300 مانيوال مو 98 ممكن اركب فرامل abs و مثبت سرعة لها و التكلفة كام و هل قطع الغيار متوفرة أم لا؟

بشكل عام لا يتم تركيب اي نظم في العربية غير اصلية فيها يعني لو العربية مش نازلة بفرامل abs لا يتم اضافته لها في التوكيل و كذلك مثبت السرعة

المشاركة الأصلية كتبت بواسطة mootazeg

اخوتي وبالاخص الفاضل المهندس طارق , السلام عليكم اولا

امتلك لانسر اوتوماتيك 2009 بضمان مصرية عاملة 8300 كم عندى نفس مشكلة الاستاذ mohamedmg والاستاذ mimieg وهى لما اكون ماشي على d ومرة واحدة اقف واجيب p او n ينزل rpm الى 400 ويرجع تاني بعد ثواني الى 1000 , وايضاالعربية بتتاخر في الدوران الصبح وعند تشغيل التكييف ينخفض مؤ شر ال rpm ويصبح اداء العربية مزعج خصوصا علي السرعة البطيئة مما جعلني لا اقوم بتشغيله خوفا من تبطيل العربية او حدوث مشاكل ده بالضافة لاحساسي الدائم بان العربية مخنوقة وصوتها عالي . ومن حوالي اسبوع زرت مركز الخدمة في موبيل الدائري وقاموا بتنظيف الكاربراتير واعادة ضبط الموتور ولكن لم يحدث تغيير يذكر .

انا بصراحة مش قادر اشغل التكييف ومش قادر استني لصيانة ال 10000 ورمضان علي الابواب (كل عام والجميع بخير) !!!

ارجو رأيكم لاني بصراحة قلقان ومش فاهم في ايه , بيتهيالي اجيبهالكم قليوب يتعمل عليها فحص شامل افضل فياريت تقوللي اقرب وقت اجي فيه امتي ؟

برجاء الرد في اقرب فرصة ولكم جزيل الشكر

عموما حضرتك قربت من ال 10 آلاف فمش لازم تنتظر وتقدر تيجي من دلوقتي التوكيل تعمل الصيانة ويتم الكشف على المحرك وحل المشكلة
ممكن تيجي في اي يوم بدري من الساعة 8 بس بلاش يوم السبت

المشاركة الأصلية كتبت بواسطة hisho1979

يابشمهندس طارق أنا وديت عربيتي بعد ماتخبطت لمركز مجدي شاهين في الأسكندرية وغيرت أكصدام ب 1600 جنيه وفانوس أمامي ب 1200 جنيه
بس سمعت ان مجدي شاهين بيركب قطع غيار مضروبة هل ممكن يكون عمل كدة معايا ؟
طب ازاى اعرف الأصلي من المضروب؟

هي الأسعار دي اسعار الأصلي
اعتقد الاكصدام بعد تركيبة ودهانه صعب معرفته اصلي ولا لأ انما الفانوس ممكن خاصة لو تم مقارنته بالفانوس الأصلي الناحية التانية الذي لم يتغير

**مصراوي جدا** · 26-07-2009 01:09 PM

سيتم عرض الموضوع على مدير الصيانة في شركة مصرية لكنه في اجازة حاليا ويعود بعد 3 أيام

**مصراوي جدا** · 27-07-2009 11:38 AM

من حوالي شهر كان احد اعضاء المنتدى هنا اشتكى من مركز الصفوة وقمت بطباعة الشكوى زي ما هي وقدمتها لمدير الصيانة فقام بارسالها كما هي بالفاكس للصفوة وطلب منهم رد عليها وحل الموضوع وقاموا باستدعاء العميل والاعتذار له وحل مشكلته واتصل مدير الصيانة بالعميل للتأكد من ان مشكلته تم حلها

فأرجو الانتظار اليومين دول ومفيش حاجه هتتنسي باذن الله