الموضوع: احترس من المنتدى ..!!!

حصلت معايا نفس المشكله

ودخلت مرحله الادمان الالكترونى

فقررت انى اكون متابع من بعيد لبعيد فى المنتدى خاصه وعلى الانترنت عموما

واشارك فى الحياه العامه وابعد عن العزله

لانى حسيت انى هضيع عمرى ما بين الانترنت وكوبرى اكتوبر

قلت لاء الانترنت فى اقل حدود واقضيها من على الدائرى

بس برده

دلوقتى انا فى البيت وفاتح نايل موتورز وبشارك

أنا فى مرحلة الإدمان دى دلوقتى
أنا بصحى الصبح أفتح الانترنت على نايل موتورز وببقى محتار ألبس ولا أفتح المنتدى وساعات كتير بروح شغلى متأخر بسسبه
أول موصل الشغل لازم أفتح المنتدى، طبعاً بيفضل مفتوح طول اليوم لحد ما أروح
أوصل البيت أتغدى وافتح المنتدى تانى ( ساعات بفتحه قبل الأكل لحد الغدا ما يجهز)
أنا عايز ألحق نفسى لأن مراتى بدأت تتضايق منى لما بفتح النت فى البيت ( طبعاً أنا ببقى مفهمها إنى بشتغل)
مش عارف الحياة كانت هتبقى إزاى من غير نايل موتورز

المشاركة الأصلية كتبت بواسطة نور القمر

ااااااااااااااااااااااااا

ادى اخره المنتديات اللى بتدمنوها

راح فين الكلام ده بقى
انا لسه شايفه حالا

للأسف كلنا كدة

ابتدت بالفيس بوك وحاليا نايل موتورز لدرجة صحابى بيكرهوا حاجة اسمها نايل موتورز

بس انا لحقت نفسى الحمد لله

حاليا بالكتيييييير ساعتين تلاتة والباقى اى حاجة بعيدة عن اى حاجة فيها تكنولوجيا.

وابنى (7 شهور ) اللي مرة جيت اشيله راح معيط والحركة دي هي اللي فوقتني وخلتني اخد بالي انه مبقاش يعرفني من كتر ما انا مش بلعب معاه لاني مشغول وعلى طول قاعد لوحدي وانت عارفين انا قاعد فين (على المنتدى )

اكيد ماهو ابنك لو عرف انت بتعمل ايه على الكمبيوتر كان حيسمحك او كان قالك اشتريلى واحد تانى او اخده منك بلطجة يعنى وعمل account ليه على المنتدى
احب اقول ان المنتدى انا عمله homepage كل ما فتح الintenet explorer
اشوفه ومقدرش اقفله غير ما افتح كل المنديات اشوف اخر المواضيع والمشاركات بجد انا بقيت شبه الواد ده>>كمان انا لابس نضارة

المنتدى جاب للناس ادمان :10D5C8~1107:

انت بتكلم عننا كلنا مش انت بس بس هنعمل ايه الحياه بقت ممله