ايه أجمد حادثة عملتها ؟

**محمد محمد** · 25-08-2009 12:26 AM

المشاركة الأصلية كتبت بواسطة adelll13

سيدى انا باسوق من 3 سنين وخبرتى جيدة وانا بطبعى حريصة فى سواقتى وعلى فكرة انا مش مضايقنى انه عمل اللى عمله لاننا كتير بنصادف المواقف دى تقريبا كل يوم لكن اللى يضايق بجد انه استكبر يعتذر لواحدة ست وخصوصا انه راكب جنبه واحد شبه التيرللا المحملة

انا برده باسوق من 3سنوات بس3سنوات لاتكفى كخبرة كاملة فى السواقة الخبرة بتبقى 5سنين على الأقل وفعلا الرجل ده قليل الذوق لأ ده عديم الذوق والله ساعات حاجات بتحصل للواحد زى كده ومش بيبقى هو الغلطان وبيعتذر عشان يهدى الموضوع خاصة لما الواحد بيتعامل مع سيدة او رجل كبير مش يرد ببجاحة وبالطريقة دى.

**a_tantawy7** · 25-08-2009 04:19 AM

الحقيقة هي مش حادثة, هي موقف سخيف أوي وأنا السبب فيه بنسبة 100%, ماش في أحد شوارع بورسعيد-موطني الأصلي-ووصلت أخر الشارع وداخل شمال و فجأة أسمع صوت أحتكاك شديد و أحس أن العربية طلعت على الرصيف. أتارين كسرت العربية بدري والعجل الخلقي كان لسه ماعداش الرصيف.العتب الشمال عندي طبعا بالشفا. نصيحة لكل سائق أوعى تسرح أبدا وأنت سايق, سرحان لحظة ممكن يندمك عمرك كله.

**elwad_crazy** · 25-08-2009 04:49 AM

الموضوع ده شديد اوى :d
بس يارب نهدي على نفسنا شويه

اول حادثه بعربيه فيرنا . كنت على طريق السخنه وباخد يوتيرن عشان هرجع والف وادخل قريه سياحيه
اول حاجه ماشى فى الحاره اللى بتتعمل قبل اليوتيرن عشان تلف ومتشغلش الطريق بما انه طريق سريع
وانا مهدي لقيت واحد ابن حلال داخل فيا بعربيه من ورا العربيه طارت ودخلت الطريق المعاكس وطبعا انا ايدي سابت الدركسيون لانى اتحركت من مكانى وخبط فى القايم والازاز الامامى وطبعا الازاز اتكسر عشان دماغى حجر :d
ومن الطريق المعاكس دخلت فينا عربيه شاهين الحمدلله اتقلبنا والعربيه بقت كفته طلعت منها انا وزميلى بالف سلامه

والتانيه وانا على طريق وراجع من القاهره ورايح السويس
عربيه بيجو 505 بتعدينى كنت ماشى 120 وعدت من على يمينى يادوب عدتنى بمترين كده لقيت حاجه اتفجرت من مكان الكاوتش الخلفي بتاعه وطبعا عامت منه على الطريق واتقلب وبعدين دخل فى السور الاسمنتى اللى بيبقي فى النص ده
ولولا ستر ربنا الحمدلله انى نجيت منه بلا خسار

دي من اصعب الحوادث اللى قابلتها غير بقي الحوادث اليوميه اللى الواحد بقي معتاد عليها
تخبط واحد فى الاكصدام واحد يخبطك والحمدلله على كل شى

**piezo** · 25-08-2009 08:09 PM

فكرتي باول نصيبه عملتها في حياتي كنت في اعدادي بس كنت في السعوديه و بالتحديد قدام سوبر ماركت كبير اسمه الاسره السعيده المهم انا كنت هموت واتعلم السواقه واسوق عربية ابويا وكانت كابريس يعني بلوه من الاخر سفينه يا معلم المهم انا في عاده زفت بحب اجرب واعمل زي مابشوف المهم قعد مكان بابا و ماما الله يرحمها كانت جانبي المهم العربيه اتوماتيك طبعا نقلت علشان امشي العربيه قدام مشيت معايا زي الفل قلت ارجه تاني لي ورا برده زي الفل قلت اطلع قدام ماهي لعبه بقي المهم عنا طالع قدام دست بنزين زي الجزمه و الدريكسون كان لافف شمال طبعا العربيه جريت قمت خابط في العربيه الي قدامي وكان في عربيه واقفه جنبها قمت لابس فيها هي كمان وقام ايه جت عربيه خبطة فيا من الشمال ما ان طلعت زي العبيط فجأه لغيت كده 3 عربيات قلت ارجع تاني طبعا من الخضه رجعت بسرعه وطلعت علي الرصيف و كنت هانزل علي بقي عربيه لكزس ماهي زيطه بقي
فاسيبت العربيه ونزلت جه راجل طيب الله يكرمه ركن العربيه ومشي وابويا جه لقي الناس ملمومه مش عارف ايه الاجري مايعرفش ابنه المصيبه عمل ايه المهم روحت البيت وطبعا انتوا عرفين الباقي طبعا

**dolly13** · 29-08-2009 02:01 AM

المشاركة الأصلية كتبت بواسطة piezo

فكرتي باول نصيبه عملتها في حياتي كنت في اعدادي بس كنت في السعوديه و بالتحديد قدام سوبر ماركت كبير اسمه الاسره السعيده المهم انا كنت هموت واتعلم السواقه واسوق عربية ابويا وكانت كابريس يعني بلوه من الاخر سفينه يا معلم المهم انا في عاده زفت بحب اجرب واعمل زي مابشوف المهم قعد مكان بابا و ماما الله يرحمها كانت جانبي المهم العربيه اتوماتيك طبعا نقلت علشان امشي العربيه قدام مشيت معايا زي الفل قلت ارجه تاني لي ورا برده زي الفل قلت اطلع قدام ماهي لعبه بقي المهم عنا طالع قدام دست بنزين زي الجزمه و الدريكسون كان لافف شمال طبعا العربيه جريت قمت خابط في العربيه الي قدامي وكان في عربيه واقفه جنبها قمت لابس فيها هي كمان وقام ايه جت عربيه خبطة فيا من الشمال ما ان طلعت زي العبيط فجأه لغيت كده 3 عربيات قلت ارجع تاني طبعا من الخضه رجعت بسرعه وطلعت علي الرصيف و كنت هانزل علي بقي عربيه لكزس ماهي زيطه بقي
فاسيبت العربيه ونزلت جه راجل طيب الله يكرمه ركن العربيه ومشي وابويا جه لقي الناس ملمومه مش عارف ايه الاجري مايعرفش ابنه المصيبه عمل ايه المهم روحت البيت وطبعا انتوا عرفين الباقي طبعا

طبعا اتظبت صح وبقيت شبه العربية اللى انت عجنتها

**Mosmafa** · 29-08-2009 05:07 AM

انا ممكن احكي على حادثة شفتها بعيني
وكانت بشعة بجد
مرة ماشي على كورنيش امبابة عند الكيت كات
واخد اليمين و بتفسح عالتالت 40 - 50
ولقيت صاروخ طار من جنبي مشفتش غير طيف سماوي عدى من جنبي والله
ومكملش 10 ثواني و سمعت صوت فرقعة جامدة وقزاز بيتكسر
اتاري الكورولا السماوي اللي كان ماشي في طريق حارتين وضيق على ال180 مش ااقل من كده
داخل تحت ميكروباص الكبير ده بتاع الجمعية
مخلي الاكصدام بتاع الميكروباص والله على البرابريز بتاع الكرولا و الكاوتش من ورا مرفوع اخر درجة
واللي في الكرولا ربنا سترها معاه عشان الايرباج ضرب
بس صوت الخبطة مش هعرف اوصفه بس ااقل وصف اني قلبي اتخلع من مكانه
من الخضة والمنظر المرعب

**ابوهاشم** · 29-08-2009 02:10 PM

ربنا يسترها علينا جميعا
ياجماعه بلاش السيره المؤلمه دى
بتقلب المواجع

**konga** · 30-08-2009 02:54 AM

انا بقي ياجماعه وبلا فخر
عربيه جامبو طلعت عليا
معايا لادا كنت بعدي من ميكروباص وهو في نفس الوقت كان بيعدي كارو والطريق يستحمل عربيتين
المهم وانا بفاديه مره واحده مش عارف ازاي لقيت الجامبو قدامي طبعا الفرامل ماثرتش لاني كنت علي 80
والجامبو قدامي علي طول
الحمد لله طلعت سليم
بس العربيه مش عايس اقول حصل فيها ايه
ودي اول حادثه ليا ويارب تكون الاخيره
ويارب يحمينا من شر الحوادث

**medo_sirion** · 30-08-2009 03:41 AM

ههههههههههههه
والله فكرتونى بموقف دة غير الحوادث بس هحكية
وانا مسافر الغردقة فى عز الظهر ونا اصلا مبحبش اشغل التكيف وانا مسافر
روحت يامعلم نعست على الاخر وقعد احلم انى سايق عربية وحاسس انى نايم بس مش قادر اصحى ومرة واحدة صحيت على صرينة بوليس

لما وقفت واتحكالى انى عديت كمين شرطة وانا ماشى بالعربية ملكتش نفسى الا هسترية ضحك وحمد ربنا انى مشيلتش حد فى الكمين
او كان فى مطبات او حد واقف
الحمد الله على كل شى