الموضوع: ايه أجمد حادثة عملتها ؟

المشاركة الأصلية كتبت بواسطة ezaby

لسه امبارح خبطه طازه يعني
ماشي في شارع الشيخ غراب في حدايق القبه ومدي اشاره عشان داخل يوترن وشايف اللي ورايا فيرنا ماشي بنفس سرعتي واحنا الاتنين مش بنجري وبيننا مسافه كويسه
لحد هنا كويس
داخل اليوترن لقيت الباشا بيعمل ايه عاوز يعدي قبل مانا أدخل اليوترن
وانا كنت خلاص دخلت يعني هو لما وصللي خبط ببوز عربيته اليمين في باب السواق في عربيتي يعني كنت سيبني أكمل ياعم الغبي
لأ وايه ضيع مجهوده كله في دراع النور يعني لو كان ركز في الفرامل او انه يجي من ورايا مكناش خبطنا في بعض
هو عنده الأكصدام والرفرف اليمين اتشوهوا وانا عندي الباب اتطبق كله من تحت الأزاز بـ5 سنتي لحد الماسوره اللي تحت
وكلمتله النجده وفي الاخر اتصالحنا لما اعترف انه غلطان

الناس دى فعلا اكتر ناس بتجيبلى شلل , و كأن مثلا لو معداش قبليك يبقى مش راجل , او ان دى اخر فرصة يعدى فيها من الشارع دا فى حياته

انا اكبر حادثتين حصلولى كان على طريق سريع وفى سفر المرة الأولى فى صيف 2007 كان والدى اللى سايق العربية اللانسر كنا رايحين مطروح وقبل منخش مطروح ب90ك والدى كان ماشى على 140 وسرح وهو ماشى فجأة الدريكسيون اختل مابين ايديه العربية راحت لفة لفتين على الأسفلت ودخلت فى الرمل راحت مقلوبة الحمد لله محدش حصلله حاجة ماعدا اختى الصغيرة كانت على حجرى اتعورت من الأزاز وانا اتعورت من الأزاز بعد الحادثة بشهرين(كان فيه بقايا ازاز على التابلوه لمستق رحت متعور).
المرة التانية صيف 2008 واحنا رايحين اسكندرية كنت انا اللى سايق الكورولا 2008 وطريق اسكندرية 4حارات ومعظم الطريق منحنيات وماشى على 100 ومشغل مثبت السرعة وماشى فى الحارة الشمال وفجأة وانا خارج من منحنى لقيت عربية جامبو شاسيه طويل قاطعة الطريق بالعرض وواخدة 3حارات من الطريق وانا عمال اديله فى نور وكلاكس عشان يعدي وهو واقف ومافيش وقت للفرملة ما كانش فيه قدامى غير الحارة الشمال اللى جنب الرصيف وكانت واسعة شوية واخرها ضيق عشان هى مخرج يوتيرن اصلا ويدوبك عديته راح هو طالع مرة واحدة راح خابطنى فى ديل السيارة (اخر الباب مع الرفرف مع حتة من الأكصدام)يعنى نقطة ضعف العربية وتخيل معايا المشهد العربية راحت عاملة امريكانى وجت من اقصى الشمال الى اقصى اليمين وكان الناحية اليمين فيها مزارع وكده فكان فى شق فى الأرض افتكرته ترعة بس طلع جاف العربية بقت مايلة حتة فى الشق وحتة على الطريق والحمد لله ربنا رزقنا بواحد بتاع عربية جامبو برده راح قاطر العربية وطلعها على الطريق مع انه كنت ممكن اطلعها بس من الصدمة خليته يشدها والحمد لله ان العربية متقلبتش مع انى كنت متوقع كده والفضل لله ثم ان العربية كاوتشها عريض وتقيلة دا غير اننا كنا 7 فى العربية غير الحاجة اللى فى الشنطة.
فى صيف 2009 ماسفرناش بالعربية لأن اهلى اتعقدوا من الحادثتين اللى فى2007 و2008.