الموضوع: حد يقولى اللى انا عملته ده ايه !!!

المشاركة الأصلية كتبت بواسطة أحمد كمال

بص انا معاك انه هو اللي ابتدى

و معاك انه غلط

بس مع احترامي ليك و لوالدة حضرتك و لكل الناس اللي شغالين في مناصب حكومية مرموقة

يعني ايه احنا اللي عاملينله قوانينه و مرخصين له عربيته و كاتبين ورقها ؟؟؟؟؟؟ يعني انت اشتريته مثلا ؟؟؟؟؟؟ عبد عندك ؟؟؟؟؟؟ عشان ما انت اللي كاتب له ورق العربية يبقى حقك تتنطط عليه ؟؟؟؟؟؟؟؟ و يعني ايه عاملينله قوانينه؟؟؟؟؟؟؟؟؟

كلامك مستفز جدا بصراحة

و يعني ايه "حتة سواق تاكسي"؟؟؟

اقرا الحديث كده

قال صلى الله عليه وسلم : ( المسلم أخو المسلم لا يظلمه ولا يخذله ولا يحقره ، التقوى ها هنا – ويشير إلى صدره ثلاث مرات –[overline] بحسب امرئٍ من الشر أن يحقر أخاه المسلم [/overline]، كل المسلم على المسلم حرام ، دمه وماله وعرضه ) رواه مسلم .


شفت بقى انت عملت ايه اما احتقرته و قلت حتة سواق؟؟؟؟؟



معلش مع احترامي و ما تزعلش مني ...... ما تزعلش اما حد يقول عليك "حتة واحد معاه دبلوم صنايع" ......

كفاية طبقية بقى ....... انا بجد قرفت من الطبقية ...... محدش احسن من حد ....... كلنا ولاد تسعة

كنت لسه هقول كده ...

المشاركة الأصلية كتبت بواسطة nour87

طبعا دة افترا
اخوك استفز سواق تاكسي من الاول دماغة على قدة و متخيل ان السواقة فهلوة فقعد يستفز فيك و نجح في كدة صحيح انت بهدلت عربيتة و عملتلة محاضر لكن كفاية و قفتك في الشارع انت و ابوك و شتيمتك و كرامتك اللي راحت خاصة انك بتقول ان والدك فضل ماسك في التاكسي و اتجرح بسببة الموضوع مكنش مستاهل دة كلة
تعالى احسبها دلوقتي هتلاقيك بهدلت عربيتك و ضيعت وقتك في القسم و مش هتكسب غير انك هتبيت سواق التاكسي ليلة في الحجز و ممكن يقلب الترابيزة عليك و يعمل محضر تعدي بالضرب و يجيبلك شهادة طبية بكدة و استنى المحاكم بقى براحتك
اعتقد دة درس حلو لينا كلنا عشان نبطل العند مع السواقين

يابيه السواق لو كان ليه حق ماكنش جرى بالعربيه وخبط عربيتى وهرب وماهموش البنى ادم اللى جره وعرض حياته للخطر لازم يكون الحكم والعقاب رادع عشان هو استهتر بحياه البنى ادم وعرضه للخطر وكمان لو هو عايز يرفع قضيه تعدى وشغل شهادات والازم منه انا ممكن اجيبله مؤبد للشروع فى القتل عشان جرجر والدى وخبط العربيه جامد واختى جواها يعنى قضيتين وغير بقى محاضر خفيفه اتلاف ممتلكات الاخرين والسب والقذف والسلاح الابيض (المفك) وعصايه الهوكى اللى رفعهم عليا وعربيته اصلا عماله تطلع دخان اسود يعنى مش هغلب فيه وهلبسه 100 قضيه وكمان زق والدتى وهى بتكلم امين شرطه كان واقف دى لوحدها والدتى ممكن تضيع حياته فيها
مش عارف انتوا بتدافعوا على ايه سواق ده ولا بلطجى مفك وعصايه ويجر بنى ادم فى الارض ويخبط عربيه ويجرى بالله عليكم ماحدش يدافع عنه الا لما تكونوا واثقين انه سواق محترم وبياكل عيش من عربيته مش بلطجى ومجرم..