الموضوع: حد يقولى اللى انا عملته ده ايه !!!

و اللهى ساعات الواحد بيتحط فى مواقف رخمة غصب عنه لأن صوابعك مش زى بعضها و طريقة تفكيرك غير طريقة تفكير الناس
أنا مليش فى الخناقات خالص و لا الكلام ده بس فى مرة و انا ماشى تاكسى ربنا يهديه راح جاى من أقصى اليمين لأقصى الشمال و قطع على الطريق و كبست فرامل على الأخر و كان بينى و بينه أقل من متر فبعاتبه بقوله يعنى أنت شايفنى ماشى علطول و مدى أشارة أنى ماشى علطول تروح اى من أقصى اليمين لأقصى الشمال
تفتكره كان رده أيه !!
بيقولى ما خلاص بقى يلا
و الله ما حسيت بنفسى و لقيت كلام عمال يطلع منى و الدم بيغلى فى عروقى و قعدت أشتمه و أقل أقف يا أبن كذا و يا أبن كذا
فوقف بعيد شوية و كانوا أربعة صحاب فى العربية و أنا كان معايا واحد صاحبى فالمهم السواق خلى واحد ياخد العربية و يخلع من المكان
و أنا وقفت و صاحبى مسك فيه لكن الحمد لله كان فى ناس بدقون واقفة و مسكوا صاحبى و السواق و شدوهم عن بعض فأنا رايح بقى أمنسك فيه و شايف الدنيا لونها أحمر قدامى لقيت واحد بدقن مسكنى و قعد يقولى صلى على النبى و حصل خير و لقيت السواق قعد يضحك لما شافنى جاى نحيته أصل أنا الحمد لله طويل و عريض
فلقيت السواق بيضحك و بيقلى أنت بتشتم ليه !!!
المهم الموضوع خلص و كل واحد مشى فى طريقه

بس أنا من ساعتها قررت انى محطش نفسى فى الموقف ده تانى لأن بجد قلة قيمة شديدة أوى و الناس هتلاقيك واقف تشتم و تقل أدبك هتقول أنك مش محترم فعلى أيه
ربنا يهدينا جميعا و يصبرنا على البلاوى اللى بنشوفها فى الشوارع