الموضوع: مناقشة هامة..أرجو المشاركة والتعليق !! (وائل عطية)

رأى الشخصى لو الفئة العالية تبقى ميجان لو مش ناوى تبيع قريب لو الفئة المتوسطة تبقى ياريس
دا رأى الشخصى من الأخر و عن تجربة

بالضبط يا استاذ وائل كلام الباشمهندس كريم في منتهي الحكمه.
لو جينا مثلا نبص علي الميجان تلاقي مصاريف صيانتها الدوريه في التوكيل لحد م توصل ل 100 الف كيلو حوالي 7000 جنيه!!!!!!!!
يعني تشتري عربيه ازيد من 100 الف بشويه و بعدين تدفع فوق تمنها 7000 جنيه بخلاف قطع الغيار كمان لحد ماتوصل ل 100 الف كيلو !!!!! بصرحه انا استحرم كده رغم حبي للميجان و بعتبرها عربيه ممتازه لكن مع جشع التوكيلات دا يبقي لاء.
طب لو جينا بصينا للكورولا حنلاقيها فعلا عربيه ممتازه و مش حتخسر فيها لما تغيرها
نصيحه هات عربيه تكون بتتباع و تتشري علي راي التجار طالما انت بتحب التغيير دايما.
لو عاوز بقي في الفئات العاليه هات بقي سيفيك او فيكترا زي ما اخونا الكبير سبعاوي قال

طالما بتسأل على رأييى الشخصى فانا من بتوع اللعب فى المضمون، ولما جيت اشترى حذفت جميع الإجابات لحد ما فضل التلاتة اللى انا قلت لك عليهم لأنهم من سيارات اللعب فى المضمون، حذفت الماتريكس ساعتها علشان طول مدة الحجز وعلشان انا كنت عايز اوتوماتيك وفضلت الحصول على جير بوكس اوتوماتيك يابانى ،وحذفت اللانسر علشان فرق ال12 ألف جنيه التى لازلت مقتنعا انها ليس لها ما يبررها الى جانب كاسيت وانذار الفابريكة فى الصانى

يعنى فى الآخر انا اختياراتى كانت السمة الاساسية فىيها هى اللعب فى المضمون، لكن فى النهاية يبقى هذا ذوق شخصى وليس توجه عام، يعنى فيه واحد تانى يميل للتميز بعربية غير شائعة وهذا العامل بالنسبة له اهم من سعر اعادة البيع او تكلفة الصيانة ويستطيع تحمل تكلفة هذا الخيار،

فحتى الىن السوزوكى هى بطيخة ، يا طلعت حمراء يا طلعت قرعة، لا احد يستطيع ان يجزم، ولا يشترط لنجاحها ان تكون فقط سيارة جيدة، فالسوبارو سيارة محترمة جدا وغير ناجحة فى مصر، والكيا كان لها نصيب عظيم من كعكة السوق المصرى وأين هى الآن، والفيات رفيقة كفاح المصريين العظيمة خدها الوبا، فى حين ان بعض السيارات الغير موجودة فى كثير من دول العالم ناجحة جدا فى مصر، الأمر يتعلق فى النهاية بحنكة وحكمة الوكيل المحلى وسياساته التسويقية والتسعيرية،

فاختيار السوزوكى فى الوقت الحالى سيعطيك التميز الذى قد يستمر طوال مدة امتلاكك للسيارة على حساب تكلفة الصيانة وسعر البيع، او قد يستمر لفترة ما تنتشر بعدها السيارة وتصبح راكب نسخة اخرى من اللانسر والماتريكس ، لكن لا احد يعلم ما سيحدث

لذلك فما نحاول نقديمه فى هذة اللحظة هو نوع من تقديم المعلومات لدعم اتخاذ القرار، لكن القرار فى النهاية هو قرارك انت

((لأني باتكلم في الأساس على مبدأ في الاختيار وليس الاختيار في حد ذاته.)) >. الاختيار لغويا يعنى البحث عن الاكثر خيرا . و خير الامور ( الوسط ) ... و من من دعاؤه صلى الله عليه و سلم : " و اسالك القصد فى الغنى و الفقر " .. امين