الموضوع: اى حد عندى استفسار عن skoda انا موجود !

المشاركة الأصلية كتبت بواسطة islam_ndc

السلام عليكم............
برجاء المساعدة ( نظام الملاحة لفانتازيا هاى لاين )
يتم طلب السى دى الخاص بالملاحة .. وتم سؤال التوكيل فقال انه لا يعمل فى مصر ويتم اتخاذ الاجراءات الرسميه لتشغيلة داخل مصر مع ان معظم التليفونات تدعم هذة الخرائط وتعمل جيدا مع نظام النفيجاشن!!! ارجو الافاده فى هذا الموضوع او الوصول الى موقع على الانترنت اسطيع تنزيل هذه الخرائط ووضعها على سى دى شكرا مقدما على المساعدة....

المشكلة الأساسية ان علشان الخرائط تشتغل على الكاسيت لازم خرائط معينة ومش اى خريطة تشتغل بمعنى مينفعش خرائط igo8 او sygic أو ndrive (دوول اشهر برامج الموبيلات اللى بتدعم خرائط مصر ) تشتغل على العربية عندك موجود عن طريق بعض المواقع على الانترنت الخرائط المتوافقة مع العربية بس معرفش فيها مصر ولا لأ

المشاركة الأصلية كتبت بواسطة tot

و فى حاجة كمان يا باشمهندس غير التزييق اللى جاى من ناحية الباب اللى ورا السواق مع الجرى و الاهتزازات اللى ف الطريق، فى انى بعد ماغيرت تيل الفرامل الامامى و جبت الاصلى من الشهابى باسمع صوت صفارة مع الفرملة فى اخر الفرملة كده، بس هى الفرامل جامدة ، يا ترى يكون صوت ايه يا باشا

حدد الأول الصوت من جوا العربية ولا من براها دا بالنسبة للصوت بتاع التزييق
موضوع تيل الفرامل علشان تقد تحكم على التيل دا كويس ولا لأ مش بيتحكم عليه من مسكة الفرامل ولا من شكله بيتحكم عليه من نسبة النحاس اللى فيه التيل الكويس مش هقول الأصلى لان فى مصر متضمنش حاجة الا فى التوكيل التيل بيصفر علشان بيبقى فيه نسبة نحاس كبيرة والتيل الأصلى بيبقى نسبة الشوائب والنحاس قليلة علشان كدا مبيصفرش . صوت فى الفرامل يبقى 100 % التيل وحش الا اذا كانت الطنابير خلصت ووقتها يبقى صوت نحرة مش صفارة

المشاركة الأصلية كتبت بواسطة tot

معلش نسيت حاجة كمان ، هى ان الشاشة نورها ضعيف جدا و بيضعف بعد فترة من المشى، غير انى ركبت جى ام للكاسيت و اما بعلى و العربية مبطلة الجى ام بيقطع ، الراجل بتاع الكاسيت قاللى ده عيب كهربا، بس العربية بتدور عادى مفيش مشاكل، حضرتك رايك ايه، و ياريت تقوللى هل كهربائى عادى ممكن يظبطها ولا ايه

واضح ان فى لعب فى الكهرباء عندك وانت محمل على العربية خارجى بزيادة
مش شرط العربية ما تدورش علشان تبقى الكهربا ضعيفة
راجع على وصلات الكهربا عندك واكشف على البطارية
لان ممكن يكون الكهربائى اللى اشتغلك فى العربية واخد من الضفيرة فى أماكن أساسية مش من المصادر يعنى مش واخد من البطارية
واخد من كابل كهربا رايح للتالاوه مثلاً

المشاركة الأصلية كتبت بواسطة a1_one2000

الأخ العزيز المهندس / يوسف
انا عندى مشكلة بسيطة جدا بعد اذن سيادتك , عندى الخرطوم الى طالع من قربة المياه بتاعت المساحات اتفك من جهة القربه وعمال ادور على المكان بتاعه الى اركبه فيه مش عارف اوصله ياريت تفيدنى فى المعلومة دى لانى لما بحب ارش ميه الخرطوم بيرش جوه على الهواء , وياريت تفيدنى فى موضوع الفرقعه الى بتحصل لما ادوس على البنزين مره واحده وانا مدى غيار

العربية اوكتافيا اوروبي 98 مانيوال

الخرطوم بتاع القربة بيبقى من تحت مش من فوق القربة . بالنسبة لموضوع المدافع دا معناه ان فى خلل فى الحريق بتاع العربية عندك ممكن يبقى حاجات كتير ممكن يبقى من دورة للبنزين (طلمبة-فلتر-رشاشات-مسطرة) وممكن يبقى من الهواء اللى داخل للعربية (airmass-بوابة-مانفولد) وومكن يبقى الكهربا طبعاً (بوجيهات-سلوك-موبينة)

المشاركة الأصلية كتبت بواسطة wael357

السلام عليكم و رحمة الله و بركاته
اضاءة الكشاف الاوسط الزينون لاوكتافيا a5 ضاربه فى الارض مع حدود اضاءة االفوجات ممكن اعرق ازاى تتضبط
و لكم جزيل الشكر على الاهتمام باسئلة المشاركين بالمنتدى

لو هيا زينون والفوانيس عندك فيها موتورر زينون يبقى بتتظبط بالجهاز انما لو هيا عادية فى رجلاش للنور العالى والواطى فى الفانوس من جوا الكبود هتلاقى عبارة عن مسمار كدا لونه ا بيض

المشاركة الأصلية كتبت بواسطة tot

مابتردش عليا ليه يا عم

تم الرد على الأسئلة
لو حضرتك مضايق من الموضوع متدخلش تشارك

المشاركة الأصلية كتبت بواسطة tot

يا باشا ده الطبيعى ان الحرارة تبقى 90 ، يعنى اما العربية توصل ل 90 يبقى كده الموتور وصل لدرجى الحرارة المناسبة لشغله، يعنى سخن، بس مش معنى كده انك تستنى اما يسخن، اللى مكتوب ف الكتالوج انك تدور و تطلع على طول بس ما تخليش لفات الموتور تزيد، يعنى 2 او 2.5

الموضوع دا عادى جداً الاسكودا الطبيعى بتاعها انها اول ما تسخن تبقى على 90 ومتستناش ان المؤشر مثلاً ينزل مع السرعة زم معظم العربيات المؤشر مش هيتحرك من مكانه الا اذا العربية سخنت عن 110 او بردت اوى

المشاركة الأصلية كتبت بواسطة yts17

تم الرد على الأسئلة
لو حضرتك مضايق من الموضوع متدخلش تشارك

شكرا يا باشمهندس على ردك