اى حد عندى استفسار عن skoda انا موجود !

**seqoia** · 11-01-2010 09:34 PM

المشاركة الأصلية كتبت بواسطة yts17

انا بجد بعتزر لكل الناس على التأخير بس هوا فى خبر حلو الحمد لله
انا كنت بشتغل فى مركز خدمة معتمد فى الدلتا اسمه مركز عقل على طريق المحلة طنطا دلوقتى انا غيرت الشغل والحمدلله
انا حالياً شغال فى مركز الأقصى فى المعادى ودا مركز صيانة وتوكيل معتمد لسكودا (ومش سكودا بس كمان هيونداى وفيات)

انا بعتذر مرة تانية للتأخير بس نقل الشغل مش حاجة سهلة
وان شاء الله جارى الرد على كل الاستفسارات المتأخرة خلال الأسبوع

وشكراً على المتابعة

الف مبروك وربنا يكرمك يا باشا

**biko_love_576** · 12-01-2010 12:36 AM

لو سمحت يابشمهندس ان بشترى اوكتافيا وحبيت اقارن بينa5مانيول a4 مانيول ايهما افضل وايهما تنصحينى بشرائه

**wael357** · 12-01-2010 12:27 PM

الف مبروك على النقله الجديدة و ان شاء الله تكون نقله كويسه
واكيد الاقصى اكبر من عقل المحله
بس اسعارهم اغلى كتير من عقل
عموما ً بارك الله لك

**am79** · 12-01-2010 08:27 PM

السلام عليكم يا هندسه
انا بتكلم عن Octavia A4 2003
الحراره عندي بتعدي عن 90 بتزيد شويه شويه مع المشي لما السرعه بتاعت العربيه تزيد عن 80 لما انزل لسرعه 80 الحراره تنزل للمعدل الطبيعي بتاعها لو فضلت ماشي كتير علي سرعه 80 الحراره تفضل ثابته وبيكون RBM علي 30 مع العلم ان المياه بتكون في منسوبها الطبيعي في القربه لاني بزودها يوميا الصبح المياه بتنقص دايما بتأخد تقريبا لتر إلا ربع مياه يوميا
مع العلم ان العربيه فتيس اتوماتيك

وشكرا لحضرتك

**amro_abuabdo** · 14-01-2010 04:31 AM

المشاركة الأصلية كتبت بواسطة yts17

انا رايى التوكيل اغلى طبعاً بس فيه ناس خبرة اكتر روح اى توكيل معتمد هيعمللك كشف تمام ولو عايز تشرفنا فى التوكيل اللى انا شغال فيه عهمللك الفحص بنفسى وهواعتقد بيتكلف 150 جنيه. بص بيبقى فيه حاحات كتير ممكن يبقى فيه طلمبة بنزين وممكن لعب فى الكنترولات زى ما ضربتللك مثل كدا وممكن حساسات فيها مشاكل وممكن كذا حاجة علشان تطمن لازم العربية تتحط على جهاز أعطال والاهم يكون اللى شغال على الجهاز دا يبقى فاهم

طبعا مبارك علي النقلة الجديدة ده و ربنا يوفقك و يجعلها قدم خير عليك
و الله يا باشمهندس دا خبر بمليون جنيه لان انا كنت حامل هم موضوع الكشف علي العربية و انه ميتكشفش عليها كويس و سبحان الله يمكن ربنا اخرها عشان انت الي تكشف لي عليها بنفسك زي ما وعدتني لان مركز الاقصي دا في زهراء المعادي و انا ساكن في المعادي

و في انتظار رد حضرتك علي سؤالي عن الخليجي و المستعمل ان شاء الله و ربنا يجازيك كل خير

و اذا مفيهاش مضايقة يا ريت لو تقولي مواعيد شغل حضرتك في التوكيل عشان اقدر اجيب العربية الي هاشتريها في المواعيد ده او تديني رقم موبايلك عشان اتاكد ساعتها انك موجود هناك و ان شاء الله مش هازعجك الا لما يكون فيه حاجة و ربنا يكرمك يا رب

**abosamy777** · 14-01-2010 08:15 AM

السلام على احلى هنسه للاسف معى سيارة اسكوده فليشيا 2000 المفتاح اتكسر والشببايه ضاعت ممكن الفاده وعيز اعم نسخ من المفتاح علشن نسخه الثانيه ضاعت من ابو سامى

**د.محمود صلاح** · 14-01-2010 08:23 AM

الف شكر باشمهندس لموضوعك ده اللى اكيد هيسبب لك تعب وجهد , بس نتوقع منك العطاء والبذل .

ومبغل الجديد وعقبال ما تبقى فى قلب الصيانة الرئيسية

**abohassan** · 14-01-2010 03:17 PM

السلام عليكم ورحمة الله وبركاته

إن شاء الله ناوى أشترى عربيه مستعمله .. وبفكر فى السكودا - فيليشيا 1300 سى سى وليا كذا إستفسار عنها:
- إن شاء الله ها أسافر بيها حوالى مرتين فى الشهر حوالى مسافه 350 كم ما مدى الثبات على السرعات ..
- الأعطال ..؟
- توافر قطع الغيار ..؟
- إستهلاك البنزين ...؟
- هل فعلا العيب الى سمعتها عن العربيه دى ( بتسخن وبتجيب وش سلندر )..؟
- ما هو متوسط سعر( موديلات 96 إلى 2000) ..؟

منتظر ردك يا باشمهندس .. ومن جميع الإخوه مالكى هذه السياره ....

**elwazzan** · 16-01-2010 03:38 AM

لو سمحت انا معايا فيليشيا 98عندى مشكلة فى التدوير الصبح مش بتدور على طول والناس قالولى دى شغالة على حاجة اشمها تشوك او السخان تقريا مش بتدور على طول بتدور من ثالث او رابع مرة ولمة بتدور بلاقى دواسة البنزين نزلت لوحدها وصوت العربية عالى انا عايز افهم اية الموضوع دة والحل لو سمحت مع العلم انى جربت ادوس بنزين قبل ما ادور وجربت بردو من غير ما ادوس بنزين بس الكلام دة الصبح بص اما فى وسط النهار بتدور عادى لو كنت دورتها قبل كدة الصبح ارجو الرد لو سمحت