الموضوع: اى حد عندى استفسار عن skoda انا موجود !

المشاركة الأصلية كتبت بواسطة bmibasem

عندى مشكلة وعايز راى حضراتك
لمبة ال asr الخاصة بالفرامل نورت مع ان منسوب الزيت الباكم كويس
المشكلة كمان ان العربيية على السرعة المنخفضة اقل من 30 كم /ساعة
بلاقى ان العجلة الامامية اليمين اللى ناحية الدركسيون كاننك دوست فرامل حاجة تمسك وتسيب وهكذا
المهم شلت الفيوز الخاص ب asr من التبلوة ولا اى تاثير اللمبة مازالت منورة شلت الفيشة الخاصة ب asr من العجلة اليمين برضو مازالت العجلة منورة شلت الفيشة العمومية الموجودة تحت فلتر الهواء الخااصة ب asr برضو الفيشة مازالت منور رجعت كل حاجة زى ما هى
وقولت اشيل كابل البطارية 15 دقيقة وارجعو تانى يمكن الكمبيوتر مهنج برضو مازال الخطا موجود والمشكلة قائمة
العربية اوكتافيا 99
طيب عايز احط العربية على الجهاز وانا ساكن فى فيصل هل حد من سيادتكم يعرف حد فى شارع فيصل عندو الجهاز ويكون كويس
ياريت حد ينصحنى ويقولى سبب المشكلة اية
ولو يعرف طريقة توقف اللمبة من الظهور يقولى
ولويعرف حد عندو جهاز قريب منى يقولى
اسف على الاطالة
بس الموضوع مضايقنى جداااااااااااااا وكمان ركنت العربية
لحد ما اشوف هتصرف ازاى
شكراااااااااااااااااااااا اا

انا معرفش انت جبت منين فيشة وفيوز لل ASR وحساس كمان ال ASR شغال على ال abs اعتبر ال ABS PUMP او طلمبة الفرامل دى HARDWARE حاجة مسئولة عن الفرامل وال software بتعها بقى هوا ال ASR او ال TCS يعنى الفكرة واحدة بس التطبيق بيختلف مع تقدم التكنولوجيا غالباً كل مشكلتك ان فى حساس abs من حساسات العجل فيه مشكلة و طبعاً لازم جهاز لتحديد العطل

المشاركة الأصلية كتبت بواسطة mando_07

آه يا باشا ما أنا عارف ان el-a4 فيها abs أنا بسأل على ال asr ؟ هوه هوه ال abs ولا ده حاجة تانية ؟

ال ABS بيساعد على تقليص المسافة الفرملية ال ASR بيساعد على منع تزحلق السيارة

المشاركة الأصلية كتبت بواسطة ranon73

ممكن تقولى زيت فتيس ال a5 يتغير على كام الف؟ مع العلم العربة خليجى و بيتغير معاة فلتر ولا لا ؟؟
و بسمع صوع خبطة فى العفشة فى المطبات ممكن ازيت العفشة ولا ارش عليها اسبراى و انهى نوع ؟؟؟

على 60000 كيلو ومفيش مشاحم للعربية غالباً لو فى خبط يبقى فى حاجة سايبة او حاجة بايظة

المشاركة الأصلية كتبت بواسطة hishamnasr

باش مهندس انا معايا a4 اخر عام 2002

المهم في لمبه حمرا بتاعت الباب بتظهر عند مؤشرات السيارة بتعلق مع المطلبات فشويه تشتغل وشويه تعطل
مع العلم بان نور التابوله في بيشتغل في الابواب
غالباً فى مشكلة فى كالون من الكالونات للأبواب
هل في طريقة لحل هذه المشكلة

المشاركة الأصلية كتبت بواسطة bahesan

انا عندي عربية فيليشيا 98 بتسخن على السرعات بعد ال100 كيلو ممكن يا باشمهندس تقولى اعمل ايه انا لفيت بيها كتير وغيرت الترموستات الكوعة وحساس المروحة والريداتير وجوان وش السلندر والمروحة شغالة العربية بتسخن الحرارة ممكن تقولى ايه السبب

معلش اشرحلى بالضبط ايه قصة العربية وعملت فيها ايه واحدة واحدة

المشاركة الأصلية كتبت بواسطة Astra200

حاسس ان استهلاك البنزين زاد فجأة - هل ممكن يوجد سبب لذلك ؟

السبب الرئيسى لاستهلاك البنزين فجأة ممكن يكون بنسبة كبيرة جداً حساس شكمان
اكشف على العربية بالجهاز وهيبان

المشاركة الأصلية كتبت بواسطة assemswahel

السلام عليكم ورحمة الله وبركاته
السيارة الخاصة بى سكودا أوكتافيا a 5 موديل 2009 سمعت صوت طقة بسيطة عند الوقوف من السرعة العالية ثم الرجوع للخلف أو عندما أشيل رجلى من على دواسة البنزين ثم أزود كذلك فى السرعة العالية رحت التوكيل قالى لابد من تغيير شحم الكوبلن الداخلى و استبداله بشحم ثقيل حيث الشحم الأصلى خفيف و تم عمل ما قاله التوكيل إلا أن الدركسيون اختلف ناحية اليمين عند سير السيارة للأمام ( فى العدل) ورحت لأخصائى زوايا الذى قال لى ان الزوايا مضبوطة بس محتاج عدلة للدركسيون من بارات الأسكاترا و تم التعديل و لكن بنسبة 75%
هل هى محتاجة تعديل أكتر للبارات لتعديل طارة الدركسيون وهلى تغيير شحم الكوبلن الداخلى كما تم يؤثر على وضع الدركسيون و هل ذلك يؤثر على أى شىء أخر يلزم تصحيحه فى عفشة السيارة
هى تقريبا الزوايا مضبوطة بس الدركسيون ميال لليمن نسبة بسيطة
و ملاحظة بسيطة مش عارف خاصة بالموضوع أو لا لاحظت ان السيارة تقيلة شوية واستهلاك البنزين زاد هى عاملة عشرين ألف بس وو الصيانات تمام هل تغير الشحم للكوبلن من خفيف للتقيل يزود مقامة للسيارة ويتقل مشي السيارة ويزود استهلاك البنزين
أرجو الأفادة و شكرا لسيادتكم جزيل الشكر

مساء الخير عليكم
انا من معجبى السكودا فليشيا و كنت خلاص حشترى واحده فليشيا 95 glx بس قالولى بالش عشان واطية من الارض و فى حاجة علطول بتتكسر من تحت , بعدين بصيت على مو 97 قالولى صوتها عالى و بتاع و قالولى احسن حاجة الفليشيا وش اكتافيا عشان اتلافوا كل سلبيات الفليشيا.
انا سؤالى باختصار :
- ايه احسن موديل فى الفليشيا؟
- ايه الفرق بين الفليشيا العادلية و الوش اكتافيا؟
- هل صاج القديم امتن ولا مفيش فرق؟ "لان ده كانت اكتر حاجة عجبانى فيها, متانتها"
و شكرا و اسف للاطالة

انا عربيتي شيلت منها علبة البيئة لاني لقيتها مكلفة وبتاعتي باظت وعموما انا عاوز اعرف اسباب الصوت العالي في الموتور لما العربية بتسرع معايا وكمان لما العربية بتطول في المشوار بتاعها وبتسخن بلاقي النقلات بتاعة العربية اتاخرت وبالتالي الصوت بتاعها بيعلى في النقلات من الاول للتاني للتالت للرابع
العربية بتاعتي اوكتافيا a4 موديل 98 اوتوماتيك
وكمان باحس انه في النقلة بين السرعات في تفويته لتحت كده يعني وانا ماشي والعربية بتنقل من التاني للتالت للرابع في تفويته لتحت كده وبعدين تنقل وصوتها بيعلى
ممكن تفيدوني
انا مغير البوجيهات وزيت الفتيس بس مش حاطط الاصلي ابو العلبة ب 145 ولكن حاطط نوع الماني العلبة ب 100 جنيه
ياريت تساعدوني في الموضوع ده وشكرا ليكم