الموضوع: (السيارات بين الماضي و الحاضر)__ارجو مشاركة جميع الاعضاء

TFT , NAVIGATION , LEATHER SEATS , AUTOMATIC ADBT. SEATS ,MOONROOF OR SUNROOF OR GLASROOF(PANORAMA) , ELECTRIC OUTPUT , IPOD COMPATIBLE , STEPTRONIC OR AUTOMATIC , WITH CAM SHAFT OR NOT , 4WD OR FWD OR RWD
THATS WHAT I REMEMBERED NOW

فيه حاجات كتير جدا موجودة فى عربيات ديلوقتى عمر ما كان حد بيفكر فيها زمان ولو كانت موجودة محدش كان يعرف هى بتاعة إيه؟

مثلا احنا كان عندنا عربة 132 موديل 1976، ابويا فضل راكبها 18 سنة من يوم ما اشتراها سنة 80 لحد ما مات سنة 1998 وميعرفش عداد الRPM اللى قدامه ده لازمته إيه مع انه كان من حملة الماجستر

برضه نفس السيارة ونفس ابويا، العربية كانت خمسة غيار ، هو اشتراها سنة 80 ، اول مرة يجيب الخامس كانت سنة 1986 بعد ستة سنوات ركوب وحوالى 150 ألف كيلومتر ، مع انه بيسافر على طول لكنه كان مقتنع ان الخامس ده تكنولوجيا مخيفة يجب ألا يقترب منها، لكن لما عرف سكته بعد كدة بقى يستعمله على طول

نفس السيارة-السابقة لعصرها، كان فيها احزمة أمان، اول مرة تستعمل هذة الاحزمة بمعرفة شقيقى مالكها الحالى كان سنة 2000 لما طبقوا قانون حزام الامان اى بعد 20 سنة من امتلاكنا للسيارة وبعد وفاه صاحبها الأصلى بسنتين

العربيات ال 128 لما نزلت بمرايات بتتظبط من جوة يدويا سنه 1988 ، الناس كانت معتقدة ان القيامة هتقوم لان العلم وصل لدرجة السحر

اول مرة شفت عربية بتفتح وتقفل بريموت كونترول كان فى ألمانيا سنة 1992 وصاحبها كان بيحاول يقنعنى انه عامل لها تعويذة تفتح وتقفل بيها

العربيات 132 زمان كان الميكانيكية بيخافوا يصلحوها علشان فيها تكنولوجيا قادمة من وكالة ناسا لأبحاث الفضاء اسمها إشعال الكترونى(شريحة الكترونية عبيطة كدة بتلات تعريفة بدل الأبلاتين والكوندنسر) وكانو بيقولو علها عربية بالكومبيوتر، ياترى ميكانيكية السبعينات دول هيعملوا ايه ديلوقتى لو شافو شكل التحكم الإلكترونى فى المحركات حاليا

اللى كانوا زمان يعرفوا العربية الفلانية كام سى سى كانو الصفوة المثقفة، اما موضوع القدرة الحصانية فده كان خيال علمى

العربيات الالفين سى سى فى السبعينات كانت 100 حصان بالعافية، النهاردة ال1600 سى سى بتعدى ال120 حصان

كان فيه زمان تشكيلة من الاختراعات فى العربيات، عربيات تبريد هوا وعربيات تبريد مية،عربيات تانية موتورها ورا وعربيات تانية موتورها قدام ، عربيات جر امامى واخرى دفع خلفى، عربيات على علب واخرى على شاسيه ، عربيات بكاربراتير وعربيات تانية برشاشات ، ديلوقتى كله شكل واحد

زمان العربيات ام 2باب كان سوقها فى مصر هو سوق الغلابة( الفولكس والسيات وال127 توب والزاستافا) ، ديلوقتى سوقها بقى سوق الناس المقتدرة(النيو بيتلز والمينى كوبر)

العربيات الإستيشن فقدت سوقها فى مصر لصالح العربيات ال4*4 والمينى فان

العربيات الكابروليه فقدت سوقها لصالح العربيات ام فتحة سقف

فوانيس الشبورة زمان كانت كلمة ابيحة مبيسألش عنها غير الشباب الرقيع قليل الأدب، ديلوقتى بقت فوانيس الشبورة والزينون وغيره من متطلبات الرجل العادى الرصين

اللى كان عنده كاسيت ناشيونال فى عربيته زمان جايبهوله جوز اخته من السعودية كان بيتمنظر على مخاليق ربنا، ديلوقتى بقى اللى معندوش DVD فى العربية دا لسة عايش فى القرن الماضى

ايه الكلام الجاااااااااااامد ده
انا خلاص هقفل الموضوع مش عايز ردور تانيه (بهزر كل اعضاء المنتدي ينوروا الموضوع)
مش هقفلوا طبعا و لا حاجه لأني معرفش اقفلوا هههههههههههه
شكراا علي ردك يا سبعاوي باشا

حاكتب إيه بع الأستاذ سبعاوي؟

ليك حق :D

TFT , NAVIGATION , LEATHER SEATS , AUTOMATIC ADBT. SEATS ,MOONROOF OR SUNROOF OR GLASROOF(PANORAMA) , ELECTRIC OUTPUT , IPOD COMPATIBLE , STEPTRONIC OR AUTOMATIC , WITH CAM SHAFT OR NOT , 4WD OR FWD OR RWD
THATS WHAT I REMEMBERED NOW

شكرا علي ردك

أنا على العكس منكم شايف إن العربيات لم تتطور التطور الكافى
وان كل ما اضيف للسيارات هو كلام فارغ وليس بالأهميه الكبيره
وسبب ذلك ايه
ان السيارات ما زالت بشكلها المعتاد وان كثير من السيارات القديمه هى اجمل من كثير من السيارات الحديثه
ان السيارات الجديده وان كان هناك تطور لا يمكن انكاره الا ان ذلك لم يثمر عن تحسن استهلاك البنزين بدرجه ملحوظه
ان الكماليات التى اضيفت للسيارات ليست بالاهميه الكبيره
الشىء الوحيد الذى ارى ان به تطور ملحوظ هو ارتفاع معدلات الامان فى السيارات وان كان مش كل السيارات

أنا على العكس منكم شايف إن العربيات لم تتطور التطور الكافى
وان كل ما اضيف للسيارات هو كلام فارغ وليس بالأهميه الكبيره
وسبب ذلك ايه
ان السيارات ما زالت بشكلها المعتاد وان كثير من السيارات القديمه هى اجمل من كثير من السيارات الحديثه
ان السيارات الجديده وان كان هناك تطور لا يمكن انكاره الا ان ذلك لم يثمر عن تحسن استهلاك البنزين بدرجه ملحوظه
ان الكماليات التى اضيفت للسيارات ليست بالاهميه الكبيره
الشىء الوحيد الذى ارى ان به تطور ملحوظ هو ارتفاع معدلات الامان فى السيارات وان كان مش كل السيارات

لا لا انا اختلف معاك هنا بقي
قلي اي عربيه قديمه شكلها احسن من اي عربيه جديده و شوف بقولك اي بدون تحديد ماركات
العربيات الجديده شكل و القديمه شكل كل عربيه بتعبر عن عصرها
الامان فعلا زاد جدااا
الكماليات زادت طبعا برضه و بطريقه ملحوظه (وجهة نظر)

أنا لا يمكننى انكار التطور الذى حدث ولكنى ارى انه محدود
مثلا قارن التطور الذى حدث لأجهزه الكومبيوتر بتطور السيارات ستجد ان الأخيره (محلك سر)
مثلا سرعات السيارات لم تزيد كثيرا عن ذى قبل
ما زال هناك سيارات موديل 2007 بتعوم وحاجات تانيه مبترضاش تقف
الباور والتكييف والزجاج الكهربى والسنتر والاوتوماتيك كلها كماليات كانت موجوده فى سياره والدى موديل 77 ( أى من 30 سنه)
الانجيكشن مش شايف له ميزه غير تعقيد الامور وزياده التكلفه لكن استهلاك البنزين زى ما هو ويمكن اكتر والامثله كثيره إسأل اصحاب لانوس او ماتريكس او فيرنا 1600 او ماتيريا أو صنى أو أو أو إلخ
حد يجاوبنى فين التطور؟؟؟؟؟؟؟؟؟؟؟؟؟؟؟؟؟؟؟ ؟ :neutral: :-? :-? :-?