خواطر بعد جولة في باقي المنتديات .. الفيات و كفي

**amrbakly** · 05-08-2009 11:40 AM

بصراحة يا شباب انا بقالي يومين في البيت قاعد قهرا لأن عندي دور أنفلونزا شديد، فالمهم قعدت اضيع وقت في البحث في باقي منتديات السيارات الأوربية و اليابانية لأني بقتنع بصراحة أنهم افضل عربيات

بصراحة بعد جولة طويلة عريضة اكتشفت ان الواحد يحمد ربة علي الفيات لأن الشكاوي اللي شوفتها في باقي العربيات و أسعار قطع الغيار و الصيانة خراب بيوت يعني، مهما كانت العربية قديمة

يعني مثلا لما تعرف أن كبالن البيجو 405 تمنها 1200 جنية لازم يجيلك صدمة و تبوس إيدك وش و ضهر لأني مثلا لسة مغير جوز كبالن كلفوني 220 جنية بالمصنعية بكلة

لما تعرف ان عفشة البي ام الفئة التالتة تمانينات تكلفك حوالي 6000 جنية علشان تجددها لازم تعرف انك في عز لأن 1000 جنية في الفيات تقلبلك العفشة رأسا علي عقب

لما تعرف انك لو حطيت بنزين اقل بالغلط في الفولكس الجديد كلة ممكن كنترولك يضرب و تتكلف حوالي 17000 جنية علشان تصلحة و احنا بنتبتر علي كنترول البونتو اللي بيضرب كل 100 كيلو و تمنة 1500 جنية .

و هكذا و هكذا

بصراحة انا كنت كارهه عربيتي جدا الأسبوع اللي فات و حاسس أنها عربية كاورك قوي

و مبنكرش أنها علي قدها أخر حاجة، لكن بصراحة عربية كاورك و ماشية و مش خاربة بيتي فلوس أحسن كتير من عربية جامدة فاتحة بقها تحطلك فيها 500 جنية كل شهر علي الأقل و الأسم راكب ألماني ولا ياباني

بعد صولات و جولات اعتقد أني يوم ما أغير عربيتي حفضل برضة في الفيات و حطلع لفيات أعلي شوية زي السيينا أو البونتو كلاسيك

**ahmedzizo131** · 05-08-2009 12:29 PM

بس يا جميل العملية عبارة عن نسبة و تناسب
يعنى واحد معاة سيارة حديثة و غالية - لاذمة هيكون قد مصاريفها ، و العكس يعنى مثلا عمرى ما هشترى عربية و مكونش قد مصاريفها
انا شايف العملية كدة من وجهة نظرى

**eng_ahesham** · 05-08-2009 01:07 PM

انا مع زيزو في رايه بصراحه
ماهو مثلا كبالن اوكتافيا 98 تمنا 3000 وفانوس البونتو الامامي 950 طقم صبابات a4 تمنه 2600 صبابات بس مقلتش بساتم وجوانات و و و
فهي فعلا عمليه نسبه وتناسب بين كفائه العربيه واسعار قطع الغيا والعمر الافتراضي برضه

**amrbakly** · 06-08-2009 02:31 AM

ايوة يا جماعة ماهو اكيد كلامكم صح

بس الفكرة انا بتكلم في عربية شبابي برضة و نقدر نصرف عليها كشباب لسة في اول السكة

بس بيني و بينكم الفروق رهيبة برضة انا متخيلتش ان الفارق بين كبالن الأونو و كبالن البيجو 405 1000 جنية

كتييييييير بجد، و خاصة اني كنت بفكر أطلع من الأونو لبيجو

**semsem_uno** · 06-08-2009 03:31 AM

نفس الكلام اللي كنت بقوله لأي واحد يتكلم كلمة متعجبنيش عالفيات

**asaeed** · 06-08-2009 12:03 PM

السلام عليكم شباب
حدي يدلني أسعار السيارة 132 الـ 1600 عاملة كام دلوقتي لو تمام؟

**shshtawy** · 06-08-2009 12:35 PM

ياجماعه الفيات والله العظيم محترم جدا
انا كنت راجع امبارح من طريق السويس واقسم بالله كنت ماشى 140 160 ولقيت فيات بونتو بس بيتهيقلى هى 2000 موديل وواللهى كانت ماشيه معايا وانا كنت راكب رينو ميجان 2006 ودى مشاء الله مشيه جنبى المهم قلت مينفعش قمت مزود السرعه شويه ولقيت ده بيشد معايا لحد 170 وواللهى انا منت عاوز اوقفه واعرف موديلها ايه ولا هو مركب حاجه ولا ايه نظمها العربيه دى بس بسم اله مشاء الله انا قررت يوم ما ابيع عربيتى اجيب العربيه دى دى تحفه انا كنت بتحدى بالميجان اى عربيه تانيه اوبترا او نيو الينترا بس دى فعلا حسيت معاها ان مفيش فرق فى السحب
ياجماعه الفيات فعلا للشباب حلو جدا على اد مصار يفنا وروش و وقطع غيار متزعلش مقارنه باى فئه اخرى

**kareem_Ashmawy** · 06-08-2009 01:04 PM

بس يا باشا انت عارف كبالن الـ405 اللى بـ1200 ج ( هى اقل من كده بشوية)
بتتغير كل قد ايه...و كبالن الاونو اللى بـ200 ج بتتغير كل اد ايه( مع احترامى الكامل للعربية دى و احتمال اشترى اونو قريب كمان لانى مقتنع بيها)
يعنى على سبيل المثال كبالن عربيتى بقالها 192 الف كيلو و لسه متغيرتش و حالتها حلوة الحمد لله (قولوا ماشاء الله)

**amrbakly** · 06-08-2009 03:31 PM

علي فكرة للعدل كبالن الأونو بتقعد، انا الكبالن اللي عندي اتغيرت علشان كاوتشة اتقطعت و مأخدتش بالي مش علشان الكوبلن فرك لوحدة

علي فكرة قطع غيار الفيات مش زي ما الناس فاكرة بتقعد يومين و بتبوظ تاني يمكن دة شوية في 128 و 127 انما غير كدة الوضع مختلف بدرجة كبيرة و خاصة لو انت من الأول بتجيب الحاجة الغالية

**shshtawy** · 06-08-2009 04:10 PM

انا مشترى عربيتى وفيها كبالن بتتق المهم سبتها وماشى بيها بقلها حوالى سنه ونصف وجبت كبالن ايطالى بس حطيطهم فى الشنطه ومش عاوز اغيرعم بس انا كنت جايبهم ب 160 اه وقل تركيب 40 يبقى 200 فعلا وى محضرتك قولت