الله يسلمك وميرسي اوي لاهتمام حضرتك بموضوعي والحمد لله الموضوع طلع بسيط وربنا يسهل في باقي الاجراءات.
بالنسبة للصدقة انا فعلا عملت بنصيحة حضرتك وطلعت جزء لجمعية من بتوع الايتام ونويت اني اطلع جزء تاني في رمضان علي هيئة شنط رمضان وكمان جبت حاجة لاهلى بنية صدقة على العربية ونية ادخال السرور علي قلوب المسلمين وافرحهم معايا بالعربية.
على فكرة انا بردة لما الحادثة حصلت قلت الحمد لله اني طلعت جزء من الصدقة وقلت لو مكنتش طلعت صدقة كنت هاندم اشد الندم واقول انه حصل بسبب اني مطلعتش صدقة لكن برده يمكن ده خفف القضاء شوية والموضوع جه في جنط وكاوتش وبس والحمد لله.
وزي ماقلت ان شاء الله انا اعرف مسجد بيعمل الشنط بتاعة رمضان كل سنة ان شاء الله ناوية اروح اديلهم فلوس اوحاجات للشنط بتاعة رمضان دي بنية الصدقة على العربية وبنية صدقة رمضان بردة بإذن الله.
وعموما كلام حضرتك مضايقنيش خالص بالعكس انا بشكرك علي اهتمامك وتنبيهك ليا.
المفضلات