تكييف علي موتوري ولا موتور 1.6 بتكيفه

**askar** · 24-08-2009 06:38 PM

الف مبروك يا ياشا و طمنا عملت ايه و ايه الحاجات اللى واجهتها و انت بتركب و ركبت فين و جبته منين انا سألت في الوكالة و عزبة شلبي و الحرفيين برغم ان في الوكاله اغلي لكن حسيته انضف موتور و التركيب من طرفه انت جبته منين و ركبته فين؟
خلاص محتاج كلمة تشجيع منك تطمني و ابدأ ان شاء الله
انا كمان طالب في هندسة و قسم ميكانيكا كمان يا سيدى بس اعترف انى ممكن اقيم الشغل لكن اني اوجهه صح لو غلط مش متأكد منها!! انت في سنه كام؟
شكرا و احييك علي جراتك في القرار ده

**a_hejazy** · 25-08-2009 02:41 PM

المشاركة الأصلية كتبت بواسطة askar

السلام عليكم
معايا سكودا فليشيا 97 1300 وطالع عيني في الحر

اخيرا قررت اركب تكييف و ادامي اختيرات:
1-تكييف استيراد و يعمل بتركيبه 2500
2-تكييف ساندن جديد و يعمل 3000
و بصراحه مقلق من اداء الموتور بعدها
3-الحلم اللي نفسي فيه من زمان

موتور 1600 انجيكشن بتكيفه و هاركب باور كمان (عايز ايه اكتر من كده) حوالي 6500-7000
ايه رأيكم و لا الموضوع ما يستحقش اساسا بس انا بحب العربيه بجد و لو بعتها مش هاجيب حاجه في نفس المزايا(نضافة التقفيل و سعر قطع الغيار و كتييييير) و اصلا خيار اني اغير مش مفضل
شكرا مقدما علي مشاركتكم

أنا معايا سكودا فليشيا 97 1300 ومركب عندى تكيف ساندن وبصراحه فوق الممتاز تبريده كويس قوى وبالنسبه للسحب تأثيره مش للدرجه الى يخليك تغير موتور عادى زىه زى أى عربيه بتشغل التكيف ولو حابب تشوف التكيف عندى انا معنديش مشكله قبل متتخذ أى قرار

**crazylambada** · 29-08-2009 03:38 AM

اولا متشكر جدا لحضرتك يا استاذ اسكار
الحمد لله التجربه نجحت الحمد لله
تم تسقيط الموتور و تركيب الباور و التكيف
لم يتم شحن التكييف بعد
إن شاء الله انا نازل بكره القاهره اروح بيها التوكيل يشيكوا على الشغل اللي اتعمل علشان ابقى في الامان
العربيه الحمد لله سحبها فرق تماما لدرجه تقلق
لان العربيه بقت بتفرق بسم الله ما شاء الله و هي ماشيه
الموتور طلع فيه تشارجر نازل مع الموتور زي التربو تشارجر كده بس على احسن في رايي
لان بدل ما شكمان يحرك المروحه لا موتور كهربا
الباور شغال ساعات بيعلق شويا بس العربيه انا بعتبرها بتلين
الموتور بسم الله ما شاء الله بيعرق و دي حاجه كويسه
انا جبت نص امامي كامل من واحد في الزقازيق لان انا نزلت الحرفيين كله كان ناقص
و عملته في ميكانيكي شاطر اوي هنا و الموضوع نجح فعلا
الكهربائي جازفت بواحد مجهول اعرفه لان كان عنده ميزه حلوه اوي
انه بيحفظ كويس و ده مهم في فك الضفاير و تركيبها
بالنسبه ليك الموضوع موفر اكتر مني
زي ما قولت قبل كده
نزلت اشوف قطع غيار المكنه ملقتلهاش حاجه عند بتوع السكودا بس ليها قطع غيار عند بتوع الجولف
العربيه بقت انعم بكتيييييييييييييييييييير جدا الحمد لله
اللي عملته ده حسيت اني نقلت عربيتي لعشر سنين قدام و انها موديل 2004 مش 94
انا طالب في الفرقه التالته ميكانيكا باور
و اي استفسار انا تحت امرك

**ahmed1981** · 29-08-2009 02:29 PM

المشاركة الأصلية كتبت بواسطة crazylambada

اولا متشكر جدا لحضرتك يا استاذ اسكار
الحمد لله التجربه نجحت الحمد لله
تم تسقيط الموتور و تركيب الباور و التكيف

ألف مبروك
ويا ريت نعرف التكلفة بالتفصيل لأني خلال أسبوع بإذن الله هسقط للجولف موتور بملحقاته

**mazenossama** · 30-08-2009 12:56 AM

المشاركة الأصلية كتبت بواسطة crazylambada

اولا متشكر جدا لحضرتك يا استاذ اسكار
الحمد لله التجربه نجحت الحمد لله
تم تسقيط الموتور و تركيب الباور و التكيف
لم يتم شحن التكييف بعد
إن شاء الله انا نازل بكره القاهره اروح بيها التوكيل يشيكوا على الشغل اللي اتعمل علشان ابقى في الامان
العربيه الحمد لله سحبها فرق تماما لدرجه تقلق
لان العربيه بقت بتفرق بسم الله ما شاء الله و هي ماشيه
الموتور طلع فيه تشارجر نازل مع الموتور زي التربو تشارجر كده بس على احسن في رايي
لان بدل ما شكمان يحرك المروحه لا موتور كهربا
الباور شغال ساعات بيعلق شويا بس العربيه انا بعتبرها بتلين
الموتور بسم الله ما شاء الله بيعرق و دي حاجه كويسه
انا جبت نص امامي كامل من واحد في الزقازيق لان انا نزلت الحرفيين كله كان ناقص
و عملته في ميكانيكي شاطر اوي هنا و الموضوع نجح فعلا
الكهربائي جازفت بواحد مجهول اعرفه لان كان عنده ميزه حلوه اوي
انه بيحفظ كويس و ده مهم في فك الضفاير و تركيبها
بالنسبه ليك الموضوع موفر اكتر مني
زي ما قولت قبل كده
نزلت اشوف قطع غيار المكنه ملقتلهاش حاجه عند بتوع السكودا بس ليها قطع غيار عند بتوع الجولف
العربيه بقت انعم بكتيييييييييييييييييييير جدا لحمد لله
اللي عملته ده حسيت اني نقلت عربيتي لعشر سنين قدام و انها موديل 2004 مش 94
انا طالب في الفرقه التالته ميكانيكا باور
و اي استفسار انا تحت امرك

اولا الف مبروك يا باشا والله جدع وانا ناوي اعمل زيك فياريت يا باشا توضحلنا انت اشتريت الحجات دي منين واسعارها بالتفصيل
ثانيا انا عايز ازبطت حاجات كتير وده نتيجة اللعب في التابلوة فمتجرح وهاكذا عايز اكسسوار يعني تابلوة وكنسولة وهاكذا فهل الحجات الي انت اشترتها وخصوصا التابلوة كانت حالتهم ايه وهل ممكن اجبهم من الحرفيين ولا ايه النظام

ثالثا يا باشا معلش انا عارف اني طولت بس متور 1600 فليشيا كربيراتير ولا انجكشن وهل هو متور جولف كام عشان الواحد خايف يشتري المتور ويدبس في حاجة هبلة زي جوان وانت طبعا عارف

**askar** · 29-08-2009 04:09 AM

أولا 1000 مبروك علي العربية و ربنا يديك خيرها و يكفيك شرها
جاي بكرة القاهرة! ممتاز علي كدة ممكن افابلك :) لو وقتك يسمح طبعا لو ممكن قولي
و حلو اوي موضوع التشارجر الكهربا دة بسمع عنه كتعديل لكن اول مره اسمع عنو في موتور ستوك ويا تري هو موجود في كل المواتير؟
بس صعب اوي اني اركب في الزفازيق لأن الموضوع مش يوم و خلاص اكيد شغل اكتر من يوم و انا معنيش اقامه -برغم اني واثق في كرمك d:
ليه كويس ان الموتور يعرق
و قطع الغيار ايه نظام اسعارها
سؤال برضه الكوبلن ايه نظامه هو هو بتاع ال 1300؟
تمام كده دفعه واحده و لا انت لسه داخل 3؟ انا ان شاء الله رايح 4 ميكاترونكس

**crazylambada** · 29-08-2009 04:25 AM

الله يبارك في حضرتك
إن شاء الله نازل القاهره بكره و بعده
و ممكن نتقابل يحصلي الشرف
هو نازل فيها ستوك و هو في الموتور ال1600 بس
حضرتك تشرفنا في الزقازيق
انا ركبته في الزقازيق لان انا من الزقازيق
غير كده الميكانيكي عملي خصم علشان يعمل لنفسه سمعه في عالم التعديل سقطلي المكنه بالعفشه بالباور بالتكييف بالتنك و تغيير خراطيم البنزين و تعديلها ب500 جنيه بس
على فكره بين الزقازيق والقاهره ساعه ان مكنش اقل
حضرتك لو ناوي تسقط انا بفضل لحضرتك تعمله عند الميكانيكي بتاعي لسببين
اولا انه حيبقى ارخص من القاهره حيقولولك الف و انتا طالع
السبب التاني انه اشتغل في تسقيط المكنه و مش حيبقى واحد بيجرب لاول مره
الموتور لما يعرق يعني يطلع ميه من الشكمان معناه ان كبس الموتور حلو جدا
الفتيس هو هو ال1300 و بالتالي فالكبالن هي هي لانها مرتبطه بصفه اساسيه بالفتيس و الكرونه
لا انا لسه داخل تالته
بالنسبه لحضرتك كل اللي حتشتريه
موتور بس بالضفيره بدوره التكيف بدوره التبريد بالاسكاترا الباور علشان عربيتك تبقى باور لان المكنه فيها طلمبه باور
و الكنترول بتاع المكنه و طلمبه البنزين في التنك بس
انا زودت على ده علشان عربيتي فيفوريت
تابلوه فيليشيا و الكونسوله بتاعتها و تنك و طلمبه بنزين و قنطره الاماميه اللي بتمسك الشاسيه من تحت
يعني الموضوع حيبقى اوفرلك مني بحوالي 1500 جنيه تقريبا

**askar** · 29-08-2009 04:46 AM

ممتاز ممكن اقابلك بكرة امتي و فين عشان نتكلم براحتنا
انت رايح توكيل غمرة؟
عموما هابعتلك رقمي علي الخاص و انت ابعتلي رقمك و نتفابل ان شاء الله

**crazylambada** · 29-08-2009 04:56 AM

انا حروح التوكيل إن شاء الله يوم الاحد
انا نازل النهارده إن شاء الله رايح الحرفيين علشان اعمل حاجه في الفوانيس بتاعتي
فممكن نتقابل على الساعه تلاته او اتنين باذن الله
في مصر الجديده ياريت علشان انا حيكون لسه ورايا سفر
و بالنسبه للتوكيل انا حروح بتاع العبور لانه رايق و كمان سالتهم على موضوع عربيتي والمكنه قالولي مفيش مشاكل

[caution]

العضو الفاضل برجاء مراعاة كتابة إن شاء الله بالطريقة الصحيحة
______________________________
مشرف الأوروبى 1
[/caution]