اولا متشكر ليكم كلكم
وانا اسف على الخطأ الاملائي
بالنسبه للاستاذ احمد التكلفه بتفرق من عربيه للتانيه
فلو حضرتك تقولي حتحط موتور ايه و على عربيه جولف ايه بالظبط
علشان نحسبها كده بالورقه و القلم
و متشكر جدا يا استاذ احمد جعفر
شجاعتي الوحيده اني اتحدى الناس اللي تنبئو ليا بالفشل و حتى لو نجحت ان المكنه تبقى تعبانه و الحمد لله الافتراضين مطلعوش صح و اول ما اخلص بقى حبتدي اثبت نفسي سواء في الشارع او على النت
و بانسبه للاستاذ مازن اسامه
اولا انا شلت نص امامي بحاله بتاع فيليشيا على 7.25 مستثنى منه الصاج و الفتيس لانه واحد
الرادياتير بتاع المكنه اكبر من بتاع الفيليشيا العادي رغم انه واحد
7.25 شامل مكنه بدوره التكيف بدوره التبريد بالباور بالتابلوه بالكنسوله
عادي ممكن تشتريهم
انا كنت جايب تابلوه كامل بكنسوله على 1000 جنيه داخله في الحساب
الموتور 1600 انجكشن
و بالنسبه لقطع الغيار عندي هنا في الزقازيق متوفره بس كلها صيني
فعلشان كده انا نازل القاهره اجبلها فلاتر بنزين و هوا و سير الاصلي بتاعها الالماني
فاطمن خالص قطع غيارها متنتوره
ان كانت في الزقازيق فما بالك بالقاهره كفايه شارع دمشق و الحرفيين
و اي استفسار انا تحت امركم كلكم
المفضلات