الموضوع: تكييف علي موتوري ولا موتور 1.6 بتكيفه

انا جربت الموضوع ده بس منصحكش بيه لان اداء العربيه هيقل و السحب هيضعف جدا و تحس انك راكب سيات 133 و كمان اداء التكييف مش حيبقا مرضى ليك
الاحسن انك تسقط موتور بالتكييف بتاعه و ياريت انه يكون 1600 هتحس انك راكب عربيه جامده جدا و اداء التكييف هيبقا جميل جدا

شكرا يا استاذ احمد بس التكييف اصلا الناس مش مشكره فيه و التركيب معظمهم بيقول زي الاستاذ فرج الله ف انا مش عايز اتكلف علي الفاضي فقررت يا اما اخد عربيه بجد يا اما هلغي الموضوع اصلا
faragalla شكرا انا ان شاء الله ربنا يقدرني و اعمل كده فعلا و هاقلكوا ايه النتيجة

مستنين النتيجة يا باشا وربنا معااااااااااك

هو انا برضه زيك كده معايا فيليشيا 97 بس فيها تكييف اصلى بتاعها بس مش عايز اقولك اعتبره مش موجود يعنى ولا بيعمل اى حاجه وعشان كده فكرت انى بدل ما اشيل واحط موتور واعمل الكلام ده كله بالفلوس دى احط عليهم شويه كمان صغيرين كده واجيب فابيا 2001 او على حسب السعر بقى وبالمره تبقى اوتوماتيك اهو ترحم الواحد من ذل المنيوال اللى بنشوفه فى الزحمة وربنا يسهل

carzy lambada
ممتاز والله بس هايكون اوفر ليه أنا تقريبا هاخد نفس الحاجات ولا انت قصدك ب التابلوه تابلوه كامل
سؤال انت هانركب فين انا متشجع بص بصراحه عايز اطمن اكتر للتركيب
و هتاخد ضفيرة طبعا صح؟
mesh faker -nice nickname-
اعترف ان الفابيا احلي من الفلشيا وفكرت في كده بس كده الموتور هايكون 1000 او 1200 سي سي و مش هاتلاقي فابيا اتوماتيك بزيادة بسيطه عن الفليشيا يعني الفليشيا هاتجيبلك كام 26-28 و هاتزود 10 يبقي 38 ممكن تجيب فابيا بس مانيول متهيئالي
عموما اقتنعت بحاجه اللي يدور هيلاقي و شوف اللي يناسب ظروفك يعني لو بتحمل كتير في العربيه الموتور ال1000 صغير شويه و 3 سلندر فموفر في البنزين ربنا يكرمك ان شاء الله بعربية حلوة

طب سؤال عشان بفكر في الموضوع بتاع تسقيط متور 1600
هل فطع غيار 1600 متوفرة زي الجونات والسيور وخلافة عند بتوع قطع الغيار جديدة ولا هنعيش عند الحرفيين عشان الاستيراد