سؤال عن تليين الماروتى.

**muslimah_dentist** · 06-12-2008 04:26 PM

[align=center]السلام علكم و رحمة الله و بركاته

سؤال الى أهل الخبرة فى تليين الماروتى

ازاى نعملها تليين صحيح و فيه ملاحظات لاحظتها عليها يا ريت حد يجاوبنى فيها.

لاحظت ان الفتيس بتاعها تقيل ، هو كدة علطول و لا عشان لسة العربية فى فترة التليين؟

أما بأبقى على التانى فبأسمع صوت الموتور بتاعها على فآجى أغير على التالت ألاقى العربية كركت و شحطت منى ، يا ترى هو ده صوت الموتور الطبيعى بتاعها و لا ايه ؟

و ياريت حد يقولى بالظبط ايه هى سرعات الغيارات بتاعة الماروتى ؟

و آخر سؤال ، انا كان فيه حد قالى فى فترة التليين متزوديش السرعة عن 60 يا ترى ده صحيح؟

أنا فى انتظار ردودكم

و جزاكم الله خيرا[/align]

**maak333** · 06-12-2008 07:16 PM

السلام عليكم
بالنسبة للتلين فالافضل يكون في طريق مفتوح من غير توقف كتير يعني الصحراوي مثلا طبعا التلين لحد 1000 كيلو الاولانية وطبعا من غير متعدي 80-90 كيلو في الساعة بالكتير
بالنسبة للفتيس بتاعها وهو تقيل شوية بلذات في الاولاني والمارشدير
اما موضوع ان صوت الموتور بيعلي علي التاني المفروض لا الا اذا كنت انتي بتحرقي جامد في الغيار التاني اما حكاية الكركرة علي التالت الحقيقة مش عارف ايه ممكن يكون سببها
اما عن سرعات كل غيار هو مكتوب في manual بتاع العربية اخر كل غيار كام بالظبط بس عشان متحرقيش اوي علي الغيار فانا عن نفس بجيب الاول لحد 20 والتاني 40 والتالت 70 والرابع لحد الاخر ....
وشكرا....
أبو مريم......

**muslimah_dentist** · 06-12-2008 07:27 PM

[align=center]جزاك الله خيراً أبو مريم على سرعة الرد[/align]

**sab3aawy** · 06-12-2008 08:19 PM

فتيس الماروتى تقيل شوية، هو نظامة كدة

بالنسبة للتليين، يفضل متزوديش عن 80

صوت الموتور غير مسموع فى السير بسرعة منتظمة لكن مع القرص عليه بيكون صوته(جاعوره) ، هو نظامه كدة

سرعات النقل : فى وقت التليين: 10-30-50
بعد التليين:قيادة متمهلة:10-30-50 قيادة اقتصادية: 20-40-60 وقيادة رياضية متوسطة 30-50-80،قيادة رياضية شديدة (حرق) : 40-60-90

**muslimah_dentist** · 06-12-2008 10:08 PM

[align=center]شكراً أخ سبعاوى على الرد و ان شاء هأعمل بنصايحكم المفيدة.[/align]

**hoss_rona** · 16-12-2008 10:07 PM

هاي يا جماعه بصي عشان تسوقي وتضمني ان صوت العربيه ميعلاش تجيبي الاول وعند 10 تجيبي التاني ولما العداد يجيب 30 هاتي التالت ولما يجيب 60 هاتي الرابع وافتكري الماروتي بالذات خليكي حنينه عليها هتعيش معاكي لسنين وسنين

**lord23** · 17-12-2008 02:51 PM

المشاركة الأصلية كتبت بواسطة sab3aawy

فتيس الماروتى تقيل شوية، هو نظامة كدة

بالنسبة للتليين، يفضل متزوديش عن 80

صوت الموتور غير مسموع فى السير بسرعة منتظمة لكن مع القرص عليه بيكون صوته(جاعوره) ، هو نظامه كدة

سرعات النقل : فى وقت التليين: 10-30-50
بعد التليين:قيادة متمهلة:10-30-50 قيادة اقتصادية: 20-40-60 وقيادة رياضية متوسطة 30-50-80،قيادة رياضية شديدة (حرق) : 40-60-90

طبعا مفيش كلام يتقال بعد كلام سبعاوي
بس بالنسبة للفتيس شوية وهتتعودي عليه

**muslimah_dentist** · 18-12-2008 07:34 PM

شكراً ليكم جميعاً على اجاباتكم و أنا بالفعل فهمت العربية و بدات اتعود عليها.

شكراً ليكم تانى على ردودكم المفيدة

**freespoken** · 23-12-2008 01:56 PM

100 \100 ياسبعاوي باشا كلامك ده في الجون لأني كنت بشتكي من البنزين بس دلوقتي عرفت سبب كبير في الموضوع وهوا السرعات
بس في حاجه برده السرعات الرياضية الشديده دي مش هيا اللي موجوده في الكتالوج انا بصيت عليه قبل مدوس بعد التليين يريت تفيدني في الموضوع ده وحاجة تانيه هوا في الشد بيبقي في زنه كأن صفيحة بتخبط بسرعة أوي؟؟؟؟
ولو في حد ياجماعة من اسكندريه يقولي علي ميكانيكي كويس يكون دايس في الماروتي عشان اروحله مع اني لسه في الضماااان

**tamercc84** · 24-12-2008 11:14 AM

الكتالوج بيبقى كاتب مثلا التالت من 20 الى 80 بس مش معنى كده ان العربيه دا اخرها بس ميقدرش يقولك هات اخر الموتور عشان لو العربيه باظت محدش يقول الشركه هيه اللى قالت.
فلو مثلا العربيه دى كان فيها rpm كنا هنلاقى ان بدايه الاحمر على 60 على التانى او 80 على التالت بس لو قرصت كمان هتجيب اكتر يعنى التالت معاك لحد 100 و التانى 70 والاول بس اللى اخره 40 بس بدايه من السرعات اللى كاتبها الكاتلوج max اعرف ان انت كأنك دخلت على الاحمر فى الrpm