رينو لوجان2010...تقرير كامل مصور!

**NaderNabil** · 13-09-2009 03:25 PM

المشاركة الأصلية كتبت بواسطة neemmohamed

لو سمحت يا استاذ نادر
ما هى الاوراق التى استلمتها مع العربية لانى حاجزها و عاوز اعرف المعرض ها يسلمنى ايه بالظبط و كمان استلمها كويس ازاى

ده كان ردي في مشاركة سابقة:

بتستلم شهادة بيانات
ورق الإفراج و التخليص الجمركي
و دول هاتقدمهم في المرور أثناء الترخيص

و بتستلم عدد 3 كتالوجات...الأول الخاص بالسيارة..الثاني خاص بالكاسيت...و الثالث خاص بالصيانة و الضمان

و تمم على وجود الإريال و الولاعة و وش الكاسيت و علبته
جرب كل حاجة في العربية....تأكد ان مافيش خدوش أو تجريحات

**weka** · 13-09-2009 04:31 PM

يا استاذ نادر لو سمحت انا سالت عند محمد زكي قالولي هاتسلم العربية تركنها عندك 10 ايام لحد لما تيجي اوراق التخليص الجمركي انت لما اشتريتها كانت اوراقها معاها و انت بتستلم و لا ايه النظام و شكرااااااااا جدا ليك و مستنين منك اي جديد عن السيارة

**NaderNabil** · 14-09-2009 01:47 AM

المشاركة الأصلية كتبت بواسطة weka

يا استاذ نادر لو سمحت انا سالت عند محمد زكي قالولي هاتسلم العربية تركنها عندك 10 ايام لحد لما تيجي اوراق التخليص الجمركي انت لما اشتريتها كانت اوراقها معاها و انت بتستلم و لا ايه النظام و شكرااااااااا جدا ليك و مستنين منك اي جديد عن السيارة

الورق جاء بعدها ب 4 أيام
و أصلاً إحنا سبنناها عندهم 5 أيام لأننا كنا في مصيف...فا الوقت ده يعتبر مظبوط عادي

**foash304** · 14-09-2009 02:24 AM

يا مستر نادر
- معلش انا ليا سؤال عاوز اجيب اللوجان بالتقسيط الأسلامى ومش لاقيها فياريتك تدلنى على مكان اجيب منة
- على العلم ان انا سألت عند ناس فمنهم اللى قاللى ان مفيش منها تقسيط ومنهم اللى قاللى هتستلمها بعد خلال شهرين بالكتير (زى كونتاكت كارز) و انا خايف احجز و فى الأخر يدوهالى ناقصة حاجة او فيها عيب و انا اكون ادبست خلاص فى دفع فلوس الحجز
- معلش انا عاوز رأيك
- و جزاك الله خيرا

**NaderNabil** · 14-09-2009 02:27 AM

المشاركة الأصلية كتبت بواسطة foash304

يا مستر نادر
- معلش انا ليا سؤال عاوز اجيب اللوجان بالتقسيط الأسلامى ومش لاقيها فياريتك تدلنى على مكان اجيب منة
- على العلم ان انا سألت عند ناس فمنهم اللى قاللى ان مفيش منها تقسيط ومنهم اللى قاللى هتستلمها بعد خلال شهرين بالكتير (زى كونتاكت كارز) و انا خايف احجز و فى الأخر يدوهالى ناقصة حاجة او فيها عيب و انا اكون ادبست خلاص فى دفع فلوس الحجز
- معلش انا عاوز رأيك
- و جزاك الله خيرا

للأسف معرفش أي حاجة عن موضوع التقسيط...

انت ممكن تروح التوكيل أو محمد زكي و تسأل...
لكن للأسف معنديش معلومات في الموضوع ده

**foash304** · 14-09-2009 03:05 AM

شكرا يا باشا على اهتمامك و جزاك الله خيرا

**neemmohamed** · 14-09-2009 01:22 PM

شكرا لردك على سؤالى ... و معذرا مكنتش قريت الصفحة اللى فيها الاجابة سابقا

طيب بالنسبة للورق انت مذكرتش اى حاجة عن فاتورة او ايصال بالمبلغ المدفوع!
و بعدين هى كانت عاملة كام كيلو بالظبط و هل الورق....
و حاجة كمان انت استلمت من المعرض ولا المخازن

اسئلتنا كتير معليش بقى انت مرجع و الدليل لينا فى العربية ديه
و شكرا

**NaderNabil** · 14-09-2009 01:27 PM

المشاركة الأصلية كتبت بواسطة neemmohamed

شكرا لردك على سؤالى ... و معذرا مكنتش قريت الصفحة اللى فيها الاجابة سابقا

طيب بالنسبة للورق انت مذكرتش اى حاجة عن فاتورة او ايصال بالمبلغ المدفوع!
و بعدين هى كانت عاملة كام كيلو بالظبط و هل الورق....
و حاجة كمان انت استلمت من المعرض ولا المخازن

اسئلتنا كتير معليش بقى انت مرجع و الدليل لينا فى العربية ديه
و شكرا

فيه إيصال بمبلغ الحجز اللي بتحجز بيه...يعني إحنا أخدنا إيصال ب 30000 في الأول

و بعد كده لما بتكمل باقي المبلغ وقت الإستلام أكيد بيدوك إيصال إستلام المبلغ...(انا بس مكنتش موجود ساعة الدفع فا مشفتش الإيصال)...دي حاجة بديهية و ماتقلقش منها

كانت عاملة 25 كيلو

إستلمنا من معرض محمد زكي في القطامية

**ahmadalsattar** · 15-09-2009 01:04 AM

طبعا موضوع رائع ويستحق الاحترام لكن ليا بعض الاستفسارات بخصوص اللوجان لانى عرضك ليها شجعنى على اقتناهئها انا ركبت سيارتين هما الفرنا و اللانوس وكنت دائما باعانى من حكة المطبات بدرجه ملحوظه لكن دون ذلك اداء السيارتين كويس بيتهيالى انا شفت اللوجان اعلى منهما
من ناحية التسارع انا لا يعنينى جدا لكن هل اللوجان يعتمد عليها فى المسافات الطويله السفر اعنى .و الباور اللى ذكرته انه تقيل هل فى جميع اللوجان كده اصلو بصراحه الباور بتاع الفرنا ممتاز جدا فلو اقل من كده تبقى مشكله فعلا
و الله الموضوع محير بالنسبه الى لان شراء سياره ليس بالامر الهين ده تحويشة العمر يا اخوانى

**m_bakr** · 15-09-2009 02:59 PM

السلام عليكم
أخوتى الأعزاء، أنا من كلامكم عن اللوجان حبيتها جداً. ويناءً عليه ذهبت لرؤيتها عند معرض الشركة المصرية بكورنيش المعادى، ولكن لى سؤالين
1 - العربية المعروضة هناك "فول أوبشنس" ولكن سعرها 71 ألف، هو دى مختلفة عن اللى سعرها 67 ألف؟
2- عند العتب تحت الباب الخلفى يوجد فاصل شكله ملحوم بعرض العربية، هو كده مش يبقى عيب مع المطبات وممكن يتفك؟
شكراً جزيلاً