رينو لوجان2010...تقرير كامل مصور!

**AbO_FaRaH** · 24-08-2009 11:32 AM

المشاركة الأصلية كتبت بواسطة modygemy86

بالله عليك متتأخرش علينا

+11111111111111111

ياريت..........على فكره انا طلبت من الاستاذ نادر طلب وهو تقريبا مخدش باله

**NaderNabil** · 24-08-2009 11:38 AM

المشاركة الأصلية كتبت بواسطة test50

ياريت يا نادر باشا.....تقو لنا استلمت ايه مع العربيه .....مستندات الملكيه
ويا ريت تصور لنا كتالوجات العربيه ........لاجظ انى لا اقصد متحويات الكتالوج............لكن بس صوره الغلاف

عشان لما الواحد ان شاء الله يروح يستلم يكون عارف ايه الاورق ....الى ها يستلمها مع العربيه

واخير عاوزين نعرف تكليف الترخيص

بتستلم شهادة بيانات
ورق الإفراج و التخليص الجمركي
و دول هاتقدمهم في المرور أثناء الترخيص

و بتستلم عدد 3 كتالوجات...الأول الخاص بالسيارة..الثاني خاص بالكاسيت...و الثالث خاص بالصيانة و الضمان

تكلفة الترخيص 1300 جنيه لمدة 3 سنوات..

**NaderNabil** · 24-08-2009 11:41 AM

المشاركة الأصلية كتبت بواسطة modygemy86

بالله عليك متتأخرش علينا

معلش يا جماعة...الموضوع هايخد وقت شوية...لأن زي ما انتم عارفين هي مش عربيتي...

**ahmed_su** · 24-08-2009 11:55 AM

ممتاز كالعادة يانادر ... تقيم رائع
مرتب ومنطقى ومش غافل حاجة - أحترافى من الاخر
العربية بكماليتها على السعر ده كويسه جدا
يعيبها بس كم حاجة فى التصميم مكان مفاتيح الزجاج سواء الامامى او الخلفى
قديمة قوى وكمان حركة الكلاكس اللى فى الدركسيون برضه من التراث
العربية وان كانت تحمل اسم رينو بس مش حساس تجها بالنعومة وشياكة الرينو
اصلها الرومانى غالب عليها ... بس السعر وجودة التقفيل فعلا افضل من اللانوس والفيرنا تخليها صفقة كويسة (اتمنى ان تكون قطع الغيار والصيانة مناسبة مع اجمالى تمنها)
فى انتظار تقريرك عن قيادتها واحساسك بالموتور والتعليق
تقبل تحياتى

**ali_hassan** · 24-08-2009 03:26 PM

الف الف مبروك
وشكرا جدا على الوصف التفصيلي الجميل
انا كنت بفكر اشتريه وكنت بجمع عنها معلوات علشان اتئكد من اختياري
انت كملت الصورة
الف الف شكرا وننتظر باقي التقرير

**Abdm** · 24-08-2009 04:50 PM

الف مبروك يا نادر و ربنا يبارك لصاحبها فيها و يعطية خيرها و يكفيه شرها و يحفظها من كل سوء, التقرير ممتاز ووصف تحفة وصور جميلة أوى وواضحة جدا و أنا كنت بفكر فيها وما زلت بس بصراحة خايف من قطع الغيار الغالية وتكلفة الصيانات بس هية عربية جميلة وتحفة وتستاهل الواحد يجيبها و منتظرين باقى التقييم وشكرا لتعبك معانا والمجهود الرائع اللى انت عملتة ودة زى ماأحنا متعودين منك دايما.

**ash257** · 24-08-2009 06:08 PM

ممكن تحطلنا صورة المفتاح الريموت

**NaderNabil** · 24-08-2009 10:18 PM

المشاركة الأصلية كتبت بواسطة ash257

ممكن تحطلنا صورة المفتاح الريموت

مش عارف انا إزاي مكنتش حاطتها....مع اني كنت مصورهم

تم إبلاغ المشرف و سوف يتم إضافة الصورة خلال وقت قصير إن شاء الله

متشكر يا جماعة... انتوا تستاهلوا كل خير :)

**dabdob86** · 24-08-2009 10:56 PM

استاذ نادر استاذن حصرتك فى حاجة بسيطة و غريبة شوية
ممكن حضرتك تركب ورا فى العربية و يكون حد سايق و تشوف رد فعل العربية فى المطبات و النقر
معلش انا عارف ان الطلب غريب شوية بس ان راحة الناس اللى راكبة تهمنى جدا لانى مرة كنت راكب عربية لانسر بومة و كل ما يجى مطب او مطب هوا حتى على طرق السفر كنت بتهبد هبدة مش طبيعية ده حتى الشاهين بتاعت والدى مابيحصلش فيها كده
فانا اسف اذا كنت هاتقل على حضرتك لانى نازل احجز ان شاء الله قريب و كان نفسى حد يجاوينى على النقطة ده و شاكر تعبك مقدماَ
و مبروك على حماك السيارة و ربنا يباركلكم فيها