التقسيط مع بنك ناصر

**ahmed4000** · 14-10-2009 10:23 AM

الوديعة مش محتاجة ضامن ووبتكسب اكتر طبعا
واللى بيقول مشترى كاش احسن...يحسبها تانى لانه حيقسط على سبع سنين وحياخد عائد حوالى 28% من ثمن العربية

يعنى لو عربية ب100 الف حيقسطها على سبع سنين ب 78 الف والباقى حيبقى من فوائد الوديعة (وفوائد الوديعة متغيرة يعنى ان شاء الله مش حرام)

**Egyzizo** · 14-10-2009 10:39 AM

المشاركة الأصلية كتبت بواسطة m_o_sakr

may be good idea, but need more acurate calculations

ما هو أنا حاسبها قدامك أهو بالآلة الحاسبة ..
أنا باطرح الموضوع بالتفصيل علشان لو فيه إنه واللا حاجة تنورونى، لأنى مش شايف فيه أى مشاكل ، وفعلاً بتوفر أكتر من ربع تمن العربية + ما بتعملش تأمين على الحياة + ودى أهم حاجة إن ما بيكونش فيه حظر بيع على العربية.

الخسارة الوحيدة فى الموضوع ده هى المصاريف الإدارية ودى مش هتيجى حاجة لو خصمتها من الفلوس اللى وفرتها.

**ahmed4000** · 14-10-2009 12:58 PM

مش عارف حكاية حظر البيع دى
لان الوديعة بتبقى 50% على الاقل
فممكن واحد يدفع 50% بس
يبقى ساعتها لازم حظر بيع علشان البنك ميتنصبش عليه
بس اسال الاول

**Egyzizo** · 15-10-2009 01:01 AM

أيوه كلامك مظبوط
بس أنا باتكلم على نظام تانى غير نظام وديعة الـ 50% ، وهو إن الوديعة تغطى تمن العربية (100%) + الفوائد ، ففى الحالة دى مش هيكون فيه حظر بيع ولا تأمين على الحياة ، ولا حتى وظيفة ولا ضامنين ولا أى حاجة من دى ..

**bishoy02010** · 15-10-2009 01:19 AM

متابع

**ahmed4000** · 15-10-2009 01:29 PM

المشاركة الأصلية كتبت بواسطة egyzizo

أيوه كلامك مظبوط
بس أنا باتكلم على نظام تانى غير نظام وديعة الـ 50% ، وهو إن الوديعة تغطى تمن العربية (100%) + الفوائد ، ففى الحالة دى مش هيكون فيه حظر بيع ولا تأمين على الحياة ، ولا حتى وظيفة ولا ضامنين ولا أى حاجة من دى ..

اسالهم لان دول مش حيفكروا ويقولوا انت دافع 100% يبقى مفيش حظر
لو فى الورق مكتوب قدامه انه لازم يعمل حظر حيعمل حظر

وعامة الحظر مش حيضايقك فى حاجة لانك فى اى وقت بتسدد الباقى وبتاخد مخالصة وبيخصم الفوايد وده مش حياثر على الوديعة

روح اسالهم مباشرة وبلغنا بالاخبار لانها فعلا فرصة كويسة للى معاه مبلغ كله

**Egyzizo** · 15-10-2009 01:57 PM

ما هو أنا باتكلم بناءاً على مقابلة مع مسئول تقسيط السيارات فى بنك ناصر ..
الحاجة الوحيدة اللى طلبها هى إن لازم يكون فيه مقدم 15% ، وده اللى مانفعش أشيله هو كمان.
يعنى لو العربية بـ 100 ألف ، فاللعب هيبقى فى 85 ألف.

فكرة الحظر .. هى إنه هيستمر سبع سنين ونص ..
ويا عالم هيحصل فيهم إيه ..
فعدم وجود الحظر ميزة لو الواحد حب يغير أو يكبر إلخ إلخ ..

الخلاصة إن الحركة دى هتوفر أكثر من ربع تمن العربية للمشترى
بس يشترط يكون معاه سيولة ، يعنى اللى هيستفيد منها فقط هو القادر على الشراء كاش.