الموضوع: خبر سعيد : ضمان ميتسوبيشي ساري للمالك الثاني

المشاركة الأصلية كتبت بواسطة amro_26

مبروك ده حاجة هايلة .
أستاذ طارق رمضان كريم وكنت عايز اعرف من حضرتك ايه اللى تم فى المقابلة ده هل فى جديد فى أى حاجة او تعديلات او ملاحظات تفيدنا؟ وشكرا ليك أستاذ طارق

المقابلة دي كانت زيارة دورية عادية بيتم فيها منافشة مواضيع مختلفة في الصيانة انما انا سمعت الخبر ده من مدير الصيانة وحبيت اني ابلغه لكم

المشاركة الأصلية كتبت بواسطة dr.sherif mansy

يا سلام يا باشمهندس طارق ، أخبارك دايما حلوة:oc_sun1[1]:
كل سنة و انت طيب و رمضان كريم
على فكرة انت واحشنى جدا و أرجو ان تكون بخير و أتم صحة و حال

الله يخليك يا دكتور شريف ويا ريت نتقابل في افطار رمضان الجمعة 14 رمضان

المشاركة الأصلية كتبت بواسطة mada121977

خبر جميل جدااا
الف شكر ياباشهندس طارق وياريت حضرتك تعرفنا اخبار موضوع الاستطلاع الخاص بالبوما والشارك الاسبورت بالفتيس المانيوال هل التوكيل اهتم بالموضوع

لسه الموضوع محل دراسة ربنا يسهل

المشاركة الأصلية كتبت بواسطة samooh_2003

هو الضمان 60000 ولا 100000

من موديلات 2008 الضمان 3 سنوات او 100 ألف كيلومتر

المشاركة الأصلية كتبت بواسطة ahmed0nouh

خبر رائع بالتأكيد

طيب بالنسبه لو المالك الاول كان مش منتظم فى الصيانه ولكن من صيانه الاربعين العربيه بتدخل الصيانات بانتظام

هل مازال الضمان سارى ؟

هو الصيانات الدورية شرط للضمان انما ممكن لو فيه عيب صناعة واضح ومش سوء استخدام بيتم تغييره في الضمان

المشاركة الأصلية كتبت بواسطة أحمد كمال

+1

الصراحة المفروض اي توكيل مالوش فيها ..... مالك اول و لا عاشر ..... التوكيل ليه انها ما تبقاش سوء استخدام و ان الصيانات معمولة في الميعاد و مختومة في الدفتر .....

بس برضه خلينا fair ....... دي خطوة ايجابية من مصرية يشكروا عليها و انا شايف بدل ما نهاجمهم انهم صلحوا حاجة غلط لأنها كانت غلطة جسيمة الصراحة, المفروض نقول ان ده شئ كويس ..... بلاش النظر لنصف الكوب الفارغ دائما...... و عقبال بقية الخطوات اللي كل ملاك ميتسوبيشي منتظرينها ..... زي :

1- استراحة اوسع و افضل...

2- مواعيد صيانة احسن .... + حجز حقيقي مش مجرد سد خانة و لازم تيجي 8 الصبح بالثانية

3- حل مشكلة الزحمة الرهيبة الناتجة عن زيادة مبيعات ميتسوبيشي بشكل مهول ..... يا اما يفتحوا مركز تاني يا اما يشغلوا المراكز فترة مسائية بجانب الصباحية

4- موظفين الاستقبال يتدربوا على حسن معاملة الناس شوية

5- و اخيرا ...... تظبيط ال workflow داخل الورشة و ما بين اقسام الورشة لتقليل العطلة اللي بيتعطلها العميل بسبب عدم الانتظام (العربية ساعات كتير بتخلص و تفضل مركونة او تخلص ميكانيكا و تقعد ساعة على ما الكهربائي يبتدي فيها شغل .... الخ

طبعا السلبيات موجودة انما هناك دايما محاولات للترقي للأفضل...