الموضوع: خبر سعيد : ضمان ميتسوبيشي ساري للمالك الثاني

يا سلام يا باشمهندس طارق ، أخبارك دايما حلوة
كل سنة و انت طيب و رمضان كريم
على فكرة انت واحشنى جدا و أرجو ان تكون بخير و أتم صحة و حال

المشاركة الأصلية كتبت بواسطة som3aa

نعم؟؟؟؟؟؟؟؟؟؟؟؟
هو الضمان كان للمالك الاول بس؟؟؟؟؟؟؟؟؟

اساسا التوكيل ماله و مال المالك , التوكيل ليه بالعربية عليها ضمان 3 سنين مثلا ملوش دعوة مين اللى داخل بيها, طالما فى عيب صناعة فى فترة الضمان التوكيل يصلحها فى الضمان.

انا مش فاهم توكيل ايه دا , معلش منغير زعل بس دا تهريج

كويس ان حضرتك كاتب انك مكنش عاجبك النظام دا بس لو انا كان حصلى مع اى توكيل موقف كدا ابلغ عنه فى القسم علطول , ازاى ضمان على المالك الاول بس , ناقص يقولوا للمالك كمان مين يركب معاه العربية و مين لأ لحسن يلغوا الضمان

+1

الصراحة المفروض اي توكيل مالوش فيها ..... مالك اول و لا عاشر ..... التوكيل ليه انها ما تبقاش سوء استخدام و ان الصيانات معمولة في الميعاد و مختومة في الدفتر .....

بس برضه خلينا fair ....... دي خطوة ايجابية من مصرية يشكروا عليها و انا شايف بدل ما نهاجمهم انهم صلحوا حاجة غلط لأنها كانت غلطة جسيمة الصراحة, المفروض نقول ان ده شئ كويس ..... بلاش النظر لنصف الكوب الفارغ دائما...... و عقبال بقية الخطوات اللي كل ملاك ميتسوبيشي منتظرينها ..... زي :

1- استراحة اوسع و افضل...

2- مواعيد صيانة احسن .... + حجز حقيقي مش مجرد سد خانة و لازم تيجي 8 الصبح بالثانية

3- حل مشكلة الزحمة الرهيبة الناتجة عن زيادة مبيعات ميتسوبيشي بشكل مهول ..... يا اما يفتحوا مركز تاني يا اما يشغلوا المراكز فترة مسائية بجانب الصباحية

4- موظفين الاستقبال يتدربوا على حسن معاملة الناس شوية

5- و اخيرا ...... تظبيط ال workflow داخل الورشة و ما بين اقسام الورشة لتقليل العطلة اللي بيتعطلها العميل بسبب عدم الانتظام (العربية ساعات كتير بتخلص و تفضل مركونة او تخلص ميكانيكا و تقعد ساعة على ما الكهربائي يبتدي فيها شغل .... الخ