المختصر المفيد على المشككين بالصناعة الصينية

**محمدايهاب** · 31-10-2007 03:08 AM

الببعض ينتقد الصينى ويقول أن السيارات رقيقة و هشة !!
هذه النقطة فى أغلب السيارات الحديثة و ذلك لأغراض تجارية ولزيادة سرعة السيارة مع تقليل قدرة المحرك وأعتقد أن الأكسنت والانوس و الكيا و حتى التويوتا ليست بها صاج 8 مم مثل الشيرى

نعم رقيقة و هشة مش القصة الصاج سمكه كام لأ قدرة الصاج على امتصاص الصدمات - سبيكة الصاج-العواميد التي تحمي و تحمل جسم العربية و الفرق بين الصيني و الماركات الأخرى واضح في اختبارات التصادم

بعض الناس يقولون أن معامل الأمان ضعيف فى الصينى!!
هل رأيتم إختبارات الأمان فى الانوس 2002 و الفيرنا (وهى معروفة بإسم الأكسنت بالخارج) والأفيو 2005

لانوس و فيرنا و أفيو ماشي طيب اليارس و اللاتسر و تيدا و الاسترا و الإلنترا و ماتريكس دول مش عربيات أقوى و أامن من الصيني إلي نازل في نفس فئتهم و إلي أعلى من فئتهم كمان زي البريلنيس

آخرين يقولون أن تقفبل الصينى أى كلام !!
هل رأيتم السوزوكى سويفت (عند بداية نزولها) و دى يابانى و هل يعجبكم أوى تقفيل الشاهين والأكسنت المجمعة فى مصر (بصراحة بعض الصينى أنضف منهم وشوف تفقيل الشيرى مثلا) وهل تعلم أن أحد معارفى كان معاه دايهاتسو سيريون و مفتاح أتوماتيك الشباك باظ بعد 6 أشهر ولم يستطع التوكيل حل المشكلة لعدم توفر قطعة الغيار (هذا الموضوع بقاله 4 أشهر و مازال الشباك مفتوح)

ل معلش دي راحت من حضرتك التقفيل الصيني؟؟؟؟كل الناس سواء عندهم العربية و لا ما عندهمش اتفقوا على النقطة دي ده حتى أصحاب الجين تو اتفقوا إن تقفيل الجين تو مش جامد جدا فما بالك بالصيني؟؟؟
في قصة السيريون حضرتك جبت قصة فردية و عممتها على السيريون ؟؟؟ازاي يعني؟؟؟
أخيرا و الله انا مش من جبهة معارضة الصيني بالعكس أول ما نزلت الاسبيرانزا كنت معجب بيها و كنت عاوز أحجزها لأختي ( انا كان عندي ساعتها يارس) بس مع الزمن حمت ربنا إني لم أقدم على هذه (الجريمة ) :shock:
على كل ربنا يوفق حضرتك بس انا و حضرتك متأكيد إن الصيني (حاليا) لا ينافس و لن ينافس قبل خمس سنين على الاقل

**emam** · 31-10-2007 08:51 AM

ما شاء الله احلى ما فى الموضوع ياجماعة ان الاستاذ شريف المصرى بدأ يشارك تانى ونسى كل الى مزعلة من الادارة عشان يتكلم عن العربيات الصنيى بجد حاجة جميلة فعلا !!! :-) :| :mrgreen:

**eng_mkhalaf** · 31-10-2007 11:19 AM

المشاركة الأصلية كتبت بواسطة sh_masry

يــــــــــــــــــــــــ ـــاه , احنا مش كنا خلصنا من مشاكل الأسبرانزا , طلع للشيرى صوت كمان ههههههه , عموما ربنا يكون فى عونكم و يصبركم على عربياتكم .
بس سؤال : ليه كل واحد راكب عربيه صينى حاسس ان الناس بتبصلها نظره دونيه و عايز يثبت انها فيرارى ؟؟؟
يا جماعه العربيه الصينى فى الأخر بيطلق عليها اسم عربيه للأسف و ده كفايه قوى عليها .
فى انتظار الموضوع القادم : المختصر المفيد... فى ركوب الحديد...بعد عمر مديد ( الحديد هنا بمعنى العربيه الصينى - و العمر المديد بمعنى بعد سنه من ركوبها لأن هايكون كفايه عليها قوى سنه و تبرك فى مكانها و بكده يبقى ده العمر المديد)

يا أستاذ شريف نظرا لأعتزازى بشخصيتك أنا حخش فى الموضوع
احب أقلك لتكون مقنع فى كلامك لازم يكون موزون وصح وقائم على حقائق مدروسة
فكونك تقول أن الصينى - عاما - بعد سنة من الركوب بتكون خلاص- احب أقلك أنا واحد صاحبى معاة شيرى A11 موديل 2005 عاملة 75 غلف كيلو وواحد تانى ملحق 2005 وعاملة 50 إلف كيلو وتشوف العربيات تلايقيهم زى الفل مفيهمشى الهوا
ودة اكبر دليل على xxxxxxxxxxxxxxx الصراحة مش عايز أقول
على العموم ياريت ياريت ياريت إللى يتكلم يكون عن دراية وتجربة مش كلام وخلاص علشان نفيد بعض مش نضلل بعض
وبالنسبة للصينى محدش قال دية فرارى ولا حتى أوبل أو مرسيدس بس هية عربية حيدة فى حدود سعرها وأحسن من عربيات كتيرة فى السعر بتاعها بس أحنا عندنا قلة وعى ودراسة وماشيين ورا كلام الناس من غير دراسة وتفهم للأحوال
وبالنسبة لموضوع الأسبيرانز والشيرى وموضوع الصوت دة - انا عايزك متشغلشى بالك فية لأن أختلاف الراى لا يفسد فى الود قضية والمواضيع كلها مش مستهلة احنا عندنا حاجات أهم من كدة نشغل بيها نفسنا
وأحب أقولك دية أن شاء اللة مش أول ولا أخر عربية هنشتريها يعنى مرة اجيب مصرى ومرة صينى ومرة كورى ومرة يابانى ومرة أيطالى وهكذا أهوة الواحد يركب ويعيش ويجرب فأية المشكلة أنى أركب صينى وأخد الريسك مفيش مشكلة ادينى بجرب بس الريسك بيكون مدروس دراسة متعمقة علشان لو قدر اللة وحصل بيكون أقل ما يمكن بس والحمد للة لغيت دلوقتى أنا كسبان بكرة اللة وأعلم بس لو حصل أنا مأمن نفسى كويس
أنا كان نفسى أكلم معاك أكتر بس أناتعبت من كتر الكتابة ممكن نكمل فى المقابلة
شكرا لمرورك وردك

modux
شكرا لمداخلتك الأنيقة جدا واهادفة جدا
cryptonx مكنتش مستنى منك رد زى دة - لواحد بخبرتك -

**أبو عمار المصرى** · 31-10-2007 11:20 AM

أستاذ محمد إيهاب أحترم نقدكم بشدة فهذا هو الرأى والرأى الآخر
بإحترااااااااام

وأنا حزين بشدة لبعض الأعضاء الذين لم يراعوا أدنى درجات النقد المحترم فى ردودهم والحمد لله أنهم قليل و يعرفون أنفسهم جيدا و هذا هو آخر تعليق لى فى موضوعى و شكرا لجميع الأعضاء المحترمين ;)

**Islam_galal** · 31-10-2007 11:38 AM

الله ينور عليكوا
المهم ان الاهلي فوق الجميع :P

**Hossam_Hassan** · 31-10-2007 11:51 AM

يا ترى الأخ أبو عمار هيشرفنا فى المقابلة الجاية؟

**eng_mkhalaf** · 31-10-2007 03:52 PM

المشاركة الأصلية كتبت بواسطة Hossam Hassan

يا ترى الأخ أبو عمار هيشرفنا فى المقابلة الجاية؟

طبعا لازم يجى أن شاء اللة وكمان أمام وكمان فلووين وهنركن عربيتنا قدام بعض ونكيد العزال :D :D :D :D :D :D :D

**Ahmed Taha** · 31-10-2007 04:32 PM

اللي انا اعرفة و الله أعلم, ان الصيني يعمللك اللي انت عاوزة على قد مانت عاوز تكلف

بمبدأ اطبخي يا جارية, كلف ياسيدي

+100000000000000000000000000000

لو عاوز يعملولك عربية عليه أسمك حيعملوا.

الفلوس فإيدك و إنتة إلي بتشتري هما مسرقوش حد.

**أبو عمار المصرى** · 31-10-2007 04:49 PM

طبعا لازم يجى أن شاء اللة

**أبو عمار المصرى** · 31-10-2007 04:52 PM

بس إمتى و فين يا باشمهندس المقابلة الجاية عشان أحجز مكان جنبك فى ركن الشيرى لأنه هيكون زحمة جدا ولازم نلحق مكان بدرىىىى :D :D :D :D

الموضوع: المختصر المفيد على المشككين بالصناعة الصينية

LinkBack

أدوات الموضوع

عرض

-

-

-

-

المواضيع المتشابهه

أشتريت قرطبه 2008 - وده المختصر المفيد !!

المختصر المفيد فى الزواج الغير سعيد

المختصر المفيد في الإيبيزا 2006-2008

المختصر المفيد في مقابلة عيد الميلاد الثاني للمنتدى بالاسكندرية

المختصر المفيد فى نقل الملكية والتجديد

الكلمات الدلالية لهذا الموضوع

المفضلات

المفضلات

ضوابط المشاركة