الموضوع: المختصر المفيد على المشككين بالصناعة الصينية

طيب ممكن اسأل سؤال
ليه الناس المتعصبين للالمانى مثلا مبيقلش حاجة على اليابانى والعكس صحيح مبيحين السيارات اليابانى مثلى لا يتكلمون على السيارات الالمانى انما كل المتعصبين لليابانى وللالمانى وحتى الكورى بيقولوا ان الصينى مينفعش مصر لان المصريين بالذات فى العربيات عاوزين حاجة تعمر 20 سنه وطبعا الصينى مش بتاع الكلام دة خالص

المشاركة الأصلية كتبت بواسطة som3aa

كلامك يبقى صح فى حالة واحدة بس
المصيبة ان العربية الزبالة من دول بتنزل تقريبا نبفس سعر العربية اللى هى مقلداها
لو فرق السعر بينها و بين غيرها كبيييييييير اوى كان معلش بس
بمعنى ازاى عربية صينى تقيد مازدا تنزل ب 70-90 مع ان المازدا 3 الجديدة بتبدأ من 115 الف لأ و كمان ايه التيوتااااااااا الياريس بتبدأ من 82 الف و الصنى اوتوماتيك 91000 و اللانسر الخليجى الشكل الجديد ب 87000 و كل دول يابانى اما الكورى زى الأفيو او الهيونداى اكسنت فى حدود 70-86.
دا كلام؟ انا شايف Ok صينى لو السعر لحد 50-60 بالكتيييير اوى
فى فرق فى الجودة يا جماعة بين الصينى و اليابانى و الكورى طبعا و خصوصا بين العربيات اللى قلت عليهم يبقى ازاى نشترى عربية مجهولة المصدر من شركة مستوى تحت بير السلم , دايو كانوا بيشككوا فيها فى الأول علشان كورى تخيل المركة دى كانت ممتازة و مع ذلك شككوا فيها امال نقول ايه على الصينى اللى بانت ازاى هى ورق من الcrash test بتاعها.
طب يا أخى مش خايف على نفسك خاف على اللى معاك.
بعدين احنا هنضحك على نفسنا؟؟؟ ما انت عارف الصناعة الصينى عاملة ازاى و عارف ان العربيات دى ممنوعة تتباع فى امريكا و اوروبا علشان قواعد السلامة عندهم و عارف انهم بيرمولنا الزبالة بتاعتهم نقوم نشتريها بالسعر المبالغ فيه دا؟؟
و انا متاكد ان الفرق فى السعر كبييييييييييييييييراووووو وووووىىى بره بس هنا فى مصر متقارب جدا
بس من الاخر انا شايف ان الهيما دى اخرها من 50-60.
دى الكومودو اللى بيبعوها من 130-160 بتنزل فى الصين ب 76000.
التوكيلات بتكسب مبالغ رهيييبة فى العربيات دى و انا رايى الشخصى نقاطع العربيات دى لحد ما التوكيلات تبيعها بسعر عادل بالنسبة لجودتها و صناعتها و اسمها.

اوافق 100%
لحد ما ربنا يكرم المسئولين وينزلوا مواصفات قياسية مصرية علي السيارات المستوردة.......ساعتها ممكن تشتري اي عربية في السوق وانت مطمئن من ناحية السلامة.........