الكيك داون في الياريس

**Samir Elshahawy** · 29-08-2009 05:38 PM

الاخوة الاعضاء الكرام ...

كل عام و أنتم جميعا بخير .....

بقالي كام يوم بجرب موضوع الكيك داون لما بأكون ماشي في الطريق لوحدي و لاحظت الاتي:

.... أثناء تشغيل التكييف :
- السرعة قفزت من 40 كم/ساعة الي 100 كم/ساعة
- عدد لفات الموتور أرتفع و بشكل تدريجي و لكن سريع من 2000 لفة/دقيقة الي 5500 لفة/دقيقة قبل أن ينزل مرة أخري الي 3000 لفة/دقيقة

.... بدون التكييف :
- السرعة قفزت من 40 كم/ساعة الي 100 كم/ساعة ثم الي 120 كم/ساعة (مع أستمرار الضغط علي دواسة البنزين)
- عدد اللفات ارتفع بشكل تدريجي و سريع الي 4000 لفة/دقيقة و لم ترتفع عن ذلك

.... العربية :
- ياريس 2008 (اوتوماتيك) , فول أوبشن
- عداد الكيلومتر : 19000 كم
كنت عايز اعرف أرائكم و هل أجري أحدكم تلك التجربة من قبل و ما هي النتيجة

و شكرا لكم مقدما علي مشاركاتكم

م/ سمير الشهاوي

**asemx1** · 29-08-2009 06:03 PM

لسه ماجبتهاش علشان اقولك رائى يا باشا :] ادعيلى بقى \
بس عايز اعرف رايك ايه فى سحب العربيه معاك احلى من الانسر ال 1600 اوتوماتيك ولا ايهما احسن
العربيه مريحه معاك وبتجمع سرعه معاك لما تحب ولا اى كلام زى الانسر 1300 اوتوماتيك ؟؟؟

**Samir Elshahawy** · 29-08-2009 06:21 PM

المشاركة الأصلية كتبت بواسطة asemx1

لسه ماجبتهاش علشان اقولك رائى يا باشا :] ادعيلى بقى \
بس عايز اعرف رايك ايه فى سحب العربيه معاك احلى من الانسر ال 1600 اوتوماتيك ولا ايهما احسن
العربيه مريحه معاك وبتجمع سرعه معاك لما تحب ولا اى كلام زى الانسر 1300 اوتوماتيك ؟؟؟

علي فكرة قبل الياريس كان معايا لانسر 1300 سي سي اوتوماتيك و قعدت شهر و سلمتها للشركة تاني للاتي :
- السحب سئ جدا خاصة مع التكييف
- الثبات كان مشكلة و كنت بأحس أن العربية هاتتقلب في الملفات

و جربت برضه اللانسر ال 1600 بس مانيوال طبعا حاجة تانية خالص غير ال 1300 سي سي

بالنسبة الي الياريس :
- السحب ممتاز حتي مع تشغيل التكييف و بصراحة جربتها علي سرعات عالية و شديت بيها مع عربيات 1600 سي سي و كانت ندا لها

- العربية مريحة جدا و ناعمة أكثر من اللانسر

بصراحة أنا كنت مشغول الفترة اللي فاتت عن الياريس و كان أهتمامي باللانوس علشان كنت بأبيعها لكن دلوقتي بدأت في تقييمها بشكل جاد خاصة مع أقتراب موعد صيانة ال 20000 كم و أن شاء الله أنوي نشر تقرير عن هذا التقييم قريبا

**john_samy** · 30-08-2009 12:22 AM

انت بتعمل كيك داون ازاى مش انت معاك اوتوماتيك؟

ولا انت لما بتبقى ماشى على ال d بتجيب ال 2 او l ، ولا بتعمل ايه بالظبط؟

معلش اصل خبرتى قليلة شوية مع الاتوماتيك

**Samir Elshahawy** · 30-08-2009 12:26 AM

المشاركة الأصلية كتبت بواسطة john_samy

انت بتعمل كيك داون ازاى مش انت معاك اوتوماتيك؟

ولا انت لما بتبقى ماشى على ال d بتجيب ال 2 او l ، ولا بتعمل ايه بالظبط؟

معلش اصل خبرتى قليلة شوية مع الاتوماتيك

أنا اللي عملته أني دوست بنزين علي الاخر لحد ما الدواسة لمست الارض و أنا علي ال d

**john_samy** · 30-08-2009 12:47 AM

المشاركة الأصلية كتبت بواسطة se_coralsea

أنا اللي عملته أني دوست بنزين علي الاخر لحد ما الدواسة لمست الارض و أنا علي ال d

شكرا يا م/سمير

مجربتش مرة لو انت ماشى على الd وبعد كدة جبت الغيار ال 2 عشان تسحب بسرعة وبعد كدة تبقى ترجعه تانى على ال d ؟؟

**mohd79** · 30-08-2009 12:57 AM

نفس الكلام بالظبط بيحصل معايا بس مع التكييف بيوصل حوالي 4000 rpm مره واحده وبعدين بينزل تاني مبيوصلش 5500 (يمكن كنت دايس الدواسه اكتر مني)
أنا كنت فاكر ان في مشكله في الفتيس لما جربت الموضوع ده أول ما بدء الصيف وبعدين لقتها بتحصل مع التكييف فقط.