الجواب الشافى لكل من يريد شراء a113 وخايف يدخل هنا * * * * *

**M.Osman** · 13-10-2009 04:34 PM

العربية دي بسمع عنها كلام متناقض جدا جداً

ناس تقول عربية حلوة و اتقل/اثبت من الفيرنا بتاعتك (قصدهم بتاعتي) مع ان اصلا الكاوتش بتاعها صغير اوي و ناس تقول وحشة جدا و عفشتها وحشة و عربية سيئة جداً وواحد بيقولي جايب بيها 160 و ماسكة نفسها و واحد يقوللي مفيش فرامل

انا رأيي اللي عايز يشتريها ينزل يجربها الأول يومين كدا ولا حاجة..

بالتوفيق

**medo_2060** · 13-10-2009 05:41 PM

المشاركة الأصلية كتبت بواسطة tito2020

شكراا لرد بردوا مسنيين رد باقى الاعضاء الى مجربين العربيه؟

انا معايا العربيه بقالها 7 شهور والحمد لله زى الفل ونصيحه ماتسمعش نصيحه اى حد مجربش العربيه لان فى ناس مابتعرفش تعود ساكته عايز يتكلم فى الى يعرفه والى مايعرفوش وفى ناس بتتريق على الصينى كانهم راكبين لكزس صدقنى والله لو مشيت ورا كلام الناس مش هتخلص وبرضه انا مش بدافهع باستماته عن الصينى لا له عيوبه زى اى عربيه وممكن مايناسبكش
انزل جرب العربيه وشوف الناس الى مجرباها بس واسألهم وربنا يوفقك

**tito2020** · 14-10-2009 02:36 PM

متشكر جداا يا ميدو
ربنا يهيديك لما فيه الخير

طمنتى والله وخصوصا انك من مالكى العربيه بس معلش هغلس عليك بشويه اساله

فعلا الكاوتش بعد 1000 ولا 1200 كيلو بيعمل بالونات يعنى ححتاج اغير الكوتش ولا ايه الى حصل معاك
طب وعموما انت بتشتكى من ايه لازم يتغير وبيكلف
لانى بصراحه لما اشتريها ان شاء الله مش مستعد اغير حاجه يا دوب اقدر على البنزين والصيانات المعروفه
ارجو الافادة؟؟؟

**karaktar** · 14-10-2009 04:14 PM

المشاركة الأصلية كتبت بواسطة tito2020

فعلا الكاوتش بعد 1000 ولا 1200 كيلو بيعمل بالونات يعنى ححتاج اغير الكوتش ولا ايه الى حصل معاك
طب وعموما انت بتشتكى من ايه لازم يتغير وبيكلف
لانى بصراحه لما اشتريها ان شاء الله مش مستعد اغير حاجه يا دوب اقدر على البنزين والصيانات المعروفه
ارجو الافادة؟؟؟

لو مش عايز تغير حاجه ابعد عن الصينى ابعد عن الصينى ده لمصلحتك ممكن تجيب بمبلغ العربية دى عربية تانيه انضف منها بكتير

**tito2020** · 14-10-2009 05:10 PM

متشكر للرد من العضو karaktar بس ممكن تساعدنى وتقولى ممكن اجيب ايه بالمبلغ دة بس متقوليش التو لانى مش بحب شكلها
وبرضه مستنى اسمع كلام ميدو

**dr_timo** · 14-10-2009 05:25 PM

في برايد الجديدة سعرها خمسة واربعين

**Amo0o0oRa** · 14-10-2009 10:20 PM

سمعت ان ماتور a113
كورى الكلام ده صحيح ولا لا؟؟؟؟؟؟

**medo_2060** · 14-10-2009 11:18 PM

المشاركة الأصلية كتبت بواسطة tito2020

متشكر جداا يا ميدو
ربنا يهيديك لما فيه الخير

طمنتى والله وخصوصا انك من مالكى العربيه بس معلش هغلس عليك بشويه اساله

فعلا الكاوتش بعد 1000 ولا 1200 كيلو بيعمل بالونات يعنى ححتاج اغير الكوتش ولا ايه الى حصل معاك
طب وعموما انت بتشتكى من ايه لازم يتغير وبيكلف
لانى بصراحه لما اشتريها ان شاء الله مش مستعد اغير حاجه يا دوب اقدر على البنزين والصيانات المعروفه
ارجو الافادة؟؟؟

بص انا كنت متردد اوى زيك كدا لما كنت فى المعرض وخلاص هشترى ودا طبيعى موضوع الكاوتش دا اول مره اسمعه ولو كان حقيقى كنت لقيت ناس كتير بتشتكى منه على الاقل هنا فى المنتدى وانا لما كنت فى المعرض وكل شويه اسال الناس هناك قالى الراجل فى واحده ساكنه فوق المعرض شاريه العربيه دى مننا من سنتين روح اسالها عشان تطمن وفعلا سالتها قالت مفيش حاجه غير انى سالت كتير من ملاك اسبرانزا عموما ولحد دلوقتى الحمد لله مغيرتش حاجه فيها وهى على فكره واسعه جدا مش زى ما بيدى منظرها من بره واوسع من البيكانتو وال i10 وتوكيلها كويس ومراكز صيانتها فى كل حته غير ان الميكانيكيه بيشتغلوا فيها
على العموم برضه فكر براحتك ولو مش عايزها ممكن تجيب التو او تزود وتجيب بيكانتو وهى عربيه حلوه جدا بس هتزود كتير
شوف الى يناسبك واى استفسار انا تحت امرك

**medo_2060** · 14-10-2009 11:20 PM

المشاركة الأصلية كتبت بواسطة Amo0o0oRa

سمعت ان ماتور a113
كورى الكلام ده صحيح ولا لا؟؟؟؟؟؟

لا مش صحيح الموتور صينى بتقنيه شركه avl النمساويه وفى ناس بتقول الشركه دى مصنعاه بالكامل بس دا مش اكيد

**hani945** · 15-10-2009 12:31 AM

جرب العربية الأول

الموضوع: الجواب الشافى لكل من يريد شراء a113 وخايف يدخل هنا * * * * *

LinkBack

أدوات الموضوع

عرض

-

-

-

-

-

المواضيع المتشابهه

حاسس استهلاك النزين عالى ؟ اللى يعرف الجواب يدخل بليز

اي حد عنده سبيرانزا a113 يدخل بليز

منتظر منكم الجواب الشافى الكافى....كفاكم الله الحيره

من يريد ان يعرف ماذا حدث للبنزين يدخل هنا

الكلمات الدلالية لهذا الموضوع

المفضلات

المفضلات

ضوابط المشاركة