الجواب الشافى لكل من يريد شراء a113 وخايف يدخل هنا * * * * *

**karaktar** · 15-10-2009 11:20 PM

المشاركة الأصلية كتبت بواسطة tito2020

متشكر للرد من العضو karaktar بس ممكن تساعدنى وتقولى ممكن اجيب ايه بالمبلغ دة بس متقوليش التو لانى مش بحب شكلها

سايبا برايد
سبارك
اتوس
سيلاريو
بيكانتو
i10
لوجان
لادا
طبعاً هاتكون معظم العربيات الفئات الاولى ماعدا سايبا برايد ودى احس انها عربيه محترمه جداً بصراحه احسن من الصينى بكتير

**tito2020** · 16-10-2009 11:30 AM

اشكر الزميل karaktar على الرد والاهتمام بس تسمحلى اقولك وجهه نظرى بالنسبه للاختيارات دى مع مراعاه امكانيات ال a113 وشكلها وسعرها الحالى 50 الف

سايبا برايد معرفش عنها حاجه وتقريبا شفت صورتها فى الجرنان مش عجبانى
سبارك تبدا من 52 الف وشكلها مش عاجبنى
اتوس ب 53500 وشكلها مش قد كدة وغاليه
سيلاريو بتبدا من 55 الف ومشفتهاش فى الشارع خالص واعتقد الناس لسه ميعرفوش عنها حاجه
بيكانتو تبدا من 55 الف (فاضيه مفيهاش حاجه) شكلها مقبول جداا
i10 تبدا من 59 الف طبعا غاليه اوى عليا دلوقتى
لوجان تبدا من 56 الف فاضيه
لادا مش منسبانى نهائى

طبعا مع احترامى لجميع الماركات ونقطه مش عجبانى دى مساله ازواق
كل الاراء دى شخصيه عشان محدش يقول ازاى قول كدة ومحدش يزعل منى
ممكن الافادة بعد ازنكم عشان انا احترت ؟؟؟؟؟

**hemaa_82** · 16-10-2009 05:27 PM

بالنسبة للبلالين في كاوتش ال a113 حصلت مع واحدة اعرفها و غيرولها العجلة علي الضمان .... انا اشتري m11و عجلها بريللي 205/55/16r... و البنت خطيبة واحد صاحبي و بيسوق ال a113 منها طول الوقت و بيشكر فيها جدا جدا جدا و ربنا شاهد علينا كلنا

**karaktar** · 17-10-2009 12:07 PM

إذا فاختار ما تشاء من اى سيارة تعجبك وإذا اقتنعت ب a113 توكل على الله وربنا يكرمك
العربية بشوفها فى الشوارع كتير ولو كانت كلها مشاكل كنا هانعرف اكيد وماكنتش هاتحقق المبيعات دى كلها ربنا معاك وصلى استخارة بصدق وتوكل على الله

**bishoy02010** · 17-10-2009 12:25 PM

thanks :)

**mohamadika85** · 19-10-2009 05:59 PM

المشاركة الأصلية كتبت بواسطة tamermakram

يعنى حضرتك بتنصح بيها طب ايه رايك فى البيكانتو

بصراحه مش عارف مجربتهاش

**mohamadika85** · 19-10-2009 06:00 PM

المشاركة الأصلية كتبت بواسطة kaza1

ممكن حضرتك تقول علي نوع المساعدين
عشان اغيرهم - وومكن تغيروا في التوكيل

انا مغيرتش مساعدين
بس بقول فكره مش اكتر

**mohamadika85** · 19-10-2009 06:03 PM

المشاركة الأصلية كتبت بواسطة karaktar

عفشة العربية دى قمة فى السوء
واحد صاحبى معاه العربية وموديل 2009 اكل حفرة بالعربية وهوه ماشى على سرعته حفرة زى اى حفرة فى الشارع عادى يعنى ( الخساير )
الكوتش اتقطع نهائى
الجنط اتعوج
طبعاً العفشة اتعوجت
الدنيا باظط عندو
وسلملى على الصينى

معاك حق فى موضوع العفشه وبالنسبه للحفره اللى اخدها صحبك دى نصيبها كده
لكن بصراحه انا كنت محمل العربيه ارع افراد تقال وكنت محمل على العربيه حموله لا تتخيلها فعلا واخدت حفره محترمه ولكن الحمد لله عدت وكتير اوى وانا مسافر على طريق اسكندريه الزراعى حفر كتير للاسف باخدها ومع حمل كبير عالعربيه وما شاء الله مش بيحصل حاجه زى ما حصل لصاحبك
الله المستعان

**mohamadika85** · 19-10-2009 06:06 PM

المشاركة الأصلية كتبت بواسطة karaktar

انا مش مدايق من الصينى لأنى مجربتوش بس بتكون فى وقعات حقيقية بتتحكيلى من اصحاب العربيات تخليك تبعد عن الصينى
الله يكرمك لو انت ناوى تشترى صينى بلاش حرام كمان انت هاترمى فلوسك فى الارض ده حقيقى
انا ياما اكلت مطباط وحفر وكان معايا قبل اما اغير مازدا 323 موديل 83
عربية قديمة وعجوزة مرمط بيها الارض اكلت حفر ياما طلع عينها محصلش الكلام ده خالص محصلش مرة ان كوتشة تتقطع من مجرد مطب او حفرة
شوف الردود اللى قبلى بيقولك الكاوتش بتاع العربية اخرة 1000 كم شوفت قمة الردائة حسبى الله ونعم الوكيل فى اللى بيجبلنا العربيات التعبانه دى

فعلا الكوتش سئ بس مش لدرجة 1000 كيلو الكلام دا مش صحيح
انا عامل 15000 تقريبا وشغال زى الفل هوا مشكلته انه لو مش مظبوط الاربع عجلات على 32 يبقى هيكون عندك مشكله لما تاخد حفره بيطلع بالونه كده فى جنب الكاوتش ودى برضه بتكون نصيب مش حاجه ثابته
ولما كلمتهم فالتوكيل قالولى اظبط الكاوتش على 32 الاربع عجلات ومن ساعتها شغال معايا كويس

انا بتكلم عن تجربه

**mohamadika85** · 19-10-2009 06:10 PM

المشاركة الأصلية كتبت بواسطة successcre8or

العربية دي بسمع عنها كلام متناقض جدا جداً

ناس تقول عربية حلوة و اتقل/اثبت من الفيرنا بتاعتك (قصدهم بتاعتي) مع ان اصلا الكاوتش بتاعها صغير اوي و ناس تقول وحشة جدا و عفشتها وحشة و عربية سيئة جداً وواحد بيقولي جايب بيها 160 و ماسكة نفسها و واحد يقوللي مفيش فرامل

انا رأيي اللي عايز يشتريها ينزل يجربها الأول يومين كدا ولا حاجة..

بالتوفيق

عندك حق الاراء متضاربه ولكن هناك مشكله
ما ينفعش تدلى برأيك فى حاجه وانت غضبان منها او فرحان يموقف منها
بمعنى لو انا العربيه ضايقتنى فى مره ودخلت اكتب موضوع او رد هكتب انها اسوا عربيه فالدنيا نظرا لحالتى العصبيه
ولكن لو العربيه ظبطت معايا ودخلت اكتب موضوع فهيكون شعر فيها

ولذلك بحاول انى اكتبلكم تجربتى وخبرتى مع العربيه فى السفر وفى الزحمه ومع الاوزان الثقيله اوى بالنسبه للعربيه ومع عدم وجود اوزان بشكل محايد اللى كويس فى العربيه نقوله بصراحه واللى وحش برضه نقوله بصراحه

مش عايزين نكتب كلام وخلاص ومش عايزين نسمع ان فلان سمع من فلان عن فلان ان العربيه مش حلوه فبالتالى نكتب انها مش حلوه او العكس
اللى جرب يكتب بكل موضوعيه لافادة الجميع