هو الخداع و النصب وصل للدرجة دى؟؟

**جندى مجند** · 10-05-2007 03:07 PM

منذ حوالى ثلاث أسابيع كنت فى كارفور اسكندرية و بعدين و أنا خارج منه للطريق الصحراوى و بعدين الـ u-turn تمهيداً للعودة الى الكورنيش فوجئت بعد الـ u-turn بحوالى 10 متر براجل شكله بسيط و لابس جلابية و قاعد على رصيف الجزيرة الوسطى و حاطط ايده على خده ناظراً فى الأرض ... و على الأرض كرتونتين بيض مدشدشين و صفار البيض يملأ الأرض ... كان الوقت ليلاً و المنظر مايبانش أو يتضح الا لما تقرب منه ... أنا بدأت أستوعب الموقف دة بس بعد ما كنت مشيت لقدام مسافة كبيرة ... و فكرت أرجعله و أشوف ايه الموضوع لكن كان الـ u-turn الموجود أمام داون تاون قد مر بالفعل ... و ظللت أصارع نفسى لمدة طويلة فى ضرورة الرجوع اليه و ظللت أتذكر حديث رسول الله (ص) عن أن من فرج عن مسلم كربة من كربات الدنيا فرج الله عنه كربة من كربات يوم القيامة و حديثه عن أن الله فى عون المرء ما دام المرء فى عون أخيه ... و لكن كان المكان قد ابتعد كثيراً و فى الآخر قلت خلاص بقى العودة صعبة جداً ... و الحقيقة ظللت أعانى تأنيب الضمير طوال اليوم التالى ....

امبارح بالليل كنت فى كارفور مرة أخرى و سلكت نفس طريق العودة المعتاد ... و بعد الـ u-turn و فى نفس المكان بالضبط و بالمللى ... كان نفس الرجل يجلس على نفس الرصيف و كانت كرتونتى البيض المدشدشتين على الأرض و صفار البيض يملأ نفس المكان ...

بس خلاص ... لا أجد أى تعليق أضيفه على الموقف!!

**محمد المصرى** · 10-05-2007 03:22 PM

يا باشا الموضوع ده حصل كتير جدا فى القاهرة ومن كتر ما حصل الناس فهمت وخلاص مابقوش يعملوه تانى
بس يظهر انه لسه واصل اسكندرية

**Mo3taz Selim** · 10-05-2007 03:57 PM

فعلا الموضوع ده قديم جدا هنا فى القاهره و أتعمل مسلسلات كمان
و فى حاجه جديده دلوقتى أول مره أشوفها فى القاهره ... شفتها فى وسط البلد
تجد طفل صغير جالس على الرصيف و تفاجأ عندما تقترب منه إنه يقوم بعمل الواجب المدرسى
طبعا أول مره شربتها و صعب عليا جدا :twisted: :twisted: ... بس لما لفيت شويه فى وسط البلد ... وجدت أكترمن طفل بنفس المنظر
و فهمت الملعوب

بس الناس دى فعلا أذكياء وكل يوم بيطلعوا بحاجه جديده

**Abdallah** · 10-05-2007 04:22 PM

هههههههههههههه المفروض رئيس الشحاتين دة يعملوله وزارة ويسموها وزارة الموارد المالية او وزارة الشفقة لان فعلا دة انسان عبقرى ويستاهل انه يكون وزير ولا حول ولا قوة الا بالله وعجيى.

**sh_masry** · 10-05-2007 04:24 PM

يااااااه ه ه ه ه ده موضوع قديم قوى موضوع كرتونه البيض ده .......
و فيه اختراعات زى كده كتير قوى قوى

a7'ook
Sherif

**جندى مجند** · 10-05-2007 04:29 PM

واضح اننا فى اسكندرية لسة على نياتنا ... المشكلة فى أمثال هذا الشخص انك ممكن تقابل مرة واحد يكون فعلاً محتاج لمساعدة و ترفض مساعدته لما تتخيل انه ممكن يكون مجرد نصاب زيه زى الشخص دة ... يبقى النصاب دة مش بس بياخد وزر النصب و الكذب ... لأ دة كمان بياخد وزر تكريه الناس فى مساعدة من يحتاج لمساعدة فعلية ... و لا حول و لا قوة الا بالله

**وائل عطية** · 10-05-2007 04:29 PM

فعلاً بقى موضوع مفهوم قوي هنا في القاهرة
بس الناس كلها تقريبا فهمته خلاص

**sab3aawy** · 10-05-2007 04:40 PM

وفيه كمان الرجل اللى بيشحت بمكنة سن السكاكين

تلاقيه ماشى بمكنة سن سكاكين ويقول لك انه بيسن سكاكين ومن الصبح ما استرزقش وعايز اى مساعدة

صادف مرة واحد من دول قابلنى قلت له طب استنى انا معايا سكينتين عايز اسنهم، سنهملى وهاديك اللى انت عايزه

حاول يتهرب بشتى الوسائل وفى الآخر قاللى المكنه عطلانة، طبعا هى ممكن تكون مبتشتغلش اصلا ولا هو بيعرف يستعملها اساسا

**ooo** · 10-05-2007 04:47 PM

المشاركة الأصلية كتبت بواسطة وائل عطية

فعلاً بقى موضوع مفهوم قوي هنا في القاهرة
بس الناس كلها تقريبا فهمته خلاص

[size=12]مش كل الناس يا استاذ وائل. انا لسة من كام يوم شفت الراجل اللي جالس والبيض امامه مكسر
تقريبا امام سينما الماظة وقلت لزوجي الحق الراجل يا حرام دول كرتونتين بيض والراجل شكله
مايقدرش يجيب غيرهم وفضلت طول الوقت افكر في الموضوع ده وازاي سرعة العربيات حولنا منعتني من اقناع زوجي بالوقوف ومساعدة الرجل . الي ان شفت الموضوع هنا وعرفت اني كنت غلطانة .
شكرا لكم.[/size]

10-05-2007 04:52 PM

يعنى هى خدعة وبيعملوا كدة علشان يصعبوا عليك--شحاتة متطورة يعنى ----والله كويس انكم قلتم --ياريت لو فى خدع تانية نعرفها--ونتعلم

الموضوع: هو الخداع و النصب وصل للدرجة دى؟؟

LinkBack

أدوات الموضوع

عرض

هو الخداع و النصب وصل للدرجة دى؟؟ - انشر الموضوع فى :

-

-

-

-

-

المواضيع المتشابهه

فن الخداع البصرى..صور لم تشاهدها من قبل..

هو صعب للدرجة دي

مش للدرجة دية

الكلمات الدلالية لهذا الموضوع

المفضلات

المفضلات

ضوابط المشاركة