الموضوع: رابطه محبي ومالكي الريجاتا

المشاركة الأصلية كتبت بواسطة snipertiger

سلام عليكم..
أول مرة أشارك يا جماعة لأني جايب ريجاتا من فترة بسيطة وفضلت متابع الرابطة والموضوع كله تقريبا..
أولا: حسيت ان الدنيا فعلا بخير وان الحمد لله في ناس بتبذل مجهود عشان تساعد بعض وتقدم نصيحة أو معلومة للخير وبدون مقابل...ربنا يباركلكم و يكرمكم ويرزقكوا الخير دايما جزاء ليكوا على الخير اللي بتعملوه :)

ثانيا: أول سؤال هبدأ بيه في المنتدى هو عن المصفحة..المصفحة موجودة عندي الحمد لله ولكن للأسف مشروخة من أحد أركانها ومتلصمة وماشي بيها كده..سؤالي هل ممكن ألحم الشرخ ده عند حد من بتوع الحدايد وتبقى تمام ولا يستحسن أجيب واحدة تانية؟؟ ولو يستحسن أجيب مصفحة تانية أجيب منين وبكام؟؟

شكرا ليكم جدا على مجهودكم ومساعداتكم وربنا يجازيكوا كل خير

وعليكم السلام .
بالنسبة للمصفحة هو اكيد التغيير افضل ولكن للاسف المصفحة غير متوفرة بكثرة بسبب اهميتها ولغلاء سعرها بيوصل تمنها لدي بعض معدومي الضمير لـ 500 ج
لانها مش بتحمي العربية من تحت وبس لاء دي بتحكم المقصات الامامية وبتحكم العربية من قدام
يعنى تطلع فوق رصيف ولا يهمك .. لذلك الافضل ف الوقت الحالى هو لحام المصفحة ولكن لازم تعرف
سبب كسرها اية ؟؟ لان كسرها مش سهل دي عشان تركب ف العربية محتاجة فردين يشيلوها
حتى لو صخرة خبطت من تحت مش هتكسرها تعوجها ممكن كأقصى حد انما كسر دى لازم تسأل عن سببها . ومحتاجة لحام المومنيوم مش اي لحام .. بالتوفيق

موديل 86
ومحتاجة جوز كبالن وطنابير
وفابريقة جوه ماشى لكن خارجى فابريقة معنى كده انها اما كانت مركونه فترة طويله من الزمن او محتاجه دهان كامل
بالاضافه الى تظبيطات وخلافه
اخرها من وجهه نظرى 1800 جنيه ده تقديرى

المشاركة الأصلية كتبت بواسطة amro1965

موديل 86
ومحتاجة جوز كبالن وطنابير
وفابريقة جوه ماشى لكن خارجى فابريقة معنى كده انها اما كانت مركونه فترة طويله من الزمن او محتاجه دهان كامل
بالاضافه الى تظبيطات وخلافه
اخرها من وجهه نظرى 1800 جنيه ده تقديرى

على فكرة يا استاذ عمرو اسعار العربيات عليت تانى انزلت السوق بكرة وشوف الدنيا وبص ع الريجاتا بالذات هتسمع 25 و 30

اعلم ذلك اخى العزيز حسين
واضف على كلام حضرتك موضوع كوبونات الوقود اللى سوف يطبق اللى هيستفاد به السيارات التى اقل من سنه 1996 على ماعتقد وهذا ماأدى لهذه الزياده
لكن راقب وصف الاخ العزيز متولى غير دقيق وانت تعلم جيدا تكاليف سيارة على الاقل تطمئن وانت ماشى
على فكره اللى هيبيع اغلى سوف يشترى اغلى لان الزياده على الاكل
وهذا مايجعلنى لا افرط فى الريجاتا ولا استبدلها بأى سيارة اخرى

المشاركة الأصلية كتبت بواسطة amro1965

اعلم ذلك اخى العزيز حسين
واضف على كلام حضرتك موضوع كوبونات الوقود اللى سوف يطبق اللى هيستفاد به السيارات التى اقل من سنه 1996 على ماعتقد وهذا ماأدى لهذه الزياده
لكن راقب وصف الاخ العزيز متولى غير دقيق وانت تعلم جيدا تكاليف سيارة على الاقل تطمئن وانت ماشى
على فكره اللى هيبيع اغلى سوف يشترى اغلى لان الزياده على الاكل
وهذا مايجعلنى لا افرط فى الريجاتا ولا استبدلها بأى سيارة اخرى

تمام بالظبط كدة ..
انا شفت الاسبوع اللى فات مازدا موديل 83 صاحبها بيتكلم ف 25 الف وحالتها صفر من الشمال !!
كنت بدور لصديق على عربية وللاسف معهوش اكتر من 15 الف