رابطه محبي ومالكي الريجاتا

**amro1965** · 09-11-2012 09:31 PM

المشاركة الأصلية كتبت بواسطة nicegypt

الوولف " فية موديلات كتير " بسعر 130 ج
كلهم واحد بس فرق شكل الريموت وزر اضافي فى الريموت لفتح الشنطة

انا مركب " غريب واحد " وهو ممتاز لكن مميزات الوولف اكثر منة
تمنة 150 ج ومفهوش زر فتح شنطة ومفهوش تشغيل الانتظار عند فتح الابواب

اخى الكريم حسين
كل سنه وانت طيب ياغالى
انا الانذار القديم كان بيفتح الكل ابواب وشنطه
علما بأن مفتاح سيارتى بيفتح ايضا شنطه السيارة
فياريت ترشح لى الافضل

**omarcom** · 11-11-2012 11:17 AM

حصل معايا موقف الصبح وانا رايح الشغل حابب اقولكم عليه ..

الكاوتش الامامي كان مريح عديت على واحد بتاع كاوتش عشان يزودها .. ميل على العجلة وبدأ يزودها .. قالي انا سامع صوت وراح مسك الميه وبدأ يرش عشان يشوف فيها اخرام ولا لأ لقى واحد قولتله انا عارف عشان هيا اديلها كام يوم بتريح وبذودها بس .. قالي كان فيها عشرة بس (ضغط الهواء يقصد) قولتله ماشي قالي عاوز من ابو عشرة ولا من ابو سبعةى (التيل يعني) .. قولتله ركب ابو سبعه بس هو المفروض بخمسه .. (لون التيلة تقريبا برتقالي مش اسود) قالي ابو خمسه خلص .. قولتله ماشي .. بدأ يحط التيل .. لقى واحد تاني .. حد تيلة تاني .. لقى تالت .. حطل تيل تالت .. وصلنا لـ ١٥ خرم في عجلة واحدة
(قالي العجلة كانت مريحه وعديت على قزاز .. طلع منها فعلا قطع قزاز صغيرة .. وفعلا كنت بشوف التنفيس قبل ما يحطله التيل) خلصنا بقوله كام الحساب .. قالي ١٠٥ جنيه ..
قولتله انت بتستعبط هتحسبلي ١٥ خرم زي خرم واحد .. من هنا لهناك .. ما كنشي معايا غير ٦٥ جنيه قولتله دول اللي معايا ومش معايا تاني .. من هنا وهنا ما كنشي راضي خالص .. قولتله خد الـ ٦٥ وبعد يومين ها اجبلك ١٥ جنيه تاني ...
ايه رأيكم اللي حصل ده طبيعي ,, والـ ٦٥ جنيه حقه .. ولا زيادة ..

وربنا ما يوريكم اللي حصل معايا

**amro1965** · 11-11-2012 01:01 PM

المشاركة الأصلية كتبت بواسطة omarcom

حصل معايا موقف الصبح وانا رايح الشغل حابب اقولكم عليه ..

الكاوتش الامامي كان مريح عديت على واحد بتاع كاوتش عشان يزودها .. ميل على العجلة وبدأ يزودها .. قالي انا سامع صوت وراح مسك الميه وبدأ يرش عشان يشوف فيها اخرام ولا لأ لقى واحد قولتله انا عارف عشان هيا اديلها كام يوم بتريح وبذودها بس .. قالي كان فيها عشرة بس (ضغط الهواء يقصد) قولتله ماشي قالي عاوز من ابو عشرة ولا من ابو سبعةى (التيل يعني) .. قولتله ركب ابو سبعه بس هو المفروض بخمسه .. (لون التيلة تقريبا برتقالي مش اسود) قالي ابو خمسه خلص .. قولتله ماشي .. بدأ يحط التيل .. لقى واحد تاني

.. حد تيلة تاني

.. لقى تالت .. حطل تيل تالت .. وصلنا لـ ١٥ خرم :_alshmokh08[1]: في عجلة واحدة
(قالي العجلة كانت مريحه وعديت على قزاز .. طلع منها فعلا قطع قزاز صغيرة .. وفعلا كنت بشوف التنفيس قبل ما يحطله التيل) خلصنا بقوله كام الحساب .. قالي ١٠٥ جنيه .. :_alshmokh08[1]:
قولتله انت بتستعبط هتحسبلي ١٥ خرم زي خرم واحد .. من هنا لهناك .. ما كنشي معايا غير ٦٥ جنيه قولتله دول اللي معايا ومش معايا تاني .. من هنا وهنا ما كنشي راضي خالص .. قولتله خد الـ ٦٥ وبعد يومين ها اجبلك ١٥ جنيه تاني ...
ايه رأيكم اللي حصل ده طبيعي ,, والـ ٦٥ جنيه حقه .. ولا زيادة ..

وربنا ما يوريكم اللي حصل معايا

على فكره ده اشتغاله
حصلت مع ابن اختى فى بنزينه لا اتذكر اسمها فى مدينه نصر
دبس ابن اختى فى 5 اخرام
الافضل لمن يقع فى هذا الفخ
يقف امامه وهو بيزود العجل
ولو قاله ده فيه تنفيس او يدلق ميه
يقله زودها فقط طالما بتريح
بالنسبه لى انا عندى الثلاث عجلات بيريحوا طبعا على مدار اسبوع حليت المشكله بأنى اشتريت منفاح بيشتغل على ولاعه البطارية
ولما بجد عجله مريحه بزودها وازبطا بالتيمر اللى موجود بالمنفاخ
عموما خلى بالك بعد كده وربنا يعوض عليك فى الفرده وممكن تجعلها استبن

**omarcom** · 11-11-2012 07:35 PM

الحمد لله على كل شئ .. لكن انا بسأل بالنسبة لفردة الكاوتش هيا حالتها شبه جديدة .. هل لازم اغيرها علطول ولا عادي اقدر امشي بيها فترة ..

**nicegypt** · 11-11-2012 08:47 PM

المشاركة الأصلية كتبت بواسطة amro1965

اخى الكريم حسين
كل سنه وانت طيب ياغالى
انا الانذار القديم كان بيفتح الكل ابواب وشنطه
علما بأن مفتاح سيارتى بيفتح ايضا شنطه السيارة
فياريت ترشح لى الافضل

الاتنين ممتازين . ولو ارشح لك هيبقى الوولف
لان شكل الريموت بتاعة كويس وفية 2 اوبشن زيادة عن غريب

**WSMMDR** · 11-11-2012 10:17 PM

السلام عليكم عندي سوال المفروض كم ليتر زيت لما اجي اغير الزيت ونوع الزيت

**WSMMDR** · 11-11-2012 10:18 PM

سؤال اخر يا تري فين لمبة الشنطة بتاع الريجاتا وبتنور منين

**amro1965** · 11-11-2012 11:16 PM

المشاركة الأصلية كتبت بواسطة wsmmdr

سؤال اخر يا تري فين لمبة الشنطة بتاع الريجاتا وبتنور منين

على جنب الشنطة
انا عندى على شمالى وانا واقف امام الشنطة

**loserdavie** · 13-11-2012 12:23 AM

المشاركة الأصلية كتبت بواسطة wsmmdr

سؤال اخر يا تري فين لمبة الشنطة بتاع الريجاتا وبتنور منين

النوفا والعادة الاتنين فى الشمال ناحية السواق حتلاقى فرش الشنكة فى دوران كده هى دى مكان اللمبة
بس فى اختلاف بسيط بين النوفا والعادة بالنسبة للنوفا فالزرار الى بيحس ان الشنطة اتقفلت علشان يطفى اوتامتيك فى اخر الشنطة عند دراع الشطة فى الاخر بالنسبة للعادة بتبقى فى باب الشنطة نفسها عبارة عن بلية بتتحرك فى الفتح والقفل

**loserdavie** · 13-11-2012 02:18 AM

المشاركة الأصلية كتبت بواسطة wsmmdr

السلام عليكم عندي سوال المفروض كم ليتر زيت لما اجي اغير الزيت ونوع الزيت

4 ليتر والزيت الريجاتا عموما مواتير درجة حرارتها عالية يفضل التقيل لان الخفيف تقريبا بتاكله

الموضوع: رابطه محبي ومالكي الريجاتا

LinkBack

أدوات الموضوع

عرض

-

-

-

-

المواضيع المتشابهه

مقابلة محبي ومالكي الداستر

رابطه محبي سكودا اوكتافيا a5 على الفيس بوك

نادي محبي ومالكي 127.........

إلى الأستاذ سبعاوي وكل مستخدمي الريجاتا -"ترويش الريجاتا"

الكلمات الدلالية لهذا الموضوع

المفضلات

المفضلات

ضوابط المشاركة