رابطه محبي ومالكي الريجاتا

**ابو عاصم** · 17-06-2013 04:39 PM

سلام عليكم انا عندى ريجاتا موديل 89 موتورها ممتاز ومغيرلها الاربع مساعدين مونرو وفابريكا تماما دواخل والفرش جيد واللون ابيض عايز ابيعها لظروف خاصه ومستعجل ممكن حد يساعدنى او ينصحنى بسعر بيع مرضى انا جاد فى بيعها جدا والى يساعدنى ادعيله من كل قلبى وياخد سمسره كمان
انا من المنيا ورقمى 01147467472

**amro1965** · 17-06-2013 09:03 PM

المشاركة الأصلية كتبت بواسطة ابو عاصم

سلام عليكم انا عندى ريجاتا موديل 89 موتورها ممتاز ومغيرلها الاربع مساعدين مونرو وفابريكا تماما دواخل والفرش جيد واللون ابيض عايز ابيعها لظروف خاصه ومستعجل ممكن حد يساعدنى او ينصحنى بسعر بيع مرضى انا جاد فى بيعها جدا والى يساعدنى ادعيله من كل قلبى وياخد سمسره كمان
انا من المنيا ورقمى 01147467472

والله لو حضرتك من القاهرة كنت اقدر افيدك
لى صديق مكلمنى على سيارة وهو حابب الريجاتا لكن تاتى الرياح بما لا تشتهى السفن
ان شاء الله خير ويوفقك فى بيعها

**ابو عاصم** · 17-06-2013 11:04 PM

ممكن رقم حضرتك لانى ممكن اروح القاهره قريبا

**Ahmed_BYD_F0** · 18-06-2013 09:54 AM

المشاركة الأصلية كتبت بواسطة mtageldeen

موديلات الريجاتا من 1984 حتى 1990 وفقط

بسم الله الرحمن الرحيم
مشكوووووور والله يعطيك الف عافيه
شكرا لمرورك على موضوعي وهذا شرف لي ووسام على صدري
اسمح لي ابدي اعجابي بقلمك وتميزك واسلوبك الراقي وتالقك
يعنى انا ممكن من كلامك ده اقدر اجيب عربية ريجاتا 1990
ويا ترى حتكون فى حدود مبلغ كام
ولو قدامك عربية ريجاتا 1990 يا ريت تقولى
وشكرا:b4_095:

**mabdelwahab** · 18-06-2013 10:25 AM

المشاركة الأصلية كتبت بواسطة nicegypt

لازم تتأكد ان المروحة شغالة تمام وتشيك ع الريداتير والثرموستات .. العيب عندك :
يأما مروحة الرايداتير " شربون " يأما الثرموستات .. ودة ف حالة لو طلمبة المية تمام والريداتير سالك
ومفيش تسريب

كل اللى قولت عليه تمام وو يا ترى ممكن يكون ايه تانى ( ده عمرة كاملة)
انا متشكر جدا لاهتمامك

**omarcom** · 18-06-2013 11:19 AM

المشاركة الأصلية كتبت بواسطة nicegypt

المشكلة عندك ف سرعة المروحة والريداتير .. يجب تسليك الريداتير والتأكد انة سليم
وبالنسبة للمروحة يجب التأكد من سرعة المروحة .. لان ممكن تكون محتاجة شربون
ولو تقدر تغير المروحة بمروحة الاوبل يكون افضل بس تجيبها بالقميص بتاعها وانسي الحرارة

اشكرك على ردك اخي العزيز بالنسبة للمروحة انا كنت زودت مروحة تانية على الرداتير واصبح عندي مروحتين .. والمشكلة مازالت .. لكن من يومين كان عندي مشكلة في الكتاوت بتاعت الدينامو بتدي شحن زيادة .. وغيرت الكتاوت ولسه ما جربتش على طريق سريع بعد تغيير الكتاوت .. عموماً انا شاكك اكتر في الراداتير لأنه قديم وحاله مش كويسة .. فممكن يكون دورة التبريد ما تبقاش كويسة .. ده اللي انا شاكك فيه

**omarcom** · 18-06-2013 11:23 AM

المشاركة الأصلية كتبت بواسطة nicegypt

لو الكونتاك بتاعك شغال بس الفبرة اللى بايظة اشتري فبرة بـ 15 ج من اي محل قطع غيار فيات
هتشتغل معاك 6 شهور وارميها وركب غيرها ارخص لك بكتير لما تدفع 400 ج ف واحد استيراد
انا جبت واحد من فترة كان تقريبا سعرة 400 ج وشوفت اسعار لحد 550 ج كمان !! من عزبة شلبي استيراد
والادهي من كدة ان كلاللى ف السوق مضروب ! يأما صيني يأما طالع عينة ومضروب مفك " مسروق يعنى " ولولا ان الله اكرمني
ببعض الخبرة كانوا هينصبوا عليا بكل سهولة .. يومها كان معايا احد اعضاء رابطة الريجاتا هنا " احمد رمضان "شاف معايا خردة
مش استيراد خالص ! اللى يقولك مفهوش فبرة ومفهوش مفتاح اعمل مفتاح علية وهات 300 ج ! واللى جايب واحد مكسور من الجمب
ومخبوط ويقولك 500 ج يا باشا وتبص علية تلاقية صيني ! لحد ما طلعت واحد اصلي بعد عناء واحمد كان عايز يفهم اشمعنى دة اللى طلعتة وعرفت انة اصلي ازاي " عملت موضوع لشرح الفروق .. المختصر : حاول تشغل فبرة الكونتاك او فيشة الكونتاك اللى ب 15 ج لو السوستة بتاعتك سليمة لان حرام تدفع 350 - 400ج ف ظل الظروف الحالية دة رأيي

للآسف انا عندي ٢ كونتاكت الاتنين منتهين بالفبرة بتاعتهم .. على فكرة انا برضو نزلت عزبة شلبي خدت لفة كده هناك .. لقيت فعلا معظم المعروض من الكونتاكت بيبقى صيني مضروب وينزله على انه ايطالي .. بس فيه واحد اسمه الاصفهاني قالي انه بعد شهر هيكون عنده الكونتاكت كامل ايطالي ده مستورد مشهور في عزبة شلبي وشغال في الريجاتا

**elbasosy** · 18-06-2013 02:35 PM

محتاج إكسدامات ريجاتا تكون بحاله ممتازه .. ياترى ممكن تكون فين ؟؟ وفى حدود كام ؟؟ وياسلام لو حد من أعضاء الرابطه يكونوا عنده وعاوز يبيعهم ..

**mtageldeen** · 19-06-2013 11:53 AM

المشاركة الأصلية كتبت بواسطة ahmed_lada

بسم الله الرحمن الرحيم
مشكوووووور والله يعطيك الف عافيه
شكرا لمرورك على موضوعي وهذا شرف لي ووسام على صدري
اسمح لي ابدي اعجابي بقلمك وتميزك واسلوبك الراقي وتالقك
يعنى انا ممكن من كلامك ده اقدر اجيب عربية ريجاتا 1990
ويا ترى حتكون فى حدود مبلغ كام
ولو قدامك عربية ريجاتا 1990 يا ريت تقولى
وشكرا:b4_095:

أشكرك بشدة لذوقك
وأظن يقيناً أنك تقصد غيري
وأريد أن أثبت أولاً أنني تعلمت هنا في هذا المنتدي وبالتالي أحاول التواجد للمساعدة حسب الاستطاعة كنوع من رد الجميل ونفع الآخرين.

موديلات الريجاتا كلما ارتفعت كلما كانت أندر في وجودها
وطبعاً حضرتك ممكن تبحث وتصبر حتى تجد موديل 90 ولكن ليس الموديل مهماً في الريجاتا إلى هذه الدرجة

فارق الخمس سنوات لن يؤثر على سيارة عمرها 25 سنة خدمة في شوارع مصرنا المحروسة.

ابحث عن أي ريجاتا بشرط تكون بحالة جيدة جداً وأهم شيء فيها تكون أساسيات سليمة بدون بارومة ولا لحامات وأي شيء في الماتور والعفشة أمره هين بعد تخفيض سعر تكلفته من ثمن السيارة

بالنسة للأسعار فأنا لست متابعاً بشكل جيد الآن والأسعار التي أسمعها تتراوح من 19 حتى 22 ألف جنيه

وأرجو أن تجد مشاركتي مفيدة

وربنا يوفقك

**mtageldeen** · 19-06-2013 11:59 AM

المشاركة الأصلية كتبت بواسطة سيف عماره

يا جماعه ممكن حد يعرفنى ايه اسباب تنتيش العربيه فى اول كل غيار وحتى وهى على المور تحس ان فيها رجرجه قريبه للتنتيش ولعلم انى لسا مغير طقم بوجيهات وفلتر هوا وبنزين ممكن يكون ايه السبب لده هى كانت ماشيه عادى خالص وفجئه عملت كده وبعدين بقت تزيد وبتبطل احياناّلو ممكن حد يفدنى بشئ واسف للاطاله

لو التنتيش يحدث في السرعات المنخفضة دون السرعات العالية يكون السبب بيك السلانسيه وهو داخل الكاربيراتير

أما إن كان التنتيش مستمر في جميع السرعات فعليك بتغيير الأبلاتين والكوندنسر

ولو صدق حدسي وكان السبب أبلاتين وكوندنسر ولم تغيرهم فسيأتي عليك وقت ولن تدور السيارة من الأساس فحاول اغتنام سيرها وإصلاحها بدلاً من قطرها ثم إصلاحها أيضاً.