رابطه محبي ومالكي الريجاتا

**shemoo77** · 07-11-2013 02:37 AM

بخصوص كربراتير الريجاتا ياشباب فيه شخص هنا فى المنتدى كان كاتب موضوع ممتاز وجربناه وفعلا العربيه فى سحبها ممتازه بس عاوزه حد بيحب العربيه فعلا ويغير فيها الموضوع ده علشان العربيه تبقى تمام معاه والله انا بدعيله انا وجوزى الشخص ده ربنا يباركله
اللى حابب عربيته وحابب يستفاد يقرا وهتوفرلك كتير صدقنى الريجاتا يتصرف عليها وانت مش زعلان

الكاربتير
اوحش و اسوء كاربيتير نزل في تاريخ الفيات هو بتاع الريجاتا والحمد لله
حاولت معاه كتير قوي لحد ما ظبطو بالعافيه بس بياكل بنزين بطريقه سخيفه جدا...كان 10 ليتر يموشها 50 كيلو مش حارق !!!! خراب بيووووت !! بس سحب كان ممتاز جدا
و عملت ظبطه تاني بقت توفر 10 ليتر يمشوك 70 كيلو و سحب زفت
و لو عملت ايه عمره ما هيظبط سلانسيه و بتعلي و طوطي لوحدها و حاجه تتعب وتزهق بجد

و للاسف فشلت في تظبيط الكاربتير بس وصلت الحمد لله الي حل رائع !!
1- تنزل تجيب كاربتير شاهين 1600 الي هو بيك سلانسيه كهربا ايستيراد من الوكاله او عزبه شلبي وتشتريه علي تجربه طبعا علي الاقل اسبوع
2- تروح لواحد في دقي عند تقاطع شارع تحرير امام محطه مترو دقي اسمه محمد يوسف بتاع قطع غيار فيات بس راجل تمام قوي وحجته كلها فوق الممتازه...تجيب من عنده فلانشه اعدت كاربتير تحول من ريجاتا لشاهين وهو عارف هيكون قصدق ايه...حاجه بالبلدي كده زي محوول شاحن موبيل من تخين لرفيع كده
3- روح للمكانيكي بتاعك يركبلك كل ده و روح لكهربائى يوصلك وصلات السلانسيه معا كنتكت
4- جرب كده 3 تيام, سحب, اداء, عادم ميكونش فيه اسود, و استهلاك بنزين
5- تروح لللمكنيكي يفكلك بوجيه لقتو ابيض يبقي كده بسم الله ماشاء الله كله تمام....ممكن مكانيكي ينضفهولك تنضيفه حلوه من غير ما يلعب في حاجه جواه او يستحسن ميلمسوش من جواه لو هو مش خبير قوي
و اوعي اوعي تنضفه بعد ما تشتريه علي طول عشان انت وخده علي تجربه لو في مشكله هيقولك ده اتفتح و يقرفك و هما اساسا بتوع الايستيراد دول مقرفين خلقه

الاسعار: كاربيتير انا اختو ب390 بعد فصال شاااق و انت و شطارتك و اخت العمه هديه كمان...و جبتلها خرطوم عمه جديد و فلتر رياضي و ظبط الاداء
الفلانشه: 70 جنيه
ممكن يكون مكلف شويه بس فرق فعلا يستاهل
هتستفاد ايه بقي من كل ده ؟؟؟ هؤلك
1- توفير حاد للبنزين...10 لتر = 120 كيلو وانت حارق كمان !!!.وانضباظ تام في سلانسيه و موتور هيبفضل مظبوط لا يعلي و لا يوطي و سحب جامد قوي قوي و كمان انا مركب فيلتر رياضي و عامل صوت معا دوسه فتح الباب تاني يعني لما بجيب اخر دواسه بيطلع صوت زي انجكشن بظبط و صوت رائع و ملفت جدا !!
علي فكره العربيه بتفرك معايا اول تاني تالت ما شاء الله و سرعه قصوي بقت 190 و طبعا مكنتش مصدق عنيا

طبعا خرطوم البخار هجيب واحد جديد اطول من عند اي حد بتاع قطع غيار و بيباع بالمتر و مش غالي المتر ب 3 جنيه حاجه كده

**وليد الشامى** · 07-11-2013 09:50 AM

السلام عليكم
عربيتى ريجاتا 86
يا جماعة لما بشغل التكييف وادوس فرامل ولو على خفيف العربيه بتبطل ايه الموضوع ده وهل ليه حل؟
ولكم جزيل الشكر

**alaa0000000** · 08-11-2013 06:27 PM

السلام عليكم

بالله عليكم اخوانى ملاك السيارة الريجاتا لى سؤالين ارجو الاجابة عليهم :

1- هل تكييف الريجاتا عملى وكويس لولا لأ ؟؟؟؟
2- هل الريجاتا كثيرة الاعطال ذى 128 لاننى سمعت انها شبيهه لها وقطع غيار مشتركه بينهم ؟؟؟

وشكرا لكم

**ahmed_moeaz** · 08-11-2013 09:37 PM

المشاركة الأصلية كتبت بواسطة alaa0000000

السلام عليكم

بالله عليكم اخوانى ملاك السيارة الريجاتا لى سؤالين ارجو الاجابة عليهم :

1- هل تكييف الريجاتا عملى وكويس لولا لأ ؟؟؟؟
2- هل الريجاتا كثيرة الاعطال ذى 128 لاننى سمعت انها شبيهه لها وقطع غيار مشتركه بينهم ؟؟؟

وشكرا لكم

موضوع التكييف مقدرش افيدك فيه ، انما العربية ما شاء الله مفيهاش مشاكل مزمنة وبتصونك طول مانت صيانها وبتصرف عليها

**shemoo77** · 11-11-2013 12:02 AM

المشاركة الأصلية كتبت بواسطة alaa0000000

السلام عليكم

بالله عليكم اخوانى ملاك السيارة الريجاتا لى سؤالين ارجو الاجابة عليهم :

1- هل تكييف الريجاتا عملى وكويس لولا لأ ؟؟؟؟
2- هل الريجاتا كثيرة الاعطال ذى 128 لاننى سمعت انها شبيهه لها وقطع غيار مشتركه بينهم ؟؟؟

وشكرا لكم

نصيحه اصلا من ناس عايشه مع الفيات تكييف الفيات مش عملى والتكييف بتاع الريجاتا بيسحب من عزم الماتور كتير فبلاش ومتقارنش ريجاتا ب 128 خالص ريجاتا بسم الله ما شاء الله عليها من ناحية كل حاجة رغم ان العربيه قديمه جدا الا انك نادر تلاقى ريجاتا كويسه تشتريها عامتا ريجاتا حلوه واعطالها مش كتير ولا حاجه لو انت جايبها كويسه ... الريجاتا كمان تصرف عليها وانت مستريح نفسيا لكن 128 لا ولا ماتورها تمام ولا صالونها زى الريجاتا ولا فى مقارنه اصلا الله اكبر عالريجاتا بس بلاش ريجاتا بالتكييف نصيحه :)

**hany regata** · 11-11-2013 11:41 AM

المشاركة الأصلية كتبت بواسطة nicegypt

معنديش فكرة بصراحة عن الـ سولكس لو عندك معلومات عن سعرة وصناعتة ياريت تقولنا
بالنسبة لتركيب كربراتير بنوع اخر غير بتاع العربية ممكن تركب بتاع الشاهين ولازم تغير المانفول
وفية ناس بتركب كربراتير 128 ولازم يغير المانفول باردو ولا انصح بتغيير الكربراتير لنوع اخر لان صخ
البنزين محسوب بالنسبة .. وهيأثر معاك ف السحب .. الكربراتير الاستيراد ف حدود 300 - 350 ج
ولو فية حاجة لقدر الله رجعة .. ودة افضل من الجديد فى رأيي الشخصي . وكان لي تجربة سابقة
مع كربراتير صيني من محمد يوسف وكانت تجربة سيئة .. انصحك بالاستيراد

اشكرك جدا مهندس حسين انا فعلا سألت على الكربراتير الاصلى الخاص بالريجاتا عند الكيلانى قالى فى نوعين
نوع ويبر مربع برازيلى الصناعة عامل 850 جنيه
والنوع التانى ويبر ايطالى مدور عامل 1900 جنيه
وسألت عند لهيطة قالى ويبر لنوفا ريجاتا ايطالى عامل 1350
سألت الميكانيكى قولتله المدور غالى قالى نركب المربع بس هنغير العمة بس
انا عن نفسى عمرى مفكر فى اى حاجة استيراد لان الغش بقى كتير جدا

**hany regata** · 11-11-2013 12:17 PM

اسعار اخر حاجات اشتريتها للعربية
باكتات ابواب خارجية 8 قطع 4 ابواب و4 رفارف 160 جنيه من العجوز فى التوفيقية
باكتات دائرية على الرفرف من الخارج 4 قطع 65 جنيه من عند العجوز
باكتات حماية غرف العجل من الداخل 70 جنيه للاربع عجلات من عند العجوز
فوانيس امامية نوفا ريجاتا بالنيكل والاشارات عبارة عن قطعة واحدة الفانوس مع الاشارة 220 جنيه للفانوس الواحد من عند لهيطة
مرايات جانبية 110جنيه للمراية الواحدة من عند لهيطة
اكصدام امامى جديد بالنيكل خاص بالنوفا من الحرفيين بحلوان 330 جنيه(جديد)
عوامة بنزين 65 جنيه بتاعة 128
وش فانوس خلفى 27 جنيه
سألت فى عزبة شلبى على الاكصدام الخلفى للاسف سعره واصل ل600 جنيه ولو لقيته متصلح ب300 جنيه
فقولت اصلح بتاعى احسن
طقم بوجيهات 35 جنيه ماركة اكيوم فرنساوى اصلى من عند الكيلانى
سلك بوجيهات تركى 40 جنيه للطقم من عند الكيلانى
فلتر هواء مصرى 15 جنيه من عند الكيلانى
فلتر بنزين 10جنيه روسى من عند الكيلانى

**nicegypt** · 12-11-2013 07:33 PM

المشاركة الأصلية كتبت بواسطة hany regata

اسعار اخر حاجات اشتريتها للعربية
باكتات ابواب خارجية 8 قطع 4 ابواب و4 رفارف 160 جنيه من العجوز فى التوفيقية

الاربع رفارف مقصود بيهم اية ؟؟ اربع بكتات للابواب .. الاربعة التانيين بتوع اية ؟ وخامتهم اخبارها اية ؟

**hany regata** · 12-11-2013 10:26 PM

المشاركة الأصلية كتبت بواسطة nicegypt

الاربع رفارف مقصود بيهم اية ؟؟ اربع بكتات للابواب .. الاربعة التانيين بتوع اية ؟ وخامتهم اخبارها اية ؟

بالنسبة للخامة هى قوية ومحملة بس مشكلتها انهامش مرنة
[

ودى صورة توضح البكتات من جانب واحد 4 قطع فى كل جانب

**omarcom** · 12-11-2013 10:27 PM

السلام عليكم ورحمة الله وبركاته ،،
تحية لكل أعضاء الرابطة ..

موجود عندي قطمة كاملة ما عدا الكونتاكت .. حالتها ممتازة .. للبيع .. اللي محتاجها او محتاج جزء منها يا ريت يبعتلي رسالة على الاميل omxx@live.com