السلام عليكم ورحمة الله وبركاته كــــــل عــــامــ وأنـتــم بـخـيـر
انا عاتب عليكم كتير بقالى كتير مش بدخل الرابطة ومحدش يسئل عليا ولا يجيب قفص فكهة ويجى يزورنى ههههههههههه
اصل انا كنت عملت حدسة كبيرة بس متقلقلوش انا والحمد لله اصابات خفيفه كلها كدامات بس العربيه الخبطه جت فى الشنطه والرفرف اليمين والخبطه كانت وصلت للاْيم اللى فى الشاسيه اللى تحت ( الـلـهـم لـك الـحـمـد كـمـا يـنـبـغى لـجـلال وجـهـك وعـظـمـة سـلـطـانـك )بصراحة يا رجالة انا اتكتب لى عمر جديد لان اللى خبطنة توفه الله وللا سف انا اللى سلمته للا سعاف وهو ميت
اللى حصل انه هو كان سايق نقل تقيل وخبطنى من الخلف والعربيه لفت منى من اثر الخبطه ولفيت مرة والتانيه عربيه دايو لانوس قبلتنى الوش فى الوش والحدثه راح فيها ناس كتير اخوكم بقا اول واحد اتخبك بس الحمد لله انا اقل خسائر الكلام ده كان على الدائرى الساعه 6 صباحاّ بس الحمد لله المهم التكلفة عملت
سمكرة 600
دوكو 250 اصله صاحبى
والاكصدام لحمته ب 100 لسه بقا فاضل ضبط الزوايه
انا مش فاهم ظروف الحادث اية ومين اللى سايق نقل تقيل واتوفي ؟ النقل التقيل عربيتك تبدء عندة من اول فردة الكاوتش ! قدر الله وما شاء فعل والف مليون سلامة عليك .. ورحم الله المتوفي اللهم ارحمة واسكنة فسيح جناتك .. الحمد لله انك بخير اللهم اجرة فى مصيبتة واخلفة خيراّ منها
ظبط الزوايا هيبين لك اخبار الشاسية والعربية من تحت وازرع التوجية اتأكد ان كلة تمام وطمنا عليك .. ابعت لي رقم موبايلك برايفت اتابع معاك
اهم مواضيعى عن الريجاتا : بداخل عضويتى
عدنا بكل قوة للرابطة .. م / Hussein
مبرمج ومالك لشركة برمجيات وتصميم مواقع الانترنت
يا جماعة حد يعرف الدركسيون فى عزبة شلبى يعمل كام ولو عايز اركبت تارة اسبور هل تنفع ولا لا واسف على الاطالة
وبعدين لقيت الخبطه أسرت على الرداتير بس الحمد لله تم لحمه النهارده استلمت العربيه بعد الرش ووش البلوش سمعت فى العربيه صوت غريب فى الماتور حسيت ان الماتور شغال بدلها ماكنة مايه بصوت عالى وبترجرج العربيه على خفيف فوق العادة فا يريت حد يعرفنى قبل ما اروح للميكانيكى بد الاشتغالات اللى انتو عرفنها طبعاّ ومستنى ردكم وشكراّ:copy of majd(4):
الدركسيون مش هتلاقية لوحدة هيقولك خد القطمة كاملة ولو لقيتة لوحدة يعملة 100 ج بالكتير
ممكن تركب طارة سبور مومو او اي طارة تعجبك والزور بتاعها بيتخرط عند الخراط حسب الاكس بتاعك
لو الاكس عندك مش مظبوط او فية بوش عندي الاكس بالبلية كامل بكوتشة اللى بتسحب اهتزاز الدركسيون
بالنسبة للصوت اتأكد ان فرن الشكمان راكب كويس ومساميرة ممكن تلاقي واخد منة اتكسر عدي على بتاع شكمان خلية يبص لك علية كلة من اول الفرن للعلبة حسب وصفك للصوت انة الفرن طلع من مكانة شوية بسبب مسمار اتكسر.. ابعت لي رقمك برايفت اتابعك
اهم مواضيعى عن الريجاتا : بداخل عضويتى
عدنا بكل قوة للرابطة .. م / Hussein
مبرمج ومالك لشركة برمجيات وتصميم مواقع الانترنت
يا جماعة حد يعرف الدركسيون فى عزبة شلبى يعمل كام ولو عايز اركبت تارة اسبور هل تنفع ولا لا واسف على الاطالة
وبعدين لقيت الخبطه أسرت على الرداتير بس الحمد لله تم لحمه النهارده استلمت العربيه بعد الرش ووش البلوش سمعت فى العربيه صوت غريب فى الماتور حسيت ان الماتور شغال بدلها ماكنة مايه بصوت عالى وبترجرج العربيه على خفيف فوق العادة فا يريت حد يعرفنى قبل ما اروح للميكانيكى بد الاشتغالات اللى انتو عرفنها طبعاّ ومستنى ردكم وشكراّ:copy of majd(4):
انا لسه كنت شاري قطمة كاملة عشان الكونتاكت عندي كان بايظ باقي القطمة كله سليم عندي للبيع لو عاوز الطارة بس اوكية .. ابعتلي رسالة على الخاص بس يكون بعد اجازة العيد ان شاء الله وتحت امرك
السلام عليكم ورحمة الله وبركاته كــــــل عــــامــ وأنـتــم بـخـيـر
عضو جديد لسة شارى ريجاتا موديل87 فيها تكيف لكن من غير السربنتينة وفيها عداد الاعطال
ولكن مكتوب فى الر خصة ريجاتا نصر وليس نوفا وحسب المعلومات والشرح للاعضاء المحترمين ان ريجاتا العادية
ليس فيها تكيف ولا عداد للاعطال لفيت جميع المنتديات على كاتلوج الريجاتا فلم اجدة ارجو من السادة المحترمين
من يجدة يدلنى علية والف شكر للجميع
انا عضو جديد معاكو لانى لسة شارى ريجاتا موديل 1988 من اسبوعين والحمد لله بعد مجبتها لقيت فيها شوية مشاكل بس هى اساسيتها كلها فبريكة فقولت اشترك معاكو يمكن حد يستفيد لانى بجد استفدت من هنا كتير جدا
اولا :اول مشتريت العربية قالى بس دى عايزة تغير سلك الدبرياج طبعا ماخفى كان اعظم
المهم غيرته كان الدبرياج تقيل جدا المهم لفيت عند اكتر من ميكانيكى قالولى لازم تغير طقم الدبرياج كامل
رحت عند الكيلانى لقيت نوعين
1- لوك المانى ب650 جنيه
2-نوع ايطالى تجارى اسمه ماكير 350 جنيه
رحت قولت مش هبخل من اولها توكلت على الله وجبت لوك الالمانى
ثانيا : لقيت البدالات فيها لحامات والفبرة معمولة عند خراط كل مدوس فرامل تنزل وتقفش مع الدبرياج وتفصل العربيةولازم اطلعها برجلى
رحت غيرت الثلاثة بدالات دبرياج وفرامل وبنزين
نزلت الوكالة اشتريت جهاز الفرامل والدبرياج بالفبرة ومكنة الاستوب ب300 جنيه
وبدال البنزين ب75 جنيه
ثالثا: وهو الميكانيكى بيحل الفتيس لقى الفرش مكسور وملحوم رحت اشتريت فرش استيراد ب100 جنيه
واخيرا العربية خلصت وبقت زى الفل الحمد لله تغيير تام والميكانيكى خد 200 جنيه مصنعية
ارجو ان يكون حد استفاد من خبرتى البسيطة جدا
وشكرا لحضراتكم واتمنى انكم تقبلونى عضو جديد معاكمfun_36_3_4[1]:
1- هل كل قطع الغيار الميكانيكية موجودة ام لا ؟؟؟؟؟ جديد ام استيراد ...والسعر
2- امامى ريجاتا 88 تعمل كام لو سليمة ؟؟؟
3- انا عرفت ان تقريبا مشكلة الريجاتا فى الاكسسوار فياريت اعرف سعر الكشافات الامامية و الخلفية ..( جديد / مستعمل )...... كذلك عرفت ان التبلوه بيعمل 2200 فى عزبة شلبى هل هذا صحيح ؟؟؟ هل يوجد اسعار خرافية اخرى فى السيارة غير ما ذكرت ؟؟؟؟
4- سمعت فى منتديات اخرى ان بك السلانسية الكهرباء غير موجود منه جديد ... ويمكن تلاقية بعد عناء لكن استيراد ؟؟؟ ولو موجود سعره كام جديد وعند مين ؟؟؟؟؟
ازيكوا يا جماعة
انا عضو جديد فى المنتدى وبصراحة اعجبت بالمعلومات اللى فيه
وعندى استفسار: انا معايا 25000 الف وعايز اعرف ممكن اجيب بيهم ايه ؟
هل يجيبوا شاهين كويسه ولا اجيب رريجاتا ولا فيات اونو
مع العلم انا هعمل بالعربية 100 كم فى اليوم تقريبا وشكرا
اهلا ومرحبا انا عضو جديد زيك ومعايا ريجاتا 87 لسة جيبها من شهر وهى ممتازة وجامدة وانصحك بيها او الشاهين كلامك سليم ولو عايز اى مساعدة انا فى الخدمة فى حدود معلوماتى انا ملاحظ ان اعضاء الربطة هاجروها
على العموم انا من القاهرة لو حابب تشوف عربيتى انا فى الخدمة وشكرا
المفضلات