رابطه محبي ومالكي الريجاتا

**nicegypt** · 28-11-2013 01:36 AM

المشاركة الأصلية كتبت بواسطة wsmmdr

السلام عليكم بخصوص مشكلة العربية الي ما بتسحبش مع السرعة
بالنسبة للأسئلة اولا الكربراتير انا شايل العمة خالص ومش عارف اذا كان مخنوق ولا لأ وانا بنضفه بنفسي بفك اربع بكات وانضفهم واركبهم تاني وبالنسبة للبوجيهات جديده والاسبراتير الكتروني بمشط والموبينه مبتسخنش

وعليكم السلام ..
شيل العمة خطأ لان التراب بيدخل ع الكربراتير ومنة للموتور بشكل مباشر
وبيخلي العربية صوتها عالي جدا
المشكلة عندك تتخلص ف الكربراتير لازم تروح لحد متخصص كربراتير
مش لميكانيكي .. لو ساكن ف الجيزة انزل شارع فيصل .. اول شارع فيصل
هتلاقي حلبص على يمينك وانت متجة للكوبري ادخل الشارع اللى على ناصيتة حلبص
واسأل على ابراهيم بتاع الكربراتير هو معروف هناك .. الراجل دة نضيف وشغلة كويس
هيعملك فحص للكربراتير وهيوقلك مشكلتة بالظبط اية
نضافة البيكات مش حل ممكن الابرة تكون معلقة او الرشاش بتاع الكربراتير اللى جوة مسدود
او محشور فية حاجة .. دي اول نقطة

تاني نقطة وهي مهمة باردو .. اتأكد ان الاشعال الالكتروني بتاعك شغال تمام
فية طريقة ممكن اقولك عليها تتأكد منها بس ممكن تكهربك لا قدر الله لو اول مرة تفك
والكهربا بتاعتها جامدة .. لذلك روح لميكانيكي قولة يبص على نظام الاشعال كلة يشوفة شغال كويس
ولا مخرف .. لو ظبط الكربراتير وظبط نظام الاشعال عندك كدة عربيتك هترجع طبيعية بأذن الله

**nicegypt** · 28-11-2013 01:37 AM

يا اهالى الرابطة .. بفكر ف عمل مقابلة لمالكي الريجاتا فقط .. اية رأيكم ؟
وتكون يوم الجمعة بعد القادم اي يوم 6 ديسمبر .. المكان هنتفق علية بعد اخذ موافقة الجميع
اية رأيكم ف الفكرة ؟

**ahmed_moeaz** · 28-11-2013 02:21 AM

فكرة جميلة اتمنى انى اكون موجود لكنى من سكان الاسكندرية

**طارق ثروت** · 28-11-2013 06:34 PM

المشاركة الأصلية كتبت بواسطة nicegypt

الى رابطة الريجاتا .. احتاج الى الاتي :)

1 - باكتة يمين مش عارف وقعت ولا اتسرقت واللى سرقها مش هيستفيد حاجة لان القواعد بتاعتها سافرت
حد عندة باكتة يمين الباب الامامي اللى جمب السواق عشان شكلها بقي مش لطيف كدة .. يقولي بكام

2 - حد كان عارض قربة مية للبيع وكان جايبها جديدة .. هل مازالت موجودة اخدها منة ؟ قربتى شغالة بس محتاج واحدة تانية اخترع فيها وتكون سليمة

ازيك يا باشمهندس ... الباكيته عندي لسه فاككها ومش محتاجها لاني غيرت الطقم كله ... معلش هي مش جديدة بس سترة بدل القراع بتاع الباب ده انا مجربه وبيعكنن عليك منظر العربية .... هدية من اخوك طارق لمجهودك الطيب والمشكور لمساعدة الاخوة الريجاتاوية ... كلمني علي 01140911886 ونظبط هنتقابل ازاي

**nicegypt** · 29-11-2013 04:15 AM

المشاركة الأصلية كتبت بواسطة طارق ثروت

ازيك يا باشمهندس ... الباكيته عندي لسه فاككها ومش محتاجها لاني غيرت الطقم كله ... معلش هي مش جديدة بس سترة بدل القراع بتاع الباب ده انا مجربه وبيعكنن عليك منظر العربية .... هدية من اخوك طارق لمجهودك الطيب والمشكور لمساعدة الاخوة الريجاتاوية ... كلمني علي 01140911886 ونظبط هنتقابل ازاي

وعليكم السلام ورحمة الله .. هكلم حضرتك ان شاء الله العصر .وشاكر لحضرتك جدا .

**amro1965** · 01-12-2013 10:08 AM

المشاركة الأصلية كتبت بواسطة nicegypt

يا اهالى الرابطة .. بفكر ف عمل مقابلة لمالكي الريجاتا فقط .. اية رأيكم ؟
وتكون يوم الجمعة بعد القادم اي يوم 6 ديسمبر .. المكان هنتفق علية بعد اخذ موافقة الجميع
اية رأيكم ف الفكرة ؟

السلام عليكم ورحمه الله وبركاته
اخى الحبيب المهندس حسين بالنسبه للمقابله انا موافق لانى محتاج اتعرف عليك عن قرب بس ياريت تكون فى مكان بعيد عن الزحمه ومشاكلها
وياريت تقتصر المقابله على ثلاثه افراد فقط لان اكثر من هذا الرقم هنقع تحت طائله القانون لان اكثر من ثلاثه يتطلب اذن من الداخلية لتنظيم لقاء ويجب ان تخبرهم عن نوع المقابله وخلافه

على فكره ان معك فى أى مقابله انتى بس اخبرنى بميعادها قبلها بيوم وياريت نجد بعض الاعضاء يوافق على المقابله علشان نكون لمه ونقضى يوم لطيف
مع تحياتى
اخيك عمرو

**ahmedmostafaaa** · 01-12-2013 11:00 AM

المشاركة الأصلية كتبت بواسطة nicegypt

يا اهالى الرابطة .. بفكر ف عمل مقابلة لمالكي الريجاتا فقط .. اية رأيكم ؟
وتكون يوم الجمعة بعد القادم اي يوم 6 ديسمبر .. المكان هنتفق علية بعد اخذ موافقة الجميع
اية رأيكم ف الفكرة ؟

فكره ممتازه جدا جدا
انا لاحظت ان كتير من الاعضاء من قاطني الجيزه ياريت نحاول نخلي المكان هناك

**amro1965** · 01-12-2013 11:58 AM

المشاركة الأصلية كتبت بواسطة ahmedmostafaaa

فكره ممتازه جدا جدا
انا لاحظت ان كتير من الاعضاء من قاطني الجيزه ياريت نحاول نخلي المكان هناك

عندك اكتوبر والشيخ زايد طرق هادئه وواسعه واماكن نقدر نقعد وونتعارف ونركن سيارتنا بامان

**mzmr** · 01-12-2013 11:39 PM

اقرب مكان للمقابلةللجميع هى مدينة العبور بعد موافقة الجميع

**tefa_0** · 02-12-2013 09:34 PM

الموضع جميع وحلو بس لو في حد من خارج القاهرة ؟؟؟

الموضوع: رابطه محبي ومالكي الريجاتا

LinkBack

أدوات الموضوع

عرض

-

-

-

-

-

المواضيع المتشابهه

مقابلة محبي ومالكي الداستر

رابطه محبي سكودا اوكتافيا a5 على الفيس بوك

نادي محبي ومالكي 127.........

إلى الأستاذ سبعاوي وكل مستخدمي الريجاتا -"ترويش الريجاتا"

الكلمات الدلالية لهذا الموضوع

المفضلات

المفضلات

ضوابط المشاركة