رابطه محبي ومالكي الريجاتا

**hany regata** · 12-11-2014 02:25 PM

المشاركة الأصلية كتبت بواسطة m2ivip

السلام عليكم ورحمه الله وبركاته
الحمد لله اشتريت سيارة ريجاتا سى سى 1500 وموديل 1985
الحمد لله فرجت الماكنة لكذا ميكانيكى وكلهم اجمعوا انها كويسة جدا ومش محتاجة اى حاجة غير الحاجات اللى لازم تغييرها لما تشترى عربية زى البوجيهات وسير الكاتينة
المشكلة حاليا عندى فى اللى اشتريت منه العربية مركب كربراتير 128 جديد بيقولى لان القديم شغال بس اعطاله كتير ومجبش العمة بتاعته
انا نزلت سألت فى الاستيراد لقيت كرابرتير الريجاتا عامل 250 جنيه وكده كده العمة بتاعته موجودة
فى حين ان العمة لكربراتير 128 ب 150 جنيه
انا قولت اجيب كربراتير ريجاتا استيراد واركب العمة القديمة اللى انا كده كده لقيتها موجودة فى شنطة العربية
الميكانيكى قالى طالما كربراتير ال 28 شغال كويس وجديد خلاص واحسن من بتاع الريجاتا فى حين ان ال28 اخرها 1300 والريجاتا 1500 سى سى
هل كربراتير ال28 يؤثر على ماكنة العربية فى السحب او اى شىء اخر
وهل كربراتير الريجاتا اعطاله فعلا كتير
انا مش عارف اعمل ايه بصراحة الاسعار قريبة ومش عارف الصح ايه
عقلى بيقولى هات كربراتير ريجاتا استيراد
ياريت حد يفدنى
جزاكم الله خيرا
اخوكم فى الله
محمد ابراهيم المحامى
من اسماعيلية

السلام عليكم
حضرتك انا كنت لسة عند الكيلانى كنت بجيب بك سلانسيه كهرباء لكربراتير نوفا ريجاتا وسألته على كربراتير نوفا ريجاتا جديد قالى اه موجود سألته على سعره قالى 1700 جنيه وجبت بك السلانسيه الكهرباء ب120 جنيه

**hany regata** · 12-11-2014 02:40 PM

ملحوظة اخرى
اخويا لسة جايب كربراتير 128 جديد من عند الكيلانى ب700 جنيه تقريبا وكنت سألته من شهرين على كربراتير الريجاتا العادية الكربراتير المربع قالى موجود البرازيلى ب850 جنيه واعتقد انه رخص كمان لان ساعتها كان المدور(نوفا ريجاتا) ب1850 جنيه وحاليا ب1700 جنيه( ماركة ويبر)

**ahmed_moeaz** · 13-11-2014 07:21 AM

بصراحة الكرباتير عندى بيودع عامل حسابى اغيره لما اجمع فلوسه ان شاء الله

**صالح** · 29-11-2014 07:31 PM

اذاي افك تنك البنزين ريجاتا 84

**msrahmedseef** · 01-12-2014 06:53 AM

انا شارى عربية ريجاتا موديل 86 مشت معايا اربع شهور و بعدين بدأت تظهر المشاكل المهم الكهربائى قالى ان أسلاك الحساسات عاوزه تتغير . الرجاء شرح حساسات عربية الريجاتا و بعدين ازاى اغير أسلاك الحساسات و منين اجبهم ولو عاوز اغير الحساسات كمان اجيبهم منين

**ahmed_moeaz** · 05-12-2014 05:52 PM

اشتريت 2 فانوس شاهين ب180 ج لقيت فاونيس النوفا ب500 ج استغليتهم طبعا لانى بركن فى الشارع بيت والشغل ، واشتريت كابل دبرياج 35 ج واشتريت تيش غيارات صغير 85 ج هذا للافادة ومازالت مشكلة الكرباتير مكرهانى فى العربية وسنينها

**محمد العامر** · 05-12-2014 08:07 PM

السلام عليكم اريد سيارة نوفا ريجاتا 89 ..

**nicegypt** · 05-12-2014 08:46 PM

المشاركة الأصلية كتبت بواسطة ahmed_moeaz

اشتريت 2 فانوس شاهين ب180 ج لقيت فاونيس النوفا ب500 ج استغليتهم طبعا لانى بركن فى الشارع بيت والشغل ، واشتريت كابل دبرياج 35 ج واشتريت تيش غيارات صغير 85 ج هذا للافادة ومازالت مشكلة الكرباتير مكرهانى فى العربية وسنينها

حضرتك جبت تيش الغيارات منين ؟ استيراد ولا جديد ؟

**ahmed_moeaz** · 05-12-2014 09:02 PM

جديد من صلاح الدين عند النونو وواحد بتاع استيراد كنت عنده بسأله على قاعدة دواسات قالى تيش غيارات بتاع البيجو 504 بيكرب على الريجاتا مش عارف الكلام ده صح ولا غلط بس انا لقيت بتاعها عايزين نسأل فى محل قطع غيار بيجو عليه ونشوفه وممكن حضرتك تفك القديم وتعمله جلب فى المخرطة ويشتغل معاك

**ahmed_moeaz** · 05-12-2014 09:04 PM

للأسف بعد محليت كابل الدبرياج القديم لقيته احسن من الجديد بكتير جدا لقيت الواير المعدن عليه جراب بلاستيك صغير غير الجراب البلاستيك الكبير اساساً علشان ميقطعش الوردة اللى بتركب فى الصاج بصراحة زعلت جدا ، ان شاء الله شهرين كده وهحاول ادور على واحد يكون فيه جرابين