رابطه محبي ومالكي الريجاتا

**nicegypt** · 10-09-2013 03:55 PM

المشاركة الأصلية كتبت بواسطة abu zizo

السلام عليكم ورحمة الله وبركاته
عندى استفسار لانى قليل الخبرة وطالب النصحية من اصحاب الخبرة
إن شاء الله ناوى اعمل عمرة كاملة للماتور لانى من ساعة ما اشتريت العربية وانا حاسس ان امكانياتها كبيرة بص هى محتاجة تتظبط المبلغ اللى معايا على قد عمرة الماتورة.

فى ميكانيكى فى الحرفيين قلى انا هعملك العمرة بس هجيب قطع الغيار استيراد عشان الجديد معظمه مضروب وهتتكلف حوالى 2500 ج.
فالكلام ده مظبوط ولا اشوف حد تانى............ أيه رأيكم وأعمل أيه؟
أسف على الاطالة.

انصحك تسقط مكنة استيراد سعرها بيبدء من 2900 ج بكل وحدات التغذية .. وهتسمع فيها اسعار لحد 3500 ج بالفتيس بكل حاجتها لذلك خد ميكانيكي خبرة واستنضف مكنة افضل من العمرة .. انا شاركت ف عمل عمرة لفيرنا وماتريكس وعربيتى الريجاتا كمان .. فخد كلامي ثقة . وعربيتك هتدورها ف نفس اليوم وهتمشى مش زي العمرة

**nicegypt** · 10-09-2013 04:03 PM

المشاركة الأصلية كتبت بواسطة elbasosy

سؤال بس ماحدش يضحك عليا ( دى قلة خبره ) : انا عربيتى موديل 85 وأشتريتها من غير تكييف .. هل كل الريجاتا مُجهزه إن يتركبلها تكييف ؟؟ ولا هى موديلات مُعينه ؟ ولو ينفع أركبلها تكييف ممكن يتكلف كام تقريباً ؟أرجو إفادتى . مع الشكر لكل الأعضاء المحترمين بجد ........

الريجاتا بيركب لها تكييف سواء المكيفة او المجهزة وانصحك بتركيب تكييف " سندان " الكهربائى
انزل جسر السويس واسأل على متخصص تكييف سيارات يكون بيركب سندان وابحث ف المنتدي هتلاقي
مواضيع عنة هتحس بفرق كبير عن بتاع الفبريكة ولاحظ ان عربيتك لازم تكون معزولة سقف وارضية وابواب وحوض بـ عزل حراري

**nicegypt** · 10-09-2013 04:06 PM

المشاركة الأصلية كتبت بواسطة ymaa_nana

الاخوة الاصدقاء السلام عليكم
انا كتبت طلب من كام يوم وتقريبا محدش خد باله منه واعذريني اني هاكرره
هو البوجيهات ال 2 شمعة او 3 شمعة بتفيد في العربيات الريجاتا على العلم ان عربيتي ريجاتا موديل 89 مكيفة
برجاء لو حد عنده فكرة يقولي
وجزاكم الله خير

الافضل الـ 2 شمعة .. اما التلاتة والاكثر لاء لان عربيتك 8 صباب فمهما تعمل فيها هيبقى نفس التسارع
سبب الافضلية للـ 2 شمعة هي انة بيتحمل الكربون الناتج من الكربراتير واشعالة مش بيتأثر بسرعة زي الشمعة الواحدة

**YMAA_NANA** · 10-09-2013 05:09 PM

المشاركة الأصلية كتبت بواسطة nicegypt

الافضل الـ 2 شمعة .. اما التلاتة والاكثر لاء لان عربيتك 8 صباب فمهما تعمل فيها هيبقى نفس التسارع
سبب الافضلية للـ 2 شمعة هي انة بيتحمل الكربون الناتج من الكربراتير واشعالة مش بيتأثر بسرعة زي الشمعة الواحدة

الف شكر على الرد يا باشا وجاري التجربة ان شاء الله

**Abu Zizo** · 10-09-2013 09:01 PM

المشاركة الأصلية كتبت بواسطة nicegypt

انصحك تسقط مكنة استيراد سعرها بيبدء من 2900 ج بكل وحدات التغذية .. وهتسمع فيها اسعار لحد 3500 ج بالفتيس بكل حاجتها لذلك خد ميكانيكي خبرة واستنضف مكنة افضل من العمرة .. انا شاركت ف عمل عمرة لفيرنا وماتريكس وعربيتى الريجاتا كمان .. فخد كلامي ثقة . وعربيتك هتدورها ف نفس اليوم وهتمشى مش زي العمرة

م/ حسين
أشكر حضرتك على الرد واهتمامك... بس انا صاحبى بيقولى تسقيط ماتور برده انت وحظك وممكن يقعد معاك سنتين ويفوت برده، ده غير الغلبة بتاعت الاجراءات.

لو عملت نص عمرة وظبط الفتيس يكون احسن ويبقى توفير بالمره؟

**Abu Zizo** · 10-09-2013 09:55 PM

م/ حسين
بخصوص تسقيط ماتور ينفع اسقط ماتور احدث من غير اى تعديلات؟

**ahwanoso** · 10-09-2013 11:52 PM

السلام عليكم
النهارده غيرت الخزن الخلفية والتيل الامامى والخلفى
ومع ذلك الفرامل ضعيفه جدا
معدش حاجه باقيه تتغير غير الماستر والسيرفو
الدواسة بتاعة الفرامل عاليه وناشفه "مش محجره"
الفرامل يدوب بتهدى
اعمل ايه

**elbasosy** · 11-09-2013 02:18 PM

المشاركة الأصلية كتبت بواسطة nicegypt

الريجاتا بيركب لها تكييف سواء المكيفة او المجهزة وانصحك بتركيب تكييف " سندان " الكهربائى
انزل جسر السويس واسأل على متخصص تكييف سيارات يكون بيركب سندان وابحث ف المنتدي هتلاقي
مواضيع عنة هتحس بفرق كبير عن بتاع الفبريكة ولاحظ ان عربيتك لازم تكون معزولة سقف وارضية وابواب وحوض بـ عزل حراري

أ حسين : أشكر إهتمامك بالرد على الأستفسارات .. ربنا يباركلك . إن شاء الله هانفذ .

**medo2181981** · 11-09-2013 02:58 PM

العمرة كاملة كلفت معايا
قطع غيار جديدة=1100
المخرطة=300
الميكانيكى=400

**medo2181981** · 11-09-2013 03:04 PM

يا جماعة لو حد عارف تكلفة بوهية العربية تكلف كام كلها
ياريت يفدنى

الموضوع: رابطه محبي ومالكي الريجاتا

LinkBack

أدوات الموضوع

عرض

-

-

-

المواضيع المتشابهه

مقابلة محبي ومالكي الداستر

رابطه محبي سكودا اوكتافيا a5 على الفيس بوك

نادي محبي ومالكي 127.........

إلى الأستاذ سبعاوي وكل مستخدمي الريجاتا -"ترويش الريجاتا"

الكلمات الدلالية لهذا الموضوع

المفضلات

المفضلات

ضوابط المشاركة