هل ظهور دخان اسود من الشكمان + رائحة بنزين نى من الشكمان دليل على استهلاك عالى للبنزين وهل لو رائحة البنزين التى تشمها تكون فقط عند دوارة العربية فى الصباح فهل دا شئ طبيعى اما لو مستمرة فدا فعلا دليل استهلاك عالى للبنزين؟؟
عرض للطباعة
هل ظهور دخان اسود من الشكمان + رائحة بنزين نى من الشكمان دليل على استهلاك عالى للبنزين وهل لو رائحة البنزين التى تشمها تكون فقط عند دوارة العربية فى الصباح فهل دا شئ طبيعى اما لو مستمرة فدا فعلا دليل استهلاك عالى للبنزين؟؟
بالتأكيد اخى العزيز ... لما يكون فية دخنة سوداء .. يعنى استهلاك بنزين عالى ومبالغ فية ... وذلك لان نسبة البنزين
اعلى من نسبة الهواء داخل الكربراتير .. وان خليط البنزين والهواء غير متناسبين .. والمشكلة الاكبر اللى هيسببها انة
هيـقطع بوجيهات .. فك بوجية من الموتور وشوفة .. لو لقيتة اسود مفحم وعلية طبقة كربون سودة جامدة .. يبقى خلى بالك
لازم تصلح العيب الموجود تحديداَ فى الــكربراتير ... اول حاجة لازم تعملها .. انك تتأكد ان فعلا الكربراتير فية عيب
ودة بأن حضرتك تروح للاي ميكانيكى ... تقولـة بالحرف الواحد " اظبط لى الكربراتير عشان فية دخنة سودة "
هو مش هيفك اي حاجة من العربية متقلقش .. كل ما ف الامر ان فية مسـمارين فى خلف الكربراتير
مسمار للهواء ... واخر للبنزين ... هو هيظبط لك الاتنين مع بعض ... ولو اتظبط وبقى تمام .. مش هتلاقى اي
دخنة سودة ... وهتلاقى استهلاك البنزين اتظبط .. ولما تيجي تدور الصبح هتلاقى الشكمان عرق مية ودة معناة
ان نسبة خليط البنزين مظبوطة مع الهواء .. تديلة عـشرة ج حلوة قوي علية ...هتاخد منة خمس دقايق بس وانت واقف
بدون فك اي حاجة من العربية .. تمام كدة ؟ .. طيب لو لقدر الله قالك ان الكربراتير بايظ ومش نافع ؟
اللى هتعملة حضرتك انك هتسألة عن حد بتاع كربراتير .. تروح لة هيفك لك الكربراتير ينضفة ويغسلة بالجاز
وهيعملك " اكس وباب " هتتكلف تقريبا 60 ج او اكتر حاجة بسيطة .. بعد كدة هيركبة ف العربية وهيظبط لك
مسمار الهوا والبنزين .. بس خلى بالك دة هيكون مـسكن مؤقت هيشغلك فترة كويس .. وبعد كدة هتلاقى الكربراتير
خرف تانى .. وتصلح تانى .. لحد متزهق وتجيب كربراتير استيراد وتريح دماغك . بس ف الوقت الحالى اعمل
الخطوات دى .
انا مش فاهم حضرتك بتسأل ؟ ولا بتقول معلومة ؟؟ ...ادعوا الله انها لا تكون معلومة لانها هتبقى كارثـة بكل المقايسس
لان من المعروف ان الكاوتش فية منة جديد ! اما لو سؤال فبالتأكيد فية اي كاوتش فية منة جديد ... كاوتش البسكلتة فية منة جديد
بس صاحب السؤال مش عايز جديد .. بس دى النقطة
اشكرك استاذ حسين على شرحك الوافى والمفصل. انت كده ممكن تنافسنا فى مهنة التدريس وبالنسبة لسؤال الاخ (ريجاتا) هو اكيد يقصد (الزرار) اللى كان بيسأل عليه وليس الكاوتش يعنى يقصد الزرار هل يوجد منه جديد ام لا ؟ومعلش استكمالا لسؤالى عن استهلاك البنزين ,ما هو رقم مفتاح فك البيجوهات هل 20 ؟ وهل شم رائحة بنزين نى من الشكمان له علاقة ايضا باستهلاك البنزين ام دا شئ عادى عند تشغيل السيارة فى الصباح؟؟
الله يكرم حضرتك .. وبالنسبة للزر فية منة جديد ولكنة مش هيركب فى مكانة لانة اصغر حجماَ وفية اكبر حجماَ
وبالتالى لازم يتفتح لة جزء اضافى فى الفبرة ومتقلقش عادي خالص , دة بالنسبة للاستاذ ريجاتا صاحب سؤال الزرار
مفتاح البوجيهات مقاس 16 بيتباع اصلا بـ 10 ج ف اي محمل قطع غيار .. المفتاح لة بوز ويد تسمح لك بفك البوجيهات وتغييرها بكل سهولة ويسر .. عكس المفتاح البلدى مش هتعرف تتحكم فية قوي وهياخد وقت منك طووويل فى فك بوجية واحد تكون كرهت البوجيهات والعربية .. هات مفتاح بوجيهات دة شكلة
http://www13.0zz0.com/2011/01/13/21/869577144.jpg
طالما بتشم رائحة بنزين يبقى اكيد فية استهلاك والكربراتير السبب .. اما لو بتشمها ف الصباح فقط لا غير
يبقى ممكن لانك ضغطت اكسراتير كتير .. والعربية قاربت من انها تشرق منك " يعنى دخلت للكربراتير بنزين كتير
اكتر من المطلوب والكمية دى اعلى من الهوا .. وبالتالى الهوا غير كافي لحرق البنزين دة كلة " اللى دخل من محاولة ادارة السيارة فى الصباح وضغط بنزين كتير ... دى حاجة مستبعدة ولو فية رائحة ف الصباح فقط لا غير
عذرا سوف ادلو بدولى بخصوص استهلاك البنزين
بالنسبه لاستهلاك البنزين له عده عوامل لاستنذافه او الاقتصاد فيه وعن تجربه لدى وماشى عليها والحمد لله معدل الاستهلاك صفيحه الوقود عندى بتعمل مابين 190 الى 200 كيلو فى وسط البلد وفى السفر مابين 240 الى 250 كيلو فى الصفيحة
بس هى محتاجه بعض التمارين والملاحظه من حضرتك وممكن يساعدك المؤشر اللى على يمينك يزيد وينقص عند ضغط قدمك على دواسه البنزين
اولا
لا تضغط بنزين طالما سيارتك ماشية بسرعه ترضيك حتى لا يزداد استهلاكك
عند النزول من منحنى ارفع قدمك من على دواسه البنزين ودع قوه دفع سيارتك للامام بقوة
قبل الصعود الى كوبرى أو اى مكان مرتفع قبلها زود بنزين واسرع وقبل الصعود اجعل مؤشر البنزين فى المنتصف واستفاد من قوه الدفع التى اعطيتها لسيارتك قبل الصعود
لا تكثر فى النقالات كثيرا ولا تخرج من الاول الى الثالث مباشرا او من الثانى الى الرابع لان ذلك يتطلب منك دفعه وقود زياده
عند الوقوف فى الاشارات او الاماكن المزدحمه اذا لاحظت انك سوف تظل وقت كبير فى نفس المكان بلا تحرك الافضل تبطيل سيارتك حتى لا تستهلك وقود اضافى
لا تدفع كميه وقود غير ضروريه وانت على نقله بطيئه فلن تغنيك سرعه اضافيه بل العكس سوف تفقدك استهلاك اعلى
اعلم انه بعد مابين 10 و90 كيلو على ماعتقد فانت تمشى على بك بنزين واحد فاستهلاك قليل اما فى حاله مشيك على 90 وما فوق فى هذه الحاله يتم فتح بكين للوقود فاستهلاكك اصبحا مضاعفا
لا تسير واطاراتك منخفضه الهواء فذلك ايضا يهدر لك الوقود بدون فائده
ظبط كهربه سيارتك على نوع الوقود المستخدم من قبل ميكانيكى فاهم
نظف كربراتير سيارتك قبل تغيير الزيت مباشرا حتى ينزل الزيت ومعه الاوساخ المستخرجه من تنظيف الكربراتير
بالتوفيق
ازيك يا استاذ محمد اخبارك اية
الزيت فعلا بيتأثر من التنظيف .. بس الزيت لة حل شوية وهو الفلتر ..
انما اللى بيضرر فعلا من عملية تنظيف الكربراتير " وهو على السيارة " البـوجيهات
بتتبهدل وممكن تقطع او تحتاج تغييرها بعدها
" استاذ عــمرو " فعلا احيك وجزاك الله كل خير وفعلا كلام حضرتك منطقى ومظبوط ومجهودك واضح جدا فى الرابطة ما شاء الله
بالنسبة للريجاتا فالكربراتير بيبدء يستهلك بعد الـ 80 .. انا فكيت الكربراتير قدامى حتة حتة وشفت كل جزء فية والنقطة دى على ثقة
وباب السرعة بيفتح على الـ 100 / 90 بيبدء الباب يفتح ثنة ثنة
اشكرك على النصايح المفيدة استاذ عمرو واجمل شئ لما نتعلم من تجارب الاخرين / وارجو منك توضيح نقطتين قد ذكرتهم اولاً:هى محتاجه بعض التمارين والملاحظه من حضرتك وممكن يساعدك المؤشر اللى على يمينك يزيد وينقص عند ضغط قدمك على دواسه البنزين : يعنى حضرتك تقصد ان الاحظ عداد السرعة يعنى الغيار الثانى من 20 الى 40 والثالث من 40 الى 60 وهكذا ؟؟ اما النقطة الثانية وارجو توضيحها وهى: ظبط كهربه سيارتك على نوع الوقود المستخدم من قبل ميكانيكى فاهم : فكيف يتم ذلك ؟؟
#121111
يعنى حضرتك تقصد ان الاحظ عداد السرعة يعنى الغيار الثانى من 20 الى 40 والثالث من 40 الى 60 وهكذا
امش بالسرعه التى تريدها سواء كنات نقلتك الاول او الثانى فجيب ان تكون ضغطت على دواسه الوقود مع المؤشر الوقود ان يكون اقل من المنتصف دائما
اما فى حاله كانت نقلتك على الثالث او الرابع فجيب ان تكون ضغطت على دواسه الوقود مع المؤشر الوقود ان يكون فى المنتصف دائما
ممكن تضغط على دواسه الوقود ليزاد المؤشر لكن فى الحالات الاتيه
تخطى سيارة مثلا ثم ترجع الى وضعيتك
قبل الصعود الى مطلع مرتفع للاستفاده من اندفاع سيارتك مع المحافظه على المحرك وعدم التحميل عليه وعند الصعود ارجع لطبيعتك السابقة
الحالات التى يجب عدم الضغط على دواسه الوقود
النزول من منحدر طريق
ماشى بسرعه وعلى البعد شاهدت تراكم السيارات ارفع قدمك حتى تصل الى السيارات سواء كان تراكم سيارت بسبب اشاره مرور مثلا او مطب وخلافه
حالات اخرى ممكن تتسبب فى استنذاف وقود سيارتك
1- عدم ضبط اطارات سيارتك
2- فقدان كفاءه احدى بوجيهات سيارتك (من اكبر المشاكل وعن تجربه شخصية استنذفنى وقود اكثر)
3 - عدم صيانه الكربراتير ايضا
4 - اختلاف نوع الوقود المستخدم لسيارتك مع عدم ضبط كهربه السيارة يجعل السيارة تصقف فى المشى ايضا
المفتاح الجديد مش نفس المقاس .. بالنسبة لى ملقتش المقاس بتاعها هنا فى القاهرة مش عارف ممكن تلاقية عندك او لاء
بس عموما علشان تجيبة عندك الاتى بس مش جـديد :
الوكالة - عزبة شلبي
الجديد بقى عند بتاع الابواب .. متخصص اصلاح الابواب والاكر عندة ازرار .. لكن مدورتش علية جديد فمعرفش
دور عند بتوع الابواب يأما تنزل تجيبة من الوكالة وتريح دماغك . علماَ انة عند بتوع الابواب والكهربائية ايضاَ عندهم ازرار تقوم بنفس المهمة وشكلها حلو
بس لازم يفتح ف الفبرة بتاعة الكونصولة شوية .. ودة بالنسبة لك معرفش عادى انة يخرم ويكسر جزء بسيط ف الكونصولة ولا لاء ..
لو فية عندك اي استفسارات اخري قولنا وستجد لها اجابة لدي اخوانك فى الرابطة بأذن الله ..
استاذ عـماد ... المقصود بعداد البنزين واللى بـيقصدة استاذ عمرو هو " عداد قياس نسبة استهلاكك للبنزين " العداد موجود ع اليسار
والمؤشر بيتحرك على تدرج الوان اخضر واصفر .. دة لو عربية حضرتك نوفا بس .. لو عادية زى اللى معايا مفهاش
انا نفسى اعرف العداد دة واصل بأية من جوة الكبوت ؟ العداد دة واصل ع الكربراتير ؟ مستحيل .. طيب واصل فين ف العربية
على الاسبراتير مثلا ؟ ممكن بس باردو مش هيعرف يحدد الاستهلاك .. لو تعرف يا استاذ عمرو واصل فين ف الكبوت بياخد قرأتة منين ياريت تقولنا .. انا مشفتوش شغال عند حد على فكرة .. واخبار كمبيوتر الاعطال عندك اية شغال ؟؟
لا عداد مؤشر استهلاك الوقود مش شغال مع الار بى ام ده لوحده وده لوحده
لان انا عندى الار بى ام مش شغال وكذلك وكمان الولاعه
وخايف اجعل حد يصلحهم لان العيب الوحيد فى سيارتنا الطابلوه مايتسحملش فك وحل فى التابلوه من قبل كفتجيه لا تعى شىء
قلت لحالى مرة من الايام افك هوايات التكييف لتنظيفهم و لزياده دفع الهواء الهوايات طقتقت وبدأ فى الشروح قلت لفك التكيف استوب مش عايز انظف حاجه
رغم انى يهمنى ان اصلح الار بى امر حتى يكون كل المؤشرات شغاله
على ماعتقد والله اعلم المؤشر مرتبط مع دواسه البنزين من خلال حساس بيجعل المؤشر يزيد وينقص
لى طلب من الاخوه الاعضاء
اذا اراد عضو ان يخبرنا عن شىء بخصوص قطه غيار يصورها لنا علشان نقدر نساعده
مثلما يفعل الاخ العزيز niceegypt
فعلا مثال للعضو الفعال فى الرابطة
العداد واصل مع فاكيوم الفرامل السرفو في مشترك علي يمين المنافولد تحت الكربراتير الفتحته الكبيرة لخرطوم السيرفو والفتحة الضيقة لخرطوم عداد استهلاك البنزين (خرطوم هوا رفيع زي بتاع فاكيوم التكييف)
وده فكرتة ان لما يكون باب الكربرتير مقفول بيكون الشفط القادم من المحرك قوي وده بيخلي الموْشر يتحرك في اتجاة اليسار
اما لما بتدوس بنزين بتفتح باب الكربراتير وبتسمح للهواء انه يدخل الي غرفه المنفولد ودة بيزود ضغط الهواء ويرجع الموءشر الي
اتجاه اليمن بفعل السوستة وبكدة يقيس معدل استهلاك الوقود
وشكرا
سيدي الرجاتا دي عربيه ماتكراريتش كانت تحفة الطالينا ومعملوش زيها تاني ولا حتي التمبرا ولا الي بعدها
ومتقارينش الشاهين بلريجاتا ابد مافيش وجه مقارنة لافي الرشاقة ولا التكنولوجيا
الطالينا حطوا فيها كل ابداعتهم الفنية والتكنولوجيا ومكرروهاش تاني
متلاقيش عربيه يباني بتقيس مستوي الزيت الكترونيا زي الريجاتا
متلاقيش عربية الماني بتعرف ان لمبه الاشاره اتحرقت زي الريجاتا
كان نفسي شركة النصر تفضل تصنع العربية لانها افضل عربيه في في~تها
وتستمر في تصنيعها وتصدرها
علي فكره الادا فيها نفس العداد (المكيفه)
للاسف مؤشر البنزين دا مش شغال عندى ويظهر انى هوديها لكهربائى يصلحه لانى عاوز اعمل بنصيحة استاذ عمرو واضبط البنزبن من خلاله وياريت الاخوة يقولوا تجاربهم الاخرى ازاى يضبطوا عملية استهلاك البنزين من خلال القيادة او من خلال دلالات معينة زى مثلا مؤشر السرعة او صوت الموتور
العربية بتعمل 100 كيلو فى الصفيحة داخل المدينة ولسة هجرب استهلاكها خارج المدينة علشان مش عاوز اظلم العربية يمكن تكون بريئة وطريقة قيادتى هى السبب فى استهلاك البنزين العالى
استهلاك كتير جداَ .. مــتــفكرنيــــــش
اسباب الاستهلاك :
1 - حالة السيارة عموما وحالة الموتور ومدى كفاءتة
2 - الكربراتير مش مظبوط " منة لله البتاع دة "
3 - طريقة قيادتك
4 - التسارع والقيادة فوق الـ 90 ك بدون داعي
دة اللى انا فاكرو حالياَ .. والاستهلاك عندى عالى باردو وشوفت كل حاجة بما فيها التنـك .. فكيت التنك وبصيت على الخراطيم
وعملت كل حاجة وتبقى شيئ واحد وهو الاخ الكربراتير واتأكد انة منة .
........* - يا جماعة حد عندة مفتاح انتظار مش محتاجة اشترية منة ؟؟ لان المفتاح عندى باظ والكهربائى مش فاهم حاجة ف القصة دى ............
على فكرة اليوم كسبنا اخ فعال مثل العضو ريجاتا
بارك الله فيك وفى امثالك
عقبال ماتكمل فى حل للطابلوة
اخى العزيز nicegypt
عليك وعلى الوكالة خذك تجواله هناك وانشاء الله تجد اللى ناقص سيارتك
ولو محتاج انجول معك معنديش مانع لانى مختاج اتعرف على اشخاص مثلك واشخاص من رابطتنا الكريمة اناس محترمين وقليل مانجد امثالك 0
انا محتاج اشتري مفتاح انتظار يكون زيادة وميكونش حد محتاجة ... هل عند حضرتك واحد زيادة؟ وسبب التغيير كان اية ؟
بالنسبة لمفتاح الزجاج لو مش عايز تفتح ف الفبرة ممكن نتقابل وننزل على الوكالة نجيب كل حاجتنا وتستفيد من نسبة الخصم
لاننا هنجيب حاجتنا مع بعض بدل متكون واحدة ورا التانية
الله يكرم حضرتك .. دة شرف ليا ووسام علي صدري ان اتـشرف بمقابلة حضرتك واسعد جداَ طبعا بوجودك ..
ان شاء الله يتم تنسيق يوم يناسبنا كلنا واشوف الاستاذ " ريجاتا " لو عندة المفتاح مش محتاجة اقابلة واشترية منة ..
فى انتظار ردك استاذ " ريجاتا " واحنا سعيدين بوجود حضرتك ونوحد جهودنا للافادة كل مالكى الريجاتا .
لما بحتاج انى اشغل انتظار ضروري .. بعمل حركة غريبة شوية .. هقولها للافادة الغير فى حالة عطل مفتاح الانتظار
اولا . لازم العربية يكون فيها جهاز انذار .. اللى بعملة انى بخلي جهاز الانذار صامت من الريموت
بعد كدة بهز الحساس بحيث انة يشغل اضواء العربية ويطفيها كتحذير يعنى بأن حد قرب من العربية وطبعا بدون
صوت .. وبالتالى انتظار بيشتغل من جهاز الانذار نفسة بعيد عن مفتاح الانذار وبدون صوت لحد متطفية من الريموت
-* فى انتظار ردك استاذ " ريجاتا " بخصوص المفتاح .. ولو تقولي تكلفتة على الخاص او نتكلم على الهاتف
والله فرصه جيدة للتجوال مع بعض
يبقى ضربنا عصافير بحجر واحد
1- التعرف على اشخاص جيدين امثالكم مع توطيد اواصر الصداقة بيننا
2- تزداد الخبرة بيننا فى مجال سياراتنا الريجاتا
3- تزداد الخبرة بيننا فى مجال العمل ايضا من خلال خبرات العمل التى قد تكون متوافقة مع بعضنا البعض
بالنسبه لى
انا محاسب ومصمم برامج لشركات صغيرة الحجم
لو احد محتاج اى معلومات او اى خدمه فى مجال تعليم اكسيس بروجرامر او فيجوال بيسك بروجرامر انا موجود
موبايلى 0110311370 - 0127680484
بعت لحضرتك رسالة خاصة وفى انتظار الرد .. وياريت لو تقولى سـعر القطمة اللى حضرتك جبتها بكام ؟
لان القطمة عندى مكسرة ومحتاجة تتغير . فلو امكن تقولي جبتها بكام ؟ ومن الوكالة ولا منين
العربية عندى محتاجة تابلوة وقطمة دريكسيون " الفبر اللى حاولين الدريكسيون " .
جميع ما ذكرت حضرتك من نقاط مظبوطة .. واتمنى بمقابلة حضراتكم ويشرفنى ذلك .
وأكثر سعادة كون حضرتك زميل مهنة وممكن يحصل تعاون عمل كمان . دائما اسعد بوجود " زميل عمل " لتقارب طريقة التفكير دائماَ .
رقم جوالى 0124588568 .." حسين" مبرمج ويب وصاحب شركة مرخصة صغيرة على قدي .. تعمل فى مجال البرمجيات وتصميم المواقع واستضافتها واصلاح
قواعد البيانات المختلفة .. وتشفير الملفات .. الخ . تم اضافة رقم حضرتك وفى انتظار اضافة رقم استاذ " ريجاتا " ايضاَ .
حدثت مشاركتى بالاعلى للاضافة رد للعلم فقط .
بسم الله ماشاء الله القلوب متولفه على مجال الكمبيوتر والبرمجيات
طالما الجميع متوافقين على المقابلة للتعارف ممكن نحدد الزمان والمكان بشرط عدم تعطيل اعمالكم الاساسية وايضا من الممكن ان يكون المكان بعيدا عن زحمه القاهرة الكبرى
انا من امبابه وعطلتى الجمعه والسبت
انا قريب من حضرتك جداَ .. ممكن نتقابل فى المكتب عندى امام مترو جامعة القاهرة ونطلع بعربية واحدة بس
يعنى حضرتك تترك سيارتك وتاخد ميكروباص او تاكسى ايهما افضل لك عشر دقايق تكون عندى امام باب مترو جامعة القاهرة
اريح من السواقة الا لو هتجيب حاجات كتير من الوكالة محتاجة عربية .. بالنسبة للوقت تحديداَ هيكون قبلها تليفون اكيد . واسعد بمقابلة حضرتك وبباقى الاخوة .
اللللللللللللللللللللل
ده انتو هتعملوها وتسيبوني لوحدي ؟
ماشي يا ريجاتاوية
انا للاسف مش هعرف اجي لانه هيبقى مشوار بالنسبة ليا
بس انتو كلكو كمبيوتر وبرمجة انا الوحيد اللي في سلك التدريس .
انا يا اما اغير المهنة يا اما اغير العربية .هههههههههههههه