الموضوع: رابطه محبي ومالكي الريجاتا

يا استاذ عمرو ... مرحباَ بعودتك مرة اخري
بجد سعيد جداَ لرؤيتك مرة اخري علماَ انى سألت وتتبعت مشاركاتك لمعرفة سبب ايقافك
ووجدتة قسم الشارع المصري " على حسب ذاكرتي " بخصوص موضوع خاص بدكتور البرادعي

يا عمرو باشا سيبك نهائى من الكتابة ف السياسية لانك هتوجة اسلحة مختلفة نحوك بمجرد حديثك :)

عندى فكرة جديدة بالاضافة للاسئلة واستفسارات الريجاتا .
الفكرة بشكل مختصر كل واحد يقول عطل واجهة وازاي حلة . وهبدأ بنفسى

سافرت اسكندرية وكل شيئ تمام .. بعد ما ركنت فكرت انزل اشتري حاجات لان المعدة بدءت تصوصو
دورت العربية .. العربية مش عايزة تمسك سلانسية
وبعدين ؟
عليت السخان شوية وعليت مسمار السلانسية
مسكت سلانسية

امشى بالعربية تشحط .. كأن مفهاش بنزين
ابص ع الامبير فية بنزين . والعربية صوتها مخنوق لكن تدوس على اخر الدوسة تسمع صوت الموتور عادي ولكن
كأنة مخنوق الى ان توقفت العربية بشكل نهائى .. ابص ف فلتر البزين الاقى بنزين !! وبعدين ؟

اللى حصل كالاتى : " تحليل المشكلة "
البنزين خلص من العربية ..
عداد البنزين قاري ان فية بنزين .. لان العوامة اتخرمت او فيها منفس ودخل فيها بنزين فخلي العوامة تتقل وتدي
اشارة للعداد ان فيها بنزين والحقيقة غير ذلك
لما البنزين خلص .. الطرمبة سحبت ترسبات ف التنك ادي لسد فلتر البنزين " عشان كدة استغربت لما لقيت الفلتر مليان "
الكربراتير وصلة بعد الترسبات اللى وصلت للابرة ودخلت تحتها ووقفت وكل سنة وانا طيب :)

اللى عملتة الاتى :
مشيت ف حدود 5 كيلو عشان اجيب 4 لتر بنزين ف عز الشمس ومشوار رخم .
بعد ما جبت البنزين العربية لسة مخنوقة وبتطبل وكأنك لم تضع بنزين !
فكيت العوامة بشكل كامل وغيرت الاربة البلاستيك وركبتها ووصلت اسلاكها
فكيت فلتر البنزين ونفخت فية لقيتة مســـدود . ومكنش معايا غيرو وقتها .. نضفت الفلتر كويس جداَ واتأكدت من ازالة
اي ترسبات ثم ركبتة " بالعكس " عكس السهم .. ولا ضرر ف ذلك حسب تجربتى " بالنسبة للفلتر البلاستك الروسي
ولا اتحمل مسؤلية اي تجربة للاي فلتر اخر

دورت العربية دارت وزي الفل . مشيت مشوار بيها كويس .. وانا راجع لقيت صوت الموتور مخنوق
فكيت الكربراتير واتأكدت ان فعلا وصل لة اشياء بسيطة جداَ .. نضفتة كويس جداَ ونضفت البيكات واتأكد ان كلها تمام
ثم اخر حاجة عكست مكان اسلاك البوجيهات .. وذلك لعمل مدفع امبلاية عشان انضف الكربراتير

والنتيجة بحمد الله رجعت القاهرة وانا ماشى على 130 ك مرتاح
علما انها مش اول سفرية لكن المرة دي الجديد العوامة البلاستيك وامبير البنزين اللى وضح ان العربية فيها بنزين

سبب المشكلة بشكل مختصر :
ثقب بسيط ناتج عن عيب تصنيع ف القربة البلاستيك بالعوامة ادي للاستخدامي السيارة الى ان انتهى البنزين

حدوث المشكلة :
حينما انتهى البنزين من السيارة ادي لسحب ترسبات قامت بسد فلتر البنزين والكربراتير

حل المشكلة بشكل مختصر :
وضع بنزين ف السيارة + تغيير فلتر البنزين + تنظيف الكربراتير والبكات بأي شكل كان

............... مكرر

المشاركة الأصلية كتبت بواسطة nicegypt

يا استاذ عمرو ... مرحباَ بعودتك مرة اخري
بجد سعيد جداَ لرؤيتك مرة اخري علماَ انى سألت وتتبعت مشاركاتك لمعرفة سبب ايقافك
ووجدتة قسم الشارع المصري " على حسب ذاكرتي " بخصوص موضوع خاص بدكتور البرادعي

يا عمرو باشا سيبك نهائى من الكتابة ف السياسية لانك هتوجة اسلحة مختلفة نحوك بمجرد حديثك :)

شكرا اخى العزيز حسين على اهتمامك بى
المشكلة مش فى السياسة المشكله انى انا وانت ممكن نختلف بس باسلوب حضارى محترم بدون استفزاز
لكنى وجدت نفسى امام اشخاص بسيطة جدا تستفزك وتخرجك عن شعورك ولما تاكدت من نواياهم فضلت عدم الرد عليهم
ورغم ذلك وجدت اشخاص لا يتخيروا عنك يتقبلون بالراى الاخر بدون عصبية واحترمهم ويحترمونى جيدا
المهم انا احيك برأيك بخصوص ان كل واحد يكتب مشاكله مع الريجاتا وكيفية حلها وسوف ابدا باول مشكله فى مداخلة اخرى

العطل الاول
وانا ذاهب لمدينه الشيخ زايد واجهتنى مشكله ان العربية سخنت جامد ركنت لغايه مابردت ثم دورت السيارة وزودت مياه لكنها عادت السخونة مرة اخرى بالاضافه الى ان المروحة مش شغالة مما ادى الى تركها هناك لانه من المستحيل ارجع بها الى امبابه
لانى مش عارف السبب
السبب
الترمستات كان مملح مما ادى الى عدم تشغيل المروحه
طريقة معالجة هذا العيب فى وقته
عمل قفلة للسلوك اللىواصله الى الترمستات لو المروحه سليمه سوف تعمل مباشر لحين تغيير الترمستات
وللاسف ان مكنتش اعرف تلك الطريقة فى وقتها
ثمن الترمستات 15 جنيه غيرته بنفسى من خلال فك الترمستات القديم بمفتاح البوتجاز وركبت الجديد وزودت مياه وكله مشى تمام
الى لقاء اخر مع عطل اخر
اتمنى من الاعضاء الكرام ان لا يبخلوا بمعرفتهم من خلال اعطالهم وكيفية اصلاحها

المشاركة الأصلية كتبت بواسطة drasad

ممكن حد يقولى اى نوع من التابلوه ينفع للعربيه ريجاتا 85 ويكلف كام وهل هو كامل

تابلوة نوبيرا وان .. السعر ف حدود 500 ج بس دة سعرة القديم
تابلوة اوبل كورسا مع عمل تعديلات طبعاَ
تابلوة الريمتو على حسب ذاكرتي