رابطه محبي ومالكي الريجاتا

**amro1965** · 26-08-2011 09:30 PM

المشاركة الأصلية كتبت بواسطة amgadfox

ازيكم يا ريجاتاوية انا اخوكم امجد واول مرة اشترك معاكوا فى الرابطة هنا وفرحت لما لقيتها جدا
انا معايا ريجاتا 88 من حوالي سنة والعربية مش مقصرة معايا فى حاجه ( بالعكس انا اللى مقصر معاها )
انا شايف ان فى كتير اوى هنا خبراء فى الريجاتا وبجد محتاجين نستفيد من خبراتكوا مع العربية دي
انا عايز اسئلكوا على حاجه بقى فى الريجاتا عندي :
اولا : كل فترة العربية بتبطل فى السلانسيه
ثانيا : لما بدوس على العربية فى الجري بشم ريحة عادم وحشة جدا
ثالثا : مع اول دوارة فى اليوم فى دخنة بيضا بتطلع من الشكمان دفعة واحدة وبتختفى بعد كده
انا عارف ان ده كلوا ممكن يبقي عيب كربراتير بس ممكن حد يفيدني بقى اعمل فى ايه ؟؟؟ وكمان عايز اعرف ازاى ازود سحب العربية وعزم الموتور
وشكرا لكل الناس الجميلة اللى هنا اللى بتحاول تساعد بعضها

اهلا بيك يامجد فى الرابطة على فكرة الريجاتا بسم الله ماشاء الله عربيه محترمة جدا اولا واضح جدا انك بقالك فترة كبيرة معملتش لها صيانه خلى الميكانيتكى يضبط لك الكهربه علشان السلانسيه وبالمره غير البيوجيهات ونظف الفلتر او غيرة لو كان مكتوم نظف الكربراتير بالمرة وغير البوجيهات لو بقالها فترة كبيرة كل ده لو عملته هيفوق عربيتك سؤال ممكن اعرف اشترتها بكام وكانت حالتها ايه بالاضافه للى الاشياء اللى عملتها فيها بعد الشراء

**amgadfox** · 27-08-2011 04:16 AM

المشاركة الأصلية كتبت بواسطة amro1965

اهلا بيك يامجد فى الرابطة على فكرة الريجاتا بسم الله ماشاء الله عربيه محترمة جدا اولا واضح جدا انك بقالك فترة كبيرة معملتش لها صيانه خلى الميكانيتكى يضبط لك الكهربه علشان السلانسيه وبالمره غير البيوجيهات ونظف الفلتر او غيرة لو كان مكتوم نظف الكربراتير بالمرة وغير البوجيهات لو بقالها فترة كبيرة كل ده لو عملته هيفوق عربيتك سؤال ممكن اعرف اشترتها بكام وكانت حالتها ايه بالاضافه للى الاشياء اللى عملتها فيها بعد الشراء

اهلا بيك يا استاذ عمرو هو انا كان بقالى فترة معملتش فيها حاجه بس انا عملت فيها حاجات كتير الفترة الاخيرة دى غيرت فلتر وبوجيهات ومساعدين ورا وكاوتش جديد وشوية شغل حلوين ونضفت الكربراتير اكتر من مرة
وانا كنت اشتيريتها ب 23 من سنة كدا وحالتها كويسة بسم الله ماشاء الله بس انا مواعيد شغلى اللى بتخلينى اعمل فيها حاجه كل فترة بس مش اهمال يعنى

**nicegypt** · 27-08-2011 10:14 AM

استاذ عمرو قام بالواجب ورد على توبيك لم اراة فعلاَ ...
يبدو ان التوبيك كان مكتوب ف احد الصفحات القديمة لاننى لم ارة
جزاك الله كل خير يا استاذ عمرو .. وطبعا 100 %

على فكرة اي عربية محتاجة صيانة دورية ومتابعة . عشان دايما تبقى زي الفل وتلاقيها لما تحتاجها

**ahwanoso** · 29-08-2011 06:56 PM

ايه افضل كربراتير يركب على الريجاتا 1500 cc غير الكربراتير بتاعها

**amro1965** · 29-08-2011 10:26 PM

المهندس حسين له باع طويل هو اللى يقدر يوجهك صح
انتظر رده

**nicegypt** · 31-08-2011 07:16 AM

المشاركة الأصلية كتبت بواسطة ahwanoso

ايه افضل كربراتير يركب على الريجاتا 1500 cc غير الكربراتير بتاعها

الافضل نفس الكربراتير بتاعها فية منة جديد مربع " وليس مدور "
المربع تمنة جديد زيرو 1400 ج ولم اجربة
المستعمل او الاستيراد ف حدود 350 ج
افضل كربراتير على حسب تجربة احد الاصدقاء " كاربراتير الشاهين "
مع تعديل المانفول .. علماَ انى مجربتش الموضوع دة لكن سمعت انة ممتاز
ومجرب من احد الاعضاء هنا .

او
وايبر 5833 مربع .. وهو الاصلي للريجاتا
الرقم دة رقم الموديل وممكن يحصل تغيير بسيط ف اول رقمين . لذا هات واحد استيراد مربع

هناك كربراتير صيني ماركة وايبر لونة ذهبي تمنة 700 ج عبارة عن لعنة بمعنى الكلمة
اوعى تفكر فية ابداَ لانى مجربة ورجعتة تاني يوم بسبب مشاكلة اللى سببها لي .

**amro1965** · 31-08-2011 02:05 PM

المشاركة الأصلية كتبت بواسطة nicegypt

الافضل نفس الكربراتير بتاعها فية منة جديد مربع " وليس مدور "
المربع تمنة جديد زيرو 1400 ج ولم اجربة
المستعمل او الاستيراد ف حدود 350 ج
افضل كربراتير على حسب تجربة احد الاصدقاء " كاربراتير الشاهين "
مع تعديل المانفول .. علماَ انى مجربتش الموضوع دة لكن سمعت انة ممتاز
ومجرب من احد الاعضاء هنا .

او
وايبر 5833 مربع .. وهو الاصلي للريجاتا
الرقم دة رقم الموديل وممكن يحصل تغيير بسيط ف اول رقمين . لذا هات واحد استيراد مربع

هناك كربراتير صيني ماركة وايبر لونة ذهبي تمنة 700 ج عبارة عن لعنة بمعنى الكلمة
اوعى تفكر فية ابداَ لانى مجربة ورجعتة تاني يوم بسبب مشاكلة اللى سببها لي .

شكرا اخى حسين على ردك على صديقنا الجديد
ثانيا كل سنه وانت طيب بمناسبه عيد الفطر المبارك
ثالثا انا اسف انى فكرت بمعاناتك مع الكربراتير اللعين اللى اشتريهم واعلم جيدا كم الضغوط العصبيه التى كنت فيها
رابعا اعذرنى بسبب عدم تكملة مشروع برنامجنا لانى اضغط فى الايام الحاليه
بالتوفيق فى الايام القادمة

**ahwanoso** · 31-08-2011 11:03 PM

اولا كل عام وحضراتكم بخير
شكرا جزيلا على الرد السريع والاجابات المتكاملة
احب اهنيك على براعتك وشغلك الجميل فى العربية الريجاتا الكحلى
انا متابع لكل ماتكتبه وبيعجنى جدا رايك وشغلك
بس انا مبحبش اكتب كتير
انا قرأءت موضوعات الرابطة كل 88 صفحة مرتين ويمكن ثلاته
كمان ممكن استفسارين
1- هل ممكن نركب موتور لانشيا 1600 بالفتيس بدل الموتور بتاع الريجاتا 1500
2- هل ينفع اركب بك سلانسيه كهرباء فى الكربراتير " بتاع عربيتى المربع اللى حضرتك وصفته" ومكان التركيب فين
اسف على الاطالة

**nicegypt** · 01-09-2011 12:09 AM

المشاركة الأصلية كتبت بواسطة amro1965

شكرا اخى حسين على ردك على صديقنا الجديد
ثانيا كل سنه وانت طيب بمناسبه عيد الفطر المبارك
ثالثا انا اسف انى فكرت بمعاناتك مع الكربراتير اللعين اللى اشتريهم واعلم جيدا كم الضغوط العصبيه التى كنت فيها
رابعا اعذرنى بسبب عدم تكملة مشروع برنامجنا لانى اضغط فى الايام الحاليه
بالتوفيق فى الايام القادمة

يا هلا بأستاذ عمرو .. الاخ العزيز
لا والله عادي المهم اننا اتعلمنا واستفادنا من كل تجربة
بالنسبة للمشروع كنت متوقع وقلت لك بلاش هههههههههه لكن عموما الموضوع غير ضروري
واحنا مش مرتبطين بمعاد معين مع مدير الرابطة ههههههه خذ وقتك كيفما تشاء .. فعلمك وبيتك واولادك
اولاَ قبل اي شيئ وقبل المنتدى نفسة .

**nicegypt** · 01-09-2011 12:24 AM

المشاركة الأصلية كتبت بواسطة ahwanoso

اولا كل عام وحضراتكم بخير
شكرا جزيلا على الرد السريع والاجابات المتكاملة
احب اهنيك على براعتك وشغلك الجميل فى العربية الريجاتا الكحلى
انا متابع لكل ماتكتبه وبيعجنى جدا رايك وشغلك
بس انا مبحبش اكتب كتير
انا قرأءت موضوعات الرابطة كل 88 صفحة مرتين ويمكن ثلاته
كمان ممكن استفسارين
1- هل ممكن نركب موتور لانشيا 1600 بالفتيس بدل الموتور بتاع الريجاتا 1500
2- هل ينفع اركب بك سلانسيه كهرباء فى الكربراتير " بتاع عربيتى المربع اللى حضرتك وصفته" ومكان التركيب فين
اسف على الاطالة

وانت بخير .. الله يكرم حضرتك .. وسعيد ان الشغل عحبك الحمد لله
محدش مهتم بالريجاتا ومحدش متخيل انة ممكن يصنع شيئ جيد منها
بالنسبة للاستفسار الاول :
الاجابة : بسم الله الرحمن الرحيم .. الاختيار الاول نعم :)
مركب عندى حالياَ موتور لانشيا 1600 وبدون اي تعديلات ف القواعد .. يعنى يركب بدون اي مشكلة

الاستفسار الثانى :
الكربراتير الصيني بينزل بـ بك كهرباء .. ودي كانت مشكلتة .. بالنسبة للكربراتير المربع لا يمكن تعديلة
وعمل بك كهرباء لان ميكانيزم الكربراتير والقطع بتاعتة من جوة متنفعش خالص
انا فكيت الكربراتير اكتر من مرة وحافظ اجزاءة الداخلية قطعة قطعة .. اي كلامى بناءاَ على تجربة
للاسف مينفعش خالص .. وعلى فكرة .. البك الكهرباء لا انصحك بة .. مشكلتة او عيبة الوحيد انة لو علق
هيعلي السلانسية ولو فكتة من مكانة لحل المشكلة مش هتلاقى سلانسية اصلا .
انسى موضوع البك دة خالص .. لو التكييف عندك شغال وعايز تعلي السلانسية علشانة
ممكن بكل سهولة تشد واير السخان .. وتعلي المكنة ثنة صغيرة .. مش هتحتاج للبك لانك كدة عملت
بك بنفسك .

* وظيفة بك الكهرباء تتلخص في انة بيعلي المكنة شوية عشان التكييف على السلانسية
بشكل ذاتى .. اول متشغل التكييف يقوم البك يفتح للضغط على قطعة معدنية اخري لرفع السلانسية

* شكل البك ف كربراتير الريجاتا الصيني ومكانة :

الموضوع: رابطه محبي ومالكي الريجاتا

LinkBack

أدوات الموضوع

عرض

-

-

-

-

-

-

-

المواضيع المتشابهه

مقابلة محبي ومالكي الداستر

رابطه محبي سكودا اوكتافيا a5 على الفيس بوك

نادي محبي ومالكي 127.........

إلى الأستاذ سبعاوي وكل مستخدمي الريجاتا -"ترويش الريجاتا"

الكلمات الدلالية لهذا الموضوع

المفضلات

المفضلات

ضوابط المشاركة