الموضوع: رابطه محبي ومالكي الريجاتا

المشاركة الأصلية كتبت بواسطة nicegypt

اهلا بحضرتك ونسعد بوجودك طبعاّ .
بالنسبة للتابلوة فلو الضرر بسيط ممكن يتصلح عند بتاع فايبر ممكن تصور التابلوة افضل وترفع
الصورة هنا وهنقولك هتعمل اية بالظبط . وممكن تغيرة وتركب تابلوة سيينا بس تكلفتة 1200 تقريباّ
هتلاقى احد الاعضاء هنا مصورة لكن اعمل حسابك انك هتغير كل حاجة بما فيها الكونتاك لذلك انا
لا احبذ شخصياّ تغيير التابلوة وهيكون مكلف عليك

بالنسبة لعلبة الدركسيون ممكن تشتري تركي جديد : 290 ج شغالة معايا بقالها سنة زي الفل الحمد لله

الضفيرة وعمة الهوا : نزل عزبة شلبي دور عليهم وقولنا الاسعار لانى معنديش خلفية عن سعرهم
علما ان عزبة شلبي اقل ف السعر كتير عن الوكالة وافضل

اخواننا الاعزاء فى الرابطة انا كنت عند محمد يوسف تاجر قطع الغيار من اسبوع تقريبا وسالته عن علبة الدركسيون وكان رده ان التركى ب 380 والالمانى ب 600
ولا انصح بشراء علبة دركسيون استيراد لانها حاتبقى محتاجة حشو ومش حاتبقى جيدة وانصح ايضا بعدم الشراء من محمد يوسف لتجربة شخصية لى ولزملاء اخرين وعليكم بالسؤال عن محل قطع غيار امين وافادتنا به نظرا لان معظم المستوردين يقومون بجلب قطع غيار مخالفة لمواصفات الجودة

الرجالة الريجاتاوية
عايز اعمل الشكل ده على عربيتي ريجاتا 85 لونها الاساسي بترولي
الموضوع ده يكلفنى كام تقريبا وايه رأيكوا
على فكرة الشغل ده معمول على برنامج تعديل السيارات
Car Tuning studio
الصور اللي موجودة تحت قبل وبعد التعديل

يا اهل وعشيرة الريجاتا عايز اكمل التابلوة بتاعي عايز درج وهوايات الي هي فوق التسجيل اجيبهم منين وبكام واوكر البيبان بتاعت النوفا بكام ومنين

السلام عليكم الأخوة الريجاتاوية
أتمنى من الله العلى القدير أن تكونوا بخير وبصحة وعافية/// وأن يحفظ الله مصر من كل شر
أرجو من أصحاب الخبرة الفضلاء وهم كثيرون أمثال : م / حسين و الأستاذ amro1965
توضيح مبسط لعمليات الصيانة الدورية التى يجب عملها كل فترة للمحافظة على السيارة بشكل عام ( موتور - عفشة ....... )
الهدف من هذا الأمر : تفعيل الرابطة العزيزة على قلبى بأصحابها المحترمين جدا == والنفع العام للجميع