طرمبة مية = 120 ج الايطالى .. تركب على 128 والريتمو ريجاتا وال 132 نفس القطعة .. بلاش التركي نهائى لان البلية والسوستة بتوعها بضربو بسرعة .. بتيجي بالجوان بتاعها
سير كاتينة ماركة داينو "ايطالى " ابو علبة حمرا = 55 ج .. سير ديتمو بـ = 15 انجلترا ماركة عجيبة ملقتش غيرها
وبالتالى احتفظت بواحد ف الشنطة لاي ظروف
جوانات مانفول : 20 ج .. جوان شكمان 5 ج .. ابلتين وكوندنسر فرنساوي = 25 ج .. دة اللى فاكرو حاليا هكتب الباقي لما افتكر علماّ انى غيرت كل القطع دي بنفسي وطلع عينى بصراحة لان فية حاجات بتحتاج مساعدة سخض معاك وانا لوحدي .
البداية وانا ع الصحراوي اتقطع مني سير الدينمو !! اول ملاحظت لمبة البطارية بترعش وبعدها نورت على طول عرفت ان السير قطع دي العلامة .. ولازم تركن عشان العربية متسخنش منك لان طرمبة المية على نفس السير وبالتالى مفيش مية بتتقلب .. يبقى لو استمرت على الوضع دة المكنة هتسخن منك لقدر الله والبطارية هتفضي شحن وهتعطل بيك ف نص الطريق .. ركنت وطلعت مفتاح 13 ومفتاح 14 وسير دينمو من الشنطة والتركيب اخد 10 دقائق فقط .
بعد التركيب دورت العربية وبصيت على سير الدينمو لقيت الطمبورة بتاعة طرمبة المية فيها بوش خفيف جدا يعنى الطمبورة فيها بتتهز لجوة وبرة ! دة سبب قطع السير طبعا لانة بيتمط .. طيب طرمبة المية شغالة زي الفل ومفيش تسريب مية .. عندي اختيارين .. يأما انتظر لما تجيب مية وبتوظ خالص .. يأما اغير ..
اخترت التغيير مباشرة بدون جدال . رغم انها شغالة .. وكبيري قوي هنزل اغير سير كل كام مشوار
فكيت الطرمبة وركبت الجديدة وطبعا لازم يكون معاك سيلكون . بصيت ع القديمة لقيت السوستة بتاعتها والبلية خشنت شوية
طيب بالمرة بقى اغير سير الكاتينة .. وهنا المعاناة .. السير عمل 18 الف لسة كتير علية بس انا قلقان وموسوس جداّ
فكيت ونسيت انى راكن على مطلع .. " قدام البيت عندي " وجبت الرابع هزق ازاي انا دلوقتي .. ينهار زق :d
جبت الكوريك ورفعت العربية من العجلة اليمين .. وجبت الرابع وحركت العجلة بأيدي .. والايد التانية فكيت البوجية وحطيت مفك عادة طويل عشان احس بالبستم واوصل لاعلي نقطة لة .. قعدت شوية اظبط لان الغلطة هنا ب فورة
فية علامة على الكاتينة نفسها وعلامة ف الصاج اللى حوالين الكاتينة لازم الاتنين يبقوا قصاد بعض وبأي قلم فلومستر
تعلم ع السير القديم من فوق .. بعد كدة ابدء فك بمفتاح 14 .. طلعت السير لقيتة زيرو انصدمت :d يعنى عامل الفيلم دة
والسير لسة فية كتيير .. واللى قبلة كذلك شلتة على 15 الف لانى بقلق من حوار الصبابات .. ادفع 80 ج تغيير سيور
ولا ادفع صبابات وجوانات وهلم جرا .. غداّ التكملة بأذن الله عشان البوست بقى طويل .
الله ينور عليك بس ابلاتين وكوندنسر ب25 ج الابلاتين بغيره ب70 ج بس اللى على صنية مش عارف حضرتك بتتكلم عن اى نوع
اولاً: الف مليون سلامة علي حضرتك وشفاك الله وعافاك .
ثانياً : اعضاء الرابطة انا منهم فخورين بوجود شخص مثل حضرتك في الرابطة .
ثالثاً : لايوجد بين الاخيار اعتذار
رابعاً : احتسبك عند الله من الاشخاص اللذين قال عنهم الرسول الكريم صلي الله عليه وسلم (ان لله عباداً اختصهم بقضاء حوائج الناس حببهم في الخير وحبب الخير فيهم اولئك الآمنون من عذاب الله يوم القيامة ) جعله الله في ميزان حسناتك ان شاء الله
اما بالنسبة للعوامة اللي في العربية بتاعتي هي قلاووظ وليست بمسمار مثل العادية ومش هتركب عليها ام مسمار لان التانك عندي فيبر وليس صاج
تحت امر حضرتك .. بالنسبة للعوامة فك اللى عندك عن طريق الغطا الاسود او الاطار الاسود هتلاقي تحتة
مسمارين واحيانا بيكون مفيش مسامير هتلاقي العوامة طلعت معاك .. هتجيب عوامة ريجاتا بـ 80 ج التركي
الايطالى بـ 150 ج .. خليك ف التركي انا مجربها لانى اكتشفت ان التركي هي نفس الايطالى من نفس المصنع الفرق بس ف حاجة واحدة هي البلونة بتاعة العوامة بتتخرم منك كل فترة وبتتغير بخمسة ج
لو مش ليك مزاج تغيرها يبقى هات الايطالى وريح دماغك . وطريقة التركيب سهلة جدا هتلاقيها ف المواضيع عندي .. انت عربيتك ريجاتا اية ؟ نوفا ولا عادية ؟ وموديل كام ؟
اولا : شكرا علي رد حضرتك بالنسبة للعربية بتاعتي هي ريجاتا عادة مش نوفا موديل 1984 اما بالنسبة للعوامة انا فكيتها بالفعل لاني من النوعية اللي بتحب تعمل كل حاجة بأيديها فلما فكيتها لقيتها عبارة عن عوامة صماء اي لا يوجد بها اية مسامير ولو حبيت اركب العوامة التركي او الايطالي مكان المسمار هيطلع بنزين خارج التنك ولا ايه رأي حضرتك انا هاحاول اصور العوامة وابعت صورتها لحضرتك الف شكر علي الاهتمام
السلام عليكم ورحمة الله وبركاته
ازي حضرتك يا باشمهندس حسين ابشر حضرتك وجميع اعضاء الرابطة الكرام اني لقيت حل لمشكلة العوامة وهي كالاتي
1 : اشتريت العوامة التركي ام اخرام مكان المسامير ب 50 جنيه .
2 : اشتريت جوان مدور سميك ب 10 جنيه .
3 : اشتريت عدد 6 مسمار بصمولة وربطت الجوان في العوامة مكان فتحات المسامير بتاعتها .
4 : كسرت المكبس اللي في العوامة لانه كانه بيخبط في التانك ويعلق الذراع .
5 : ركبت العوامة مكانها وقفلتها بالغطاء الدوار .
6 : وصلت الاسلاك بتاعتها .
العوامة ما اشتغلتش ولا نصف ملي .
رحت لكهربائي اندهش من التعديل اللي انا عملته علي العوامة وقالي ده اختراع لاصحاب الريجاتا انا فيه ناس كتير بتيجي علشان تصلح العوامة بقولهم ما تنفعش وشكرني علي الفكرة واتضح اني كنت موصل الاسلاك غلط عدلها في مكانها الصحيح والحمد لله اشتغلت بس كان منبهر لان العوامة اتضح انها بتاعة عربية 128 وخد 15 جنيه ولا الحوجة للصنايعية وافتكاساتهم اقرب حاجة عندهم ( ما ينفعش ) الحمد لله علي نعمة العقل
السلام عليكم
في عندي مشكلة في العربية تبقي ماشية كويس والسحب كويس بعد مسافة من السير بسرعة حوالي 100 كم او ازيد ادوس بنزين لا يوجد سحب في السيارة كل ما ازود في البنزين السيارة تهدي ولا تسحب ثم تبطل واركن علي جنب وادور تاني ممكن تمشي شويه وتعمل نفس المشكلة وعشان اتجنب المشكلة دي عملت في الكربراتير في سلك بتقفل باب الكربراتير بقوم قافله علي الاخر تقريبا هو الشفاط وبتمشي كويس بس صوت الموتور طبعا عالي شوية عاوز اعرب سبب المشكلة في الكربراتير ولا في الكهرباء
وعليكم السلام .. ما شاء الله عليك تسلم ايدك وافكارك
اللى انت عملتة عين العقل .. بس للعلم بالشيئ التانك دة مش بتاع ريجاتا
التنك بالعوامة مش بتاعة ريجاتا دول بتوع الاونو
المشاركة الأصلية كتبت بواسطة hoda3010
السلام عليكم ورحمة الله وبركاته
ازي حضرتك يا باشمهندس حسين ابشر حضرتك وجميع اعضاء الرابطة الكرام اني لقيت حل لمشكلة العوامة وهي كالاتي
1 : اشتريت العوامة التركي ام اخرام مكان المسامير ب 50 جنيه .
2 : اشتريت جوان مدور سميك ب 10 جنيه .
3 : اشتريت عدد 6 مسمار بصمولة وربطت الجوان في العوامة مكان فتحات المسامير بتاعتها .
4 : كسرت المكبس اللي في العوامة لانه كانه بيخبط في التانك ويعلق الذراع .
5 : ركبت العوامة مكانها وقفلتها بالغطاء الدوار .
6 : وصلت الاسلاك بتاعتها .
العوامة ما اشتغلتش ولا نصف ملي .
رحت لكهربائي اندهش من التعديل اللي انا عملته علي العوامة وقالي ده اختراع لاصحاب الريجاتا انا فيه ناس كتير بتيجي علشان تصلح العوامة بقولهم ما تنفعش وشكرني علي الفكرة واتضح اني كنت موصل الاسلاك غلط عدلها في مكانها الصحيح والحمد لله اشتغلت بس كان منبهر لان العوامة اتضح انها بتاعة عربية 128 وخد 15 جنيه ولا الحوجة للصنايعية وافتكاساتهم اقرب حاجة عندهم ( ما ينفعش ) الحمد لله علي نعمة العقل
اهم مواضيعى عن الريجاتا : بداخل عضويتى
عدنا بكل قوة للرابطة .. م / Hussein
مبرمج ومالك لشركة برمجيات وتصميم مواقع الانترنت
السلام عليكم
في عندي مشكلة في العربية تبقي ماشية كويس والسحب كويس بعد مسافة من السير بسرعة حوالي 100 كم او ازيد ادوس بنزين لا يوجد سحب في السيارة كل ما ازود في البنزين السيارة تهدي ولا تسحب ثم تبطل واركن علي جنب وادور تاني ممكن تمشي شويه وتعمل نفس المشكلة وعشان اتجنب المشكلة دي عملت في الكربراتير في سلك بتقفل باب الكربراتير بقوم قافله علي الاخر تقريبا هو الشفاط وبتمشي كويس بس صوت الموتور طبعا عالي شوية عاوز اعرب سبب المشكلة في الكربراتير ولا في الكهرباء
عشان نحدد العيب لازم تجاوب ع الاسئلة دي :
1 - الكربراتير عندك مخنوق ولا طبيعي ؟
2 - اخر مرة عملت لة صيانة امتى ؟ + نضافة ؟
3 - هل لعبت ف مسمار الهوا والبنزين ؟
4 - اخر مرة غيرت فيها بوجيهات واسلاك بوجيهات امتى ؟
5 - الموبينة بتسخن منك ؟ يعنى لما تيجي تدور وهي سخنة مترضاش تدور ؟
6 - الابلتين والكوندنسر غيرتهم امتى اخر مرة ؟
اهم مواضيعى عن الريجاتا : بداخل عضويتى
عدنا بكل قوة للرابطة .. م / Hussein
مبرمج ومالك لشركة برمجيات وتصميم مواقع الانترنت
السلام عليكم بخصوص مشكلة العربية الي ما بتسحبش مع السرعة
بالنسبة للأسئلة اولا الكربراتير انا شايل العمة خالص ومش عارف اذا كان مخنوق ولا لأ وانا بنضفه بنفسي بفك اربع بكات وانضفهم واركبهم تاني وبالنسبة للبوجيهات جديده والاسبراتير الكتروني بمشط والموبينه مبتسخنش
السلام عليكم بخصوص مشكلة العربية الي ما بتسحبش مع السرعة
بالنسبة للأسئلة اولا الكربراتير انا شايل العمة خالص ومش عارف اذا كان مخنوق ولا لأ وانا بنضفه بنفسي بفك اربع بكات وانضفهم واركبهم تاني وبالنسبة للبوجيهات جديده والاسبراتير الكتروني بمشط والموبينه مبتسخنش
المفضلات