برضه الجزء الحساس اللي موجود في زوري مش قادر ابلع المقال ده
اصل انا بعتمد على قبولي للاشياء بحاسة موجودة في منطقة الزور مش عارف ليه حاسس اني ببلع قنفد
دا لما حد في المنتدى بيشتم في عربية او يشكك فيها الناس بتاكله رغم ان الناس متفقة انها عربية بطيخة
بكره لما عادل امام يمثل دور بجلبية بيضه ودقن ويقعد يطلع كل اللي قذر بداخل نفس بشرية
بكره لما كاتب مقال يطلع كل مساوئ موجودة في حد ويلفقها في الدين
انا اكره لما ييجي واحد يعمم على المصريين شيء وكمان يقعد ينتقد
الاخلاق موجودة في كل حته
الناس اللي بتسب الدين ملقتش حد يقولها قطع لسانك
اللي بيرمي القاذورات في الاسانسير مش قادر يميز ان ده متعارض مع دينه
يعني الحل اني اقوله حاول تمشي الدين اللي انت متمسك بيه مع تصرفاتك
المصريين ايوه شعب متدين
ممكن يكون شعب معندوش ذوق
ممكن يكون متعلمش انه يتصرف على اساس تدينه.
ممكن متعودش ان حد من الحكومة يطلع يقول ان شاء الله حنعمل كده
ممكن يكون الرشوة اللي بياخدوها مش متخيلين انها تذكرة ذهاب لجهنم
بس لسه لما بيسمع الادان بيوطي الكاسيت حتى لو مبيصليش
لسه لما بروح لاي حد ميكانيكي بقوله اصل عايز اصلي وهو معندوش مصلية عشان مبيصليش بيسيب اللي في ايده ويقعد يدور على اي قماشه نضيفة او حتى كرتونة اصلي عليها
لسه لما بيسمعوا الناس بيسبوا الدين بيتاففوا حتى لو هما اللي بيشتمو بيه ساعات
لسه الكلمة اللي لسانهم لما يشوفوا حاجه زفت (حرام عليك)
لسه ممكن ينضحك عليهم بسبب (قلة مدعي التدين) بس ده دليل انهم لسه بيثقوا فيه مش زي بره اللي بيتريأوا على ربنا (استغفر الله العظيم)
وبعدين مين اللي قال ان الناس بتصلي التراويح وتطلع تستهبل, انا ساعات بتضيع عليا صلاة تراويح او للأسف ساعات ممكن اكسل
مين اللي بعدي عليهم ساعة التراويح وهما قاعدين على القهاوي يلعبوا على فلوس
مين اللي ساعة صلاة الجمعة بيكونوا قاعدين بيشربوا شيشة
مين اللي بعالجهم من الادمان ليل ونهار اللي بيسرقوا وينهبوا ويقتلوا بسبب المخدرات
مين اللي بتاع القهوة لما بقعد عليها مع اصحابي بيقولي انا فيه ناس يا دكتور بتيجي بعد الفجر بتطلب شيشة وانا مبعرفش اعمل ايه (هو نفسه ممكن مبيصمش بس مستحرم ينزل شيشة لواحد مش صايم)
ليه في اي فيلم عربي المتدين بيطلع نصاب في الآخر مش عارف
ا