الى مالكي السيارات من الزيرو

**sherif Anton** · 30-10-2007 01:37 PM

اخواني الأعزاء ... فكرت في موضوع ممكن يفيد ناس كتير وهو ان كل واحد اشترى سيارة زيرو (اي نوع) يكتب ايه الاشياء اللي تلفت فيها وعند اي كيلومتر غيرها ... وانا هابدأ بنفسي ... انا اشتريت اونو موديل 2000 من الزيرو وبخلاف الأستهلاك العادي للكاوتش (كل 40 - 50 الف كم) والبطارية (كل سنتين او ثلاثة) غير فيها ما يلي :
* بلية الدينامو (تم التغيير عند 50 الف كم) السعر 60 جنيه شامل المصنعية.
* الأيدل اكتواتور (تم التغيير عند 65 الف كم) السعر 700 جنيه شامل المصنعية.
* كبالن (تم التغيير عند 80 الف كم) السعر 300 جنيه شامل المصنعية (اغلى كبالن هي صناعة المانيا 240 جنيه) فيه كبالن صيني ب 185 جنيه بلاش منها.
* قاعدة موتور شمال (تم التغيير عند 80 الف كم) السعر 60 جنيه شامل التركييب (مكانش فيه غير النوع التركي (سيء جدا) ب 35 جنيه الأيطالي احسن كتييييير).
* سير الكاتينه وبلية الشداد (تم التغيير عند 90 الف كم) السعر 185 جنيه شامل التركييب (على فكره سير الكاتينة الأصلي للأونو ممكن يعيش لحد 110 الف كم (كلام الكتالوج)).
تم بيع السيلرة عند 97 الف كم وحالة الموتور ممتازة جدددددددددددددا (لحد اخر يوم كان الشكمان بيجيب ميه كل يوم الصبح لما اجي ادور (ودي علامة من علامات ان الموتور حالته كويسه).

**abo3bdolrahman** · 30-10-2007 01:55 PM

فرنا موديل 2004 كورى 1600 سى سى جميع الكماليات أتوماتيك :
* تيل فرامل 350 غير شامل المصنعية بعد 30 ألف كم.
* جوز هورن بعد 10 آلاف كم و تم تغييره ب نوع مرسيدس ب 90 جنيه فى التوكيل.
* مساحات بعد 20 ألف كم و إتغيرت فى الضمان.
* طلمبة بنزين و إتغيرت على 25 ألف كم و ثمنها 450 جنيه و إتغيرت فى الضمان.
و تم بيع السيارة عند 40 ألف كم و كانت محتاجة يتغيرلها مساعدين خلفية باظت عند ال 30 ألف كم و رفضوا يغيروها فى الضمان.
و الحاجات دى كلها فى سنتين إثنين بس.

**pcegypt** · 30-10-2007 03:26 PM

إبيزا موديل 94 :

ريش الكلاكس اتبرت بعد حوالي 3 سنين
سير الكاتينه عند 40 الف كم - 65 جنيه
سير الدينامو عند 40 الف كم - 36 جنيه
تغيير طنابير أمامية وتيل عند 40 ألف كم وبصراحة مش فاكر بكام
تغيير مشط موبينة عند 50 الف كم - 180 جنيه
تغيير بلي عجل خلفي عند 78 الف كم - 150 جنيه
تغيير طقم الدبرياج عند 78 الف كم - 550 جنيه (ديسك وإسطوانة وبلية)
تغيير علبة الدركسيون عند 78 الف كم - 350 جنيه بدون البارات (الاصلية بالبارات سعرها 1000 جنيه)
تغيير موبينة كاملة عند 80 الف كم - 450 جنيه (صناعة إتحاد أوروبي - الأصلية الالماني ب 850 جنيه)

أعتقد إن دي معدلات إستهلاك مش بطالة لقطع الغيار بالإضافة إلى ان سعرها يعتبر نوعا ما جيد

**Migo123** · 30-10-2007 04:18 PM

فكره رائعــــــــــــــــــة

كيا ريو 2003

1- علبة دركسيون كامله عند 15000 كم في الضمان ...... أتغيرت بعد كذا خناقه في التوكيل وادعو انها مش موجوده لاكتر من شهر وفي الاخر ضحكت عليهم وبعت واحد يشتريها كاش طلعت موجوده في المخزن ...... رحت في نفس اليوم ركبتها
2- تيل وطنابير عند 30 الف و صممت ان الطنابير في الضمان وعملوها .....
3- سيور عند ال 60 الف (كاتينه ودينامو وتكييف)........ وتقريبا الصيانه دي عمل 1000 جم.
4- لمبه فوج عند 70........ ب 40جم من ش دمشق.
5-مقتاح مالتي فنكشن بتاع النور والمساحات عند 80 الف......... استيراد بتاع شوما ب 250 جنيه بالتركيب.
6 تيل تاني عند 70 الف ... جبته من بره ب 90 جنيه (المفروض انه كوري ومكتوب عليه كيا ) بس وحش.
6-كبالن عند 85 جبت الصيني من بره ب 200 جنيه والتركيب 100........... في التوكيل ب 550 غير الضريبه والتركيب.
7- البطاريه بعد 4 سنين........... وبعد ما البطاريات اسعارها ضربت في السما .... جبتها ب 450 جم وخد القديمه.

**abo3bdolrahman** · 30-10-2007 05:28 PM

المشاركة الأصلية كتبت بواسطة abo3bdolrahman

فرنا موديل 2004 كورى 1600 سى سى جميع الكماليات أتوماتيك :
* تيل فرامل 350 غير شامل المصنعية بعد 30 ألف كم.
* جوز هورن بعد 10 آلاف كم و تم تغييره ب نوع مرسيدس ب 90 جنيه فى التوكيل.
* مساحات بعد 20 ألف كم و إتغيرت فى الضمان.
* طلمبة بنزين و إتغيرت على 25 ألف كم و ثمنها 450 جنيه و إتغيرت فى الضمان.
و تم بيع السيارة عند 40 ألف كم و كانت محتاجة يتغيرلها مساعدين خلفية باظت عند ال 30 ألف كم و رفضوا يغيروها فى الضمان.
و الحاجات دى كلها فى سنتين إثنين بس.

نسيت أضيف الواجا 2006 أتوماتيك ستاندرد معلش

* مساعدين خلفية ستاندرد تم تغييرها بمساعدين خدمة شاقة بناء على توصية الوكيل مجانى و تمنها على ما أذكر 900 جنيه لم يتم دفهم لأن التغيير فى الضمان بعد 10 آلاف كم .
و لم يتم تغيير أى حاجة تانية حتى الآن و العربية عاملة 16 ألف كم دلوقت بعد سنة إلا أربع شهور كنت مسافر فيهم برة مصر.

**casperinoo** · 31-10-2007 12:04 AM

اتوس 2008 1100 سي سي فول ابشن
بعد 1400 كم غيرت البطاريه في الضمان((بيتهيألي نسيت لمبة الصالون 3 ايام منوره)
:? :?
وغيرها ببطاريه فارتا جافه والامبير بتاعها اعلي

**أبو_حمزة** · 31-10-2007 10:43 AM

الموضوع ده ممتاز و يدينا فكره عن العربيات الجديدة (الزيرو يعنى)
و نشوف هل الزيرو بيقعد 5 سنين من غير مشاكل غير الصيانة الدورية زى ما بيقولوا و للا ايه
انا شايف ان الكل ابتدا يحتاج صيانة من بدرى
يعنى احسن حاجة ما تكملش 3 سنين (على اعتبار متوسط 20 الف فى السنة) من غير ما تحتاج شغل
يلا يا جدعان ادونا تفاصيل عشان نشوف الكلام ده صح و اللا المستعمل النضيف احسن

**CryptonX** · 31-10-2007 11:06 AM

فيات باليو فاير 1300 - برازيلي
استلام شهر 6 - 2006 - كانت عاملة 70 كم

3500 كم تغيير ماستر دبرياج كامل ( عيب صناعة )مجانا في الضمان ( 800 جنيه سعره )

5000 كم صيانة اعتيادية مجانية ( فلتر بنزين و خلافه ) مجانا

10000 كم صيانة ال1000كم العادية ( تغيير زيت - فلتر زيت - فلتر بنزبن - تنضيف فلتر الهواء ) 400 جنيه

11000كم تغيير المساعدين الآماممين ( بسبب حفرة من حفر المحروسة ) مساعدين مايلي الماني ( الأصلي بتوع العربية ) 800
جنيه بالتركيب ( برة التوكيل .. عند التوكيل ب 1400 من غير ضرايب )

20000 كم صيانة ال20الف ( زيت - فلتر زيت - فلتر بنزين - كشف كامل على السيارة - بوجيهات ) 750 جنيه

22000 كم - تغيير طلمبة بنزين بسبب بنزين مغشوش + سوء استعمال.... في التوكيل ب 1250 جنيه شامل

25000كم - تغيير لمبة فانوس امامي .. OSRAM 100 برة التوكيل .. ب 50 جنيه شامل .

25000 كم - تغيير تيل فرامل امامي بنوع ايطالي سيء ( EUROGOLD) ب95 جنيه شامل .

27500 كم الأن . الحمد الله مافيش حاجة تانية و داخلين على صيانة ال30000 الف قريب انشاءالله .

صورة للسيارة ( حوالي عند ال2000 كم ) :
http://img171.imageshack.us/img171/3...2006187lv3.jpg

**Migo123** · 05-11-2007 04:36 PM

الموضوع نام ليه يا رجاله............. الفكره جميله ومفيده جدا .... رجاء المشاركه

-

الموضوع: الى مالكي السيارات من الزيرو

LinkBack

أدوات الموضوع

عرض

-

-

-

-

-

المواضيع المتشابهه

عالم تقسيط السيارات الزيرو

سؤال عن معارض بيع السيارات الزيرو

اسعار السيارات الزيرو بأهرام الجمعة هل هو حقيقي

السيارات الزيرو حتى 100 الف

لكل مالكي السيريون .. يبدو إن فيه مشكلة في كاوتش كل السيارات !

الكلمات الدلالية لهذا الموضوع

المفضلات

المفضلات

ضوابط المشاركة