نصر 128 موديل 2006 استلمتها 4/2006 وبعتها 6/2007 عاملة 24000كم
--اول يوم الكلاكس باظ
--اول اسبوع مسوجر باب السواق طلع فى ايدى
--تانى اسبوع المساحات باظت وركبت على بعض بطريقة غريبة
--لمبات الفوانيس الخلفية والستوب اتحرق معظمها فى اول شهور الاستعمال
--اللسانين الحديد اللى كانو ماسكين ضهر الكنبة الخلفية اتقطمو وبقى الضهر ماسك على الهوا
--بعد فترة فى حاجة باظت اسمها السربنتينة (مش عارف ايه السربنتينة دى بس هما قالولى كده )
--الردياتير اتخرم لوحده حوالى 3 مرات (فى كل مرة يتفك بالكامل يتلحم ويركب كان شكله مصدى ويقرف غالبا كان مستعمل او متصنع فى الدور اللى تحت بير السلم )
--ضهر كرسى السواق اتكسر عشان واحد ريح عليه برجله من وراوبقى الضهر واقع على ورا وسايب
--الشكمان اتغير بالكامل مع العلبة بسبب خبطة عبيطة فيه (ماصدق من الآخر)
--الكاسيت والسماعتين كانو بيهلوسو
--فردة كاوتش باظت كانت بيطلعلها حاجات زى الدمامل (يظهر كان عندها حساسية من الأسفلت )
كفاية كده عشان ماتتخضوش على الصناعة الوطنية ولنا لقاء آخر مع الياريس قريبا
دى كده محصلتش عربية كارو ....... "صنع فى مصر بأيد مصرية"
المفضلات