اولا كده احب اعرفكم انى حاجز عربيه نوبيرا مانيوال وهستلمها ان شاء الله قريب ..
بس المشكله انى كل يوم والتانى بسمع كده كلام يضايق عن العربيه .. اخرها واحد كاتب فى موضوع انا عامله ان فيه مشاكل فى فرامل اليد بتاعت العربيه .. والكلام ده انا سمعته قبل ما احجز العربيه ... ان يعنى فرامل اليد بتاعت العربيه مش قويه قوى ومش بتقدر تمسك العربيه .. بس الكلام ده الناس انقسمت حواليه .. فيه اللى ايده وفيه اللى قال انه غلط ...
كمان فيه ناس بتقول ان فيه مشاكل تانيه فى العربيه وخصوصا فى الدفعات الاخيره ..
انا عن نفسى قلت ان مافيش عربيه بتخلو من المشاكل ,, كل عربيه وليها مشاكلها .. كمان قلت مش شرط ان المشاكل دى تظهر فى العربيه اللى هاجيبها .. بمعنى انها ممكن تكون مشكله مش عامه ... بس دلوقت الواحد قلقان ومش عارف اعمل ايه ؟؟؟؟
ياترى الواحد غلط انه جاب النوبيرا ولا ايه ؟؟؟
ياريت تشتركوا معايا وتقولوا رأيكم .. اصلى بصراحه انا بحترم جدا الاراء بتاعت اعضاء هذا المنتدى الجميل ....
ملحوظه صغيره .. انا ماكنش ينفع ازود الفلوس علشان اجيب لانسر او اوبترا مثلا ... لكن ده بردو مش سبب انى جبت النوبيرا ... بصراحه انا حابب العربيه وبحترمها وبحترم اداءها وكفايه سمعتها فى السوق ... بقالها كام سنه بتجرى فى شوارع المحروسه ....
ملحوظه صغيره كمان .... هو صحيح سعر اعاده البيع بتاع العربيه وحش ؟؟؟
طبعا انا مش ناوى ابيع ان شاء الله ... بس واحد قاللى انها مش بتعدى ال 60 الف مهما كانت حالتها .. ان شالله الواحد يكون جايبها النهارده ويبعها بكره .... فهل الكلام ده صحيح ؟؟؟
وياريت لو فيه حد عنده اى معلومه عن المشاكل اللى فى العربيه اللى الناس بتتكلم عليها دى ... ياريت يعرفنى وما يبخلش عليه ...
وياريت كمان العربيه لو فيها مميزات حلوه او حاجات الواحد مش واخد باله منها .. يقول لنا عليها ...
المفضلات