أوبل أسترا 2001

**hazem_salem** · 13-09-2009 05:18 PM

يارجاااااالة انا لسة اجع من التوكيل حالا و كشفت عليها كشف عام اتكلف 176 جند هاقولكم رأيي في الأخر
انا كنت حاجز من وم الخميس عشان كدة دخلت على طول المهم واحد قابلني اسمة مصطفى بصراحة مش قد كدة و قاللي ظبطني يابية عشان اظبطك انا استغربت و فكرت أشتكية بس بصرحة اديتة 20 في الأخر عشان فضل يشيك على العربية مع انه كلمنجي اوي و بيفتي بس انا قلت معلهش اهو بردة يمكن اعوزة اخدت منة تليفونةيمكن احتاج حاجة.
بالنسبة للتقرير ادوني ورقة كدة مكتوب فيها شوية حاجات عن العربية انا هاصورها و ابعتهالكو
المهم بصوا ده تقرير العربية و قلولي اية رأيكم فيها و انا جبت الأسعار من التوكيل كمان و ياريت لو حد يعرف أسعار تانية يقولنا.

كبس ماتور سلندر 1 و 2 و 3 10/15

سلندر رقم 4 8/15المحرك

تحتاج الى طقم دبرياج ب 3300 جندالدبرياج

مساعدين امامي(1500) و خلفي(950) – بطاحات(320) – بيض ميزان (250) عفشة

سليم دورة تبريد

سليم أدوات تغذية

سليم الفتيس

سليم الفرامل

سليم تسريب زيوت

سليم شاسية

سليم أعطال دائرة المحرك

سليم الدركسيون

سليم كشافات

سليم كرونة

ملاحظات أخرى : تحتاج الى سير(100) و بيلية شداد(670) و طرمبة مياة(705)

تحتاج الى طنابير و تيل فرامل (دول قاللي عليهم بس ماكتبهمش في التقريير مش عارف نسي والا هو بيشتغلني و الا ايه)

في شاب هناك اسمة محمد هو اللي كشف بالجهاز على الحساسات قاللي عليها كويسة و قاللي لو عرفت تخلص العربية دي على 56 يبقى كويس قاللي العربية كويسة قوي و أعطالها قلييل قوي
قاللي كبس الماتور ده هايخليك تحتاج طقم شنبر بعد سنتين(مصطفى قاللي عايزة عمرة دلوقتي و تغير جوان وش سلندر مش عارف ده ايه علاقتة بكبس الماتور انا حاسس مصطفى ده بيفتي)

ايه ريكم في العربية دي يا أوبلاوية ادوووس فيها والا بلاش؟
كمان عايز أعرف ايه الحاجات اللي ممكن اعملها برة التوكيل و هل ممكن أعمل كله برة و هايتكلف كام و أعملة فاين؟

تقيمي للتوكيل انة تعبااان و مصطفى زبطني ده تحس انك واقف في الوكاله و احد عاوز ينصب و خلاص

مستني ردكم يا باشمهندسييين

**hazem_salem** · 13-09-2009 08:07 PM

مستني ردكم يا خبراء الأوبل
عايز أعرف كبس الماتور ده يعني ايع و الأرقام اللي طالعة دي حلوة والا وحشة :)

**A.Elsheikh.01** · 13-09-2009 08:23 PM

حاليا لسه واخد بالى من الكلام دا
ومش هفتى فيه طبعا زي ما هو واضح من مصطفى
بس الى اقدر اقوله ممكن تستنا عليا يوم بالضبط اكون فوت على الميكانيكي بتاعى واوريله الكلام دا
وهو الى هيفتى فيه هاقولو ليك
يمكن كلامه يطلع صح معاك

**haitham gazaly** · 14-09-2009 03:58 AM

انا اعرف واحد فى صقر قريش متخصص اوبل بس وكمان حنين اوى مبيجرحش فى الفلوس اقوى انا وديتله العربية كشف عليها كمبيوتر وظبط اربة المية وحاجات كتير وخد 150 جندى

**hazem_salem** · 14-09-2009 04:53 AM

المشاركة الأصلية كتبت بواسطة a.elsheikh.01

حاليا لسه واخد بالى من الكلام دا
ومش هفتى فيه طبعا زي ما هو واضح من مصطفى
بس الى اقدر اقوله ممكن تستنا عليا يوم بالضبط اكون فوت على الميكانيكي بتاعى واوريله الكلام دا
وهو الى هيفتى فيه هاقولو ليك
يمكن كلامه يطلع صح معاك

متشكر يا شييخ على الرد السريع ياريت ياباشا لو مافيهاش تعب (عارف هاتعبك) أشألي الميكانيكي بتاعك و ان شاء الله خير

**hazem_salem** · 14-09-2009 04:55 AM

المشاركة الأصلية كتبت بواسطة astra2002

انا اعرف واحد فى صقر قريش متخصص اوبل بس وكمان حنين اوى مبيجرحش فى الفلوس اقوى انا وديتله العربية كشف عليها كمبيوتر وظبط اربة المية وحاجات كتير وخد 150 جندى

متشكر على ردك ياكبير
طيب ياريت عنوانة و ياترى قطع الغيار فين أحسن مكان اجيب منة الحاجة بالزات طقم الدبرياج عشان عامل 3300 جند غالي قوي :)
ربنا يكرمك ياباشا.

**haitham gazaly** · 14-09-2009 11:22 PM

عنوانه بالضبط معرفش لانى بمشى بالباركة لكن معايا رقم تليفونه هو اسمه محمد عبد الراضى
اما بالنسبة لقطع الغيار انا اسمع ان اخوان مقار فى الدقى وهما توكيل معندهمش ضريبة ممكن اجيبلك ارقام تليفوناتهم وتسأل عندهم

**hazem_salem** · 15-09-2009 09:07 PM

المشاركة الأصلية كتبت بواسطة astra2002

عنوانه بالضبط معرفش لانى بمشى بالباركة لكن معايا رقم تليفونه هو اسمه محمد عبد الراضى
اما بالنسبة لقطع الغيار انا اسمع ان اخوان مقار فى الدقى وهما توكيل معندهمش ضريبة ممكن اجيبلك ارقام تليفوناتهم وتسأل عندهم

شكرا ياباشا على أهتمامك و ياريت لو تديني رقم تليفونة
انا سألت على مصنعية تركيب طقم دبرياج في التوكيل عند منصور قالولي 800 جند و مقار 370 بس مقار اعندوش طقم الدبرياج مش عارف ممكن اجيبه من منصور و اخليهم يركبوه و الا ايه عشان انا سألت على الطقم دة برة بس مش لاقية أصلي خالص كل الموجود عند الشيماء و سرور و اميركان ستارز اسمه فاليو مش gm مش عارف انتم ايه رأيكم
كمان ياريت يا جماعة د يفيدني في موضوع الماتور ده الأرقام اللي كتبتها ده ماتور كويس والا لأ
هو كان كل السليندرت 10/15 وواحد بس 8/15 ده كده اية النظام اشتري العربية دي والا بلاش اشوف حاجة تانية؟؟
يلريت ترده عليا يارجااااااله
كل سنة و انتم طيبين

**haitham gazaly** · 15-09-2009 10:59 PM

رقم تليفونه 0103486261 اسمه محمد عبد الراضى
على فكرة انت ممكن متغيرش طقم الدبرياج كله شوف البلية لو سليمة متغيرهاش لان هى اغلى حاجة على واعتقد
فى الحالة دى هتغير الديسك والاسطوانة والاثنين سعرهم اققل من البلية تقريبا عملي من 900 ل1100 وممكن اى حد بيفهم يركبهملك