الموضوع: عيوب هيونداى نيو اكسنت

اخباركم ايه يا جماعة.معلش انا كنت مسافر و مش بدخل على الموقع خالص لظروف انشغالى
المهم انا لما فتحت الموضوع لقيته سخن فجأة مش عارف ليه و ناس بتنتقدنى و ناس بتدافع و حاجة صعبة و فعلا قى ردود ضايقتنى جدا زى الردود بتاعة انت اشتريت مترجعش تشتكى و مضطر ارد عليها و اعذرونى فى الاسلوب...اولا انا بشكر كل الناس على المرور على الموضوع و انهم تعبوا نفسهم باضافة التعليقات سواء مؤيدة اورافضة . بس يمكن اكون انا فى اول موضوعى دخلت على مواضيع كبيرة شوية على فهم بعض الناس و سمعة الصناعة الوطنية و الكلام ده اللى اعتقد ان فيه ناس مفهمتش المغزى من وراه و كل اللى يهمهم هو التوكيل حلو ولا وحش وبيدافعوا عنه و خلاص.و اهمية الحفاظ على حقوقنا كمستهلكين زى باقى الدول و ده برضة فوق مستوى فهم البعض اللى كل اللى يقدروا يقولوا عليه مش عاجبك التوكيل اشترى من توكيل تاني..
اما بالنسبة لاختيار اسم الموضوع دى وجهة نظرى ان ده عيب فى العربية و التوكيل.. بالنسبة للتوكيل انا لازم اوضح انى كنت سمعت ان النوكيل فيه مشاكل و لان بعض الناس المدافعة عن التوكيل فى الحق و الباطل زى ما بيحصل هنا فى الموضوع ده دلوقتى قلت فى نفسى اكيد دى مشاكل فردية و التوكيل كويس اشترى و وخلاص لانى كنت بعت عربيتى القديمة ومحتاج عربية بسرعة .و بعدين نشوف بقى اصل المشكلة اللى هى المساحات اتحلت ازاى..روحت التوكيل و بقول للمهندس المساحة مخلوعة من غير ما يكشف قالى تتغير على حسابك ( ايه رأى الاخوة المدافعين عن غبور) احنا المفروض بنحاول نشرح كل تجاربنا و مشاكلنا و اتحلت ازاى مع العربية علشان باقى الاعضاء تستفيد مش نقعد ندافع عن غبور على طول .المهم قلتله لا مش حغيرها على حسابى و اكشف عليها الاول و ادينى التقرير.كشف عليها قالى الصامولة مش موجودة وحنركبها..قلت له ماشى. الاخوة المدافعين اظن انى مش ممكن افك الصامولة تانى يوم ما اشترى العربية و العربية بتركن فى جراج متغطية جنبها 2 عمال جراج فمستحيل يكون حرامى. المهم بعد ما دفعت الفاتورة براجع عليها لقيتهم كاتبين 2جنيه تمن صامولة. قلت مش مهم حاجة هايفة وبعد ما خرجت بالعربية برة التوكيل وقفت اجيب حاجة و ببص بالصدفة على مكان تركيب الصامولة لقيت الكاوتشة اللى بتركب فوقها مش موجودة اللى بتحافظ عليها من الصدأ رجعت التوكيل تانى قعدوا يدورا عليها ربع ساعة و بعدين جابوها. للاخوة فريق الدفاع اللى عاوز اوضحه من كلامى للاعضاء محدش ياخد كلام مهندس الصيانة انه امر مسلم به و لازم يبقى فاهم ايه الفرق بين عيوب التصنيع وعيوب الاستعمال و محدش يفتكر انه راكب عربية جديدة و توكيل و الحاجات دى.لازم تراجع على كل حتة فى العربية قبل الاستلام. سواء لو جديدة و لسه خارجة من المعرض او بعد كل صيانة .طبعا فى ناس حترد عليا و تدافع عن غبور و تقول حاجات بسيطة. بس المصيبة انه حيعمل ايه فى الكبيرة لو لا قدر الله حصل حاجة.اذا كان اخد 2 جنيه تمن الصامولة و اهمال اثناء التركيب امال لو حاجة كبيرة حيعمل فينا ايه او لو حاجة صعب تراجع عليها بنفسك..ربنا يستر. لكن على العموم العربية لحد دلوقتى بعد 3000 كيلو ممتازة جدا معايا (علشان فريق الدفاع ميزعلش )بس بضايق ساعات من العفشة الناشفة بس بحاول اخد عليها.. و عاوز اسأل عن حاجة بخصوص انى عاوز اركب اسبويلر لتسهيل عملية الركنة لو مكانش يضايق حد من فريق الدفاع و مش عاوز حد منهم يرد عليا و يقوللى هيا العربية كده و انت اشتريت وايه اللى خلاك تشترى و الكلام ده و مترجعش تشتكى من حاجة .. اقولكم انا حطرح الموضوع ده فى موضوع جديد علشان نقفل الموضوع ده اللى اسمه مش عاجب بعض الناس لانى فعلا اعصابى بتفور لما بقرأ التعليقات الغريبة دى.بجد حاجة تخلى الواحد يندم انه بيشارك..لو حد من السادة المشرفين يقدر يحذف كل الموضوع يبقى يا ريت علشان الكل يرتاح..او حد يقولى احذفه ازاى ؟؟؟

الى الاخوة فريق الدفاع عن غبور برجاء متابعة الرابط التالى و منتظر ردودكم على صاحب المشكلة و الحمد لله كان عندى حق لما قلت انى مشكلتى بسيطة و حصل معايا كده لكن لو مشكلة كبيرة ربنا يستر ننتظركم للدفاع عن توكيل غبور فى الرابط التالى و ذلك جزء من المشكلة المعروضة هناك لتجهيز الدفاع
1- اشتريت عربية فيرنا فيفا 2008 بضمان من الوكيل (غبور طبعا)
2- البارومة ظهرت في أجزاء مختلفة في حوض الموتور (بالصور)
ما اقترحه الوكيل غبور
إما ترك السيارة وعمل المرمات المطلوبة (باعتبار أن العيب ممكن علاجه) يعنى الحوض حيترش و حينزل بتمن العربية للارض باعتبارها رشة دواخل...
أو استبدال السيارة (سياسة الإستبدال:خصم قيمة إستهلاك السيارة بحسب عدد الكم.ودفع الفرق للسيارة الجديدة) ( برجاء ملاحظة موديل السيارة لتجهيز دفاع مناسب )
الرابط : http://www.nilemotors.net/Nile/105446-2008.html

المشاركة الأصلية كتبت بواسطة lans145

..او حد يقولى احذفه ازاى ؟؟؟

بسيطه جدا تقرير مشاركه و اطلب من المشرف حذفه

بس همسه ليك اخي الفاضل
الحكايه مش مستاهله نرفزه خالص
ده منتدي يعني الراي و الراي الاخر و مدام محدش اساء اليك يبق خلاص و لو شعرت انه فيه مشاركه حد اساء اليك بيها قدم شكوي
ده حقك