المشاركة الأصلية كتبت بواسطة lans145
[justify]
انا مستلم العربية من 3 ايام تخيلوا النهاردة السايس بيمسح العربيية قدام عينى و بيرفع المساحات قامت واحدة طلعت فى ايده .. المساحة كلها مش الريشة و حاولت اركبها لقيتها واسعة على مكان الموتور بتاعها تقريبا مش بتاعتها ... كده اعتقد ان ده عيب غبور لان مستحيل مستحيل مستحيل تكون العربية جاية من كوريا كده ده انا لو شارى عربية سيات او 128 جديدة مش حيحصل فيها كده .. المشكلة انى معنديش وقت اروح التوكيل..
و مش عارف اعمل ايه يعنى لازم احجز فى التوكيل علشان اروح اركب المساحة بالذمة مش حرام اضيع وقتى فى حجاة هبلة زى دى و لا استنى صيانة الالف كيلو و اروح مرة واحدة و يا ترى حيغيروها و لا حيقولوا عيب استعمال مع ان المساحة اترفعت مرتين بس...
هو مش المفروض فى بنى ادم مراقب جودة فى التوكيل و المصنع ده و لا ده مصنع تحت بير السلم و اذا كان المساحة اللى هيا هايفة كده بتطلع من المصنع بايظة امال باقى العربية حيحصل فيها ايه بعد شهر او سنة..ربنا يستر..
انا بس مش عارف فى ناس بتقولى روح قسم الهياكل مش الصيانة ويا ريت لو حد عنده معلومة ياريت يفيدنى
على العموم انا مش حسكت صيانة - هياكل - و حروح من غير حجز كمان بس افضى يوم و انا اوريهم
ان شاء الله ابعت للشركة برة وحاشتكى لجهازحماية المستهلك... انا عارف انها حاجة بسيطة بس عيب اوى ادفع 78000 جنيه و بعد 3 ايام المساحة تطلع فى ايدى امال قدام شوية حيحصل ايه تانى... و بعدين اصلا انا مش فاضى للمشاوير دى .. منهم لله مش كفاية عفشة العربية زى الزفت دى مش ممكن تكون عفشة عربية دى عفشة دبابة او عربية نقل ناشفة جدا لدرجة انك ممكن تشك ان العربية دى بدون مساعدين اصلا..
الواحد مش عارف يعمل ايه قالوا ابعد عن التقفيل المصرى وحش... قلت بلاش حاجيب تقفيل كورى 100 % يقوم الوكيل لازم يلعب فى العربية و يركب السنتر و الانذار فى مصر و يشيل كماليات و يفك و يركب و يبهدل فى العربية..
المفضلات