اقتباس المشاركة الأصلية كتبت بواسطة ghost2 مشاهدة المشاركة
ومش عايز دكتور احمد سامي يزعل مني .. هو عارف انا بعزه قد ايه .. وعلى فكرة العربية مش كلها عيوب .. فيها مميزات بردة .. زي الموتور الجبار والثبات المعقول اوي بالنسبة لعربية كوري

بجد يا جماعة منكرش اني اتخدعت في مظهر العربية دي .. لكن الجوهر بنسبة كبيرة ( لاتعليق )

وبردة زي ما قلت الزعل ممنوووووووووووع


زعل ايه يا أستاذ أحمد بس

احنا هانزعل من بعض علشان أراءنا مختلفة ؟؟؟

مستحيل طبعا

نيجي بقى للموضوع ....

صاج العربية

ده كان تقييمي ليه


- قوة الصاج و تقفيل الجسم :

الباب الخلفي و الشنطة و الفرف الخلفي :جيد جدا (لصغر المساعة ووجود ثنيات سوك)


الباب الأمامي و الكابوت : مقبول جدا (مش ضعيف)


الرفرف الأمامي (بسكوته) بالذات الجزء الخلفي منه


طبعا مقاييس القوة تفرق من واحد لواحد ..يعني ماحدش يقارنها بالأوكتافيا مثلا ولا بالبرليانس . هاتبقى ولا حاجة جنبهم .



موضوع انك تضغط على الباب و يدخل لجوة ده سببه مش ضعف الصاج قد ما هو مساحة مقطع الصاج الكبيرة في الباب بدون أي تقوية من سوكة أو غيره وده غير باب كتير من العربيات اللي مش هاتلاقي بابها الا و في سوكة قوية أو مساحته أصغر....

و حتى الرفرف اللي قدام اللي أنا وصفته انه بسكوته

الرفرف ده داست فيه تريلا

و الضرر خفيف جدا ليه ؟؟

لأنه طري بياخد ويدي ...

ده لو كان مصفح كان قلع الفانوس من مكانه و اتبهدل

دي فكرة الصاج الطري على فكرة بس دي مسألة قناعات مش وقت تغييرها



الخامات الداخلية تقدر تقول بلاستيك ...تقدر تقول مش فاخرة

بس فين الحتة اللي (زيقت) تحت ايدك أنا ما عنديش ولا تزييق ولا طقة ولا فرق حتى

التقفيل الحقيقة على مستوى محترم جدا كان ينقصه خامات أفضل لتقفل باب النقاش بالضبة و المفتاح

و طبعا أنا اتحفظ بشدة على مجرد التشبيه بالصيني ....بشدة

حتة البلاستيك الوحيدة الوحشة هي ذراع ترجيع الظهر للخلف دي الحقيقة وحشة غير كده مرضي و شغال بكفاءة.

أما رأيك النهائي انها خدعة كبيرة في السوق فده طبعا رأي يحترم

بس هارد عليه ...

الخدعة هي اخفاء عيب أو مداراته

اللي حضرتك قلتها كلها عيوب منظورة و ملموسة و مرئية يراها أي شخص بمجرد دورانه حول العربية و الركوب فيها و هي واقفه ...

و اعتقد ان اللي اشترى العربية صعب أخدعه و أخبي عليه خامات الصالون أو خامات الصاج ..صح ؟؟؟


الخدعة الحقيقية هي خدعة سلبية

ان في ناس ملمستش" أداء العربية " ما حدش دور و طلع و خط بيها شارع مدغدغ على 80 و محمل أربعة


مش كتير اللي دخلوا ملفات بزنوقه و قلبهم وقع و خرجوا من الملف بابتسامة رضا عن ثبات سيارة كورية قارب كثيرا سيارات أغلى و أفضل سمعة


مش كتير اللي اتزنق جنب تريلا و سقط نقله ولاقى موتور بيسحبه و يرميه قدام (ولو صوته عالي)

مش كتير اللي حمل شنطة باللي عايزه و اللي مش عايزه وهو طالع الساحل


وغير كده من الأداء وصولا لصوت الكاسيت اللي فوق ممتاز و اسأل نادر نبيل سمعه يوم المقابله


اللي عايز أوصله ان مش اللي اشترى هو المخدوع لأنه شاف كل اللي ناس بتعيبه على العربية قبل ما يشتريها و يركبها ...


اللي اتخدع هو اللي شاف الحاجات دي بس ...و قال و أنا مالي (خليني في الياباني) و مركبش ولا جرب ولا داق ولا عرف ليه العربية دي بترطرط و بتبيع من غير دعاية و من غير أحمد عز ولا أحمد السقا

قد تحمل الجواهر في صندوق من الخشب


ونهاية يا صديقي

ما قلته هو رد فقط على موضوعك

و بدون أي زعل انت عارف