فيات و شيرى خطوة للأمام أم بداية سقوط عملاق؟

**Ahmed Taha** · 31-10-2007 11:04 AM

أعلنت شركتى فيات الإطالية و شيري الصينية أمس توقيع مذكرة تفاهم تقضى بإنشاء خطوط إنتاج مشتركة في الصين لإنتاج موديلات معينة من ألفا روميو و فيات جنبا إلى جنب مع موديلات شيري.

هذا بالإضافة لإتفاقية سابقة تورد بمقتضاها شيري محركات من سعة 1600cc و 1800 cc لتركب على موديلات فيات المتعددة علي مستوى العالم.

مع إحترامي الشديد لصناعة السيارات الصينية و قناعتي التامة بأنه مع معدل النمو في هذه الصناعة فالصين فإنه بعد خمس سنوات من الآن سوف تصبح الصين منافس حقيقي قوي للشركات اليابانية و الأوروبية و الأمريكية و سوف تتخطى الكورى و الماليزي و ما على شاكلته. و لكن أرى أنها خطوة مبكرة جدا من فيات قد تفقدها سمعتها عالميا.

الأن شيري في مرحلة التجريب و للأسف تستعمل الدول النامية و منها مصر كفئران تجارب لسياراتها المرفوضة في دول العالم المتقدم. و يجب أن نعترف أنها تتقدم نتيجة هذه التجارب و خاصة شيري التي تقدم موديلات من تصميمها و ليست مسروقة كغيرها. فهل سوف تضيف لفيات علما بأنها بصدد إنتاج سيارات دودج الأمريكية.

ما رأيكم في هذه الخطوة من فيات؟

**Islam_galal** · 31-10-2007 11:15 AM

مخاطرة لا شك بس فيات عندها مشاكل من مدة
يمكن ده يكون حل غير تقليدي
الايام فقط هي اللي حتبين

**CryptonX** · 31-10-2007 11:32 AM

المشاركة الأصلية كتبت بواسطة Ahmed Taha

أعلنت شركتى فيات الإطالية و شيري الصينية أمس توقيع مذكرة تفاهم تقضى بإنشاء خطوط إنتاج مشتركة في الصين لإنتاج موديلات معينة من ألفا روميو و فيات جنبا إلى جنب مع موديلات شيري.

هذا بالإضافة لإتفاقية سابقة تورد بمقتضاها شيري محركات من سعة 1600cc و 1800 cc لتركب على موديلات فيات المتعددة علي مستوى العالم.

مع إحترامي الشديد لصناعة السيارات الصينية و قناعتي التامة بأنه مع معدل النمو في هذه الصناعة فالصين فإنه بعد خمس سنوات من الآن سوف تصبح الصين منافس حقيقي قوي للشركات اليابانية و الأوروبية و الأمريكية و سوف تتخطى الكورى و الماليزي و ما على شاكلته. و لكن أرى أنها خطوة مبكرة جدا من فيات قد تفقدها سمعتها عالميا.

الأن شيري في مرحلة التجريب و للأسف تستعمل الدول النامية و منها مصر كفئران تجارب لسياراتها المرفوضة في دول العالم المتقدم. و يجب أن نعترف أنها تتقدم نتيجة هذه التجارب و خاصة شيري التي تقدم موديلات من تصميمها و ليست مسروقة كغيرها. فهل سوف تضيف لفيات علما بأنها بصدد إنتاج سيارات دودج الأمريكية.

ما رأيكم في هذه الخطوة من فيات؟

معلش تعديل بسيط .

الخير ده من فترة كنا حطناه على منتدى فيات .

فيات تراجع حاليا موقفها و مبيعاتها في الصين والي هي ضئيلة جدا , بسبب انشغال مصنعها وتوكيلها هناك ( شركة نانجينج ) بتصنيع سيارات MG ROVER اللي حصلت عليها الشركة الصينية في مناقصة بيع من السنة الي فاتت .

ففيات فكر في شريك استراتيجي جديد على اساس ان نانججينج لم تعد تفيد فيات كثيرا .

وبالفعل كانت شيري ,و قال عليها ماروكني ( رئيس مجلس ادارة فيات ) انها شركة صغيرة طموحة و تمتلك امكانيات و تكنولجيا معقولة .

فقررت فيات انشاء مصنع جديد ( للسوق المحلي فقط !! ) لآنتاج البونتو و اللينيا الجداد و موديلان من الفا روميو للسوق الصيني فقط .

بالنسبة لصفقة المحركات , ستكوت اختبارية لعدة سنوات وللسوق الصيني ايضا فقط , وان ثبتت نجاحها , سوف تقوم بلاستعانة بمواتير شيري في المستقبل من 1300 الي 1800 سي سي في بعض موديلات فيات العالمية ( اي الباليو - سيينا - البيا- لينيا ) وليس في موديلات فيات اللايطالية .

دي مش انهيار .. دي صحوة متأحرة بعدما تعدت الشركات الكورية و الآوروبية العملاق فيات , و اصبحت فيات تحتل المركز العاشر في ميعات السيارات عالميا , و منذ تولي ماركوني الرئاسة و هو يحاول تنشيط فيات في كل بلاد العالم ( توكيل بتاعنا في مصر ده لما فتح تاني كان بمساعدة فيات )

و موديلات فيات الجديد اكبر دليل على بداية الصحوة ( الجراند بونتو - البرافو - اللينيا- 500 ) كلها سيارت حائزة علىى جوائز اوروبية و 5 نجوم في اختبارات التصادم ..

لللأسف سوقها مش ماشي في مصر بسبب الدعايا السيئة و التسويق الأي كلام .. و الأسعار الغريبة الي توكيل فارضها .

**Adham** · 31-10-2007 12:39 PM

بدون حساسية و لا زعل, ومع خالص احترامي لمالكي الشيري و اللفيات

اتلم المتعوس على خايب الرجاء

**CryptonX** · 31-10-2007 12:46 PM

المشاركة الأصلية كتبت بواسطة Adham

بدون حساسية و لا زعل, ومع خالص احترامي لمالكي الشيري و اللفيات

اتلم المتعوس على خايب الرجاء

LOL

هاهاها :) ولله صح :P

لواني خايف في اللاخر الاقي فيات بتقول لشيري ( جبتك يا عبد المعين .... ) :)

استاذ احمد , ايوا بس صقفة المحركات مش حتم او مش حتتنفذ قبل 2010 و يا عالم ايه الي وبعدين ايوا هو برة الصين بس للموديلات التالية فقط : باليو - سيينا - البيا , الي هي السيارات الي بتنتج خارج مصانع فيات الايطالية .

**Adham** · 31-10-2007 01:28 PM

ايوة بس فيات بتمر بازمات مالية من فترة و مبيعاتها في النازل و مش ماشية كويس

و كون فيراري تابعه ل فيات مش معناة ان فيات على قمة شركات السيارات في العالم ماهو برضة رولزرويس و بنتلي اتباعوا لفولكس فاجن سنة1998 , و سيات تابعه برضة لبورش و ماركة زي اي بي ام اتباعت لشركة صيني مجهولة اسمها لينوفو و شركة بينكيو اشترت سيمنز موبايلز زي ما اريكسون اشترت سوني موبايلز و جنرال موتورز اشتري دايوو و غيرها و غيرها

و الحصان اللي انا حاطة مش علشان فيراري لكنة رمز للحصان و خلاص لأنة تابع لأسمي

الأدهم من اسامي الحصان

و الحصان برضة علامة البورشية مش بس الفيراري على فكرة

و من الاول انا قلت بدون حساسية و لا زعل و مش عاوز الاقي نافسي داخل في خناقة بين شيري و فيات في المنتدى

دة رأيي و فيات لا يمكن يوصف بعملاق وسط تويوتا و جنرال موتور و بي ام و مرسيدس, بالكتير قزم بينهم

عفوا بس ما عاوز ارد هنا تاني على ردود بخصوص رأيي, علشان الموضوع مايبقاش خناقة زي ما بيحصل في مقالات الشيري و السبيرانزا

**Ahmed Taha** · 31-10-2007 01:30 PM

مالك أفشت كدة لية يا عم أدهم أنا بهزر معاك

**Adham** · 31-10-2007 01:37 PM

انا ما قفشتش

بس شايف ان الحوار ابتدى بوادر خناقة من خناقات مواضيع العربيات الصيني بتاعه كل يوم و مش عاوز اخش في خناقة من دول بصراحه, علشان في الآخر كلة بيبقى زعلان برغم ان اختلاف الرأي لا يفسد للود قضية, بس ناس كتير مش بتمشي بالمبدأ دة للأسف